ਅਮਰੀਕਾ ਤੇ ਵੈਸਟਇੰਡੀਜ਼ ਵਿਚ 2 ਜੂਨ ਤੋਂ ਸ਼ੁਰੂ ਹੋ ਰਹੇ ਟੀ-20 ਵਰਲਡ ਕੱਪ ਲਈ ਭਾਰਤੀ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। BCCI ਨੇ ਟੂਰਨਾਮੈਂਟ ਲਈ ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਿਚ 15 ਮੈਂਬਰਾਂ ਵਾਲਾ ਸਕਾਡ ਜਾਰੀ ਕੀਤਾ ਹੈ।
IPL ਵਿਚ ਬੇਹਤਰੀਨ ਬੱਲੇਬਾਜ਼ੀ ਕਰ ਰਹੇ ਸੰਜੂ ਸੈਮਸਨ ਤੇ ਰਿਸ਼ਭ ਪੰਤ ਨੂੰ ਵਿਕਟ ਕੀਪਰ ਵਜੋਂ ਚੁਣਿਆ ਗਿਆ ਹੈ। ਪੇਸ ਬਾਲਿੰਗ ਆਲ ਰਾਊਂਡਰ ਦੀ ਕੈਟੇਗਰੀ ਵਿਚ ਹਾਰਤਿਕ ਪਾਂਡਯ ਦੇ ਨਾਲ-ਨਾਲ ਸ਼ਿਵਮ ਦੁਬੇ ਵੀ ਚੁਣਏ ਗਏ ਹਨ। ਸ਼ੁਭਮਨ ਗਿੱਲ ਤੇ ਰਿੰਕੂ ਸਿੰਘ ਮੁੱਖ ਸਕਵਾਡ ਵਿਚ ਥਾਂ ਨਹੀਂ ਬਣਾ ਪਾਏ ਹਨ। ਉਹ ਟ੍ਰੈਵਲਿੰਗ ਰਿਜ਼ਰਵ ਦਾ ਹਿੱਸਾ ਬਣਾਏ ਗਏ ਹਨ।
ਟੀਮ ਇੰਡੀਆ ਪਹਿਲਾ ਮੁਕਾਬਲਾ 5 ਜੂਨ ਨੂੰ ਆਇਰਲੈਂਡ ਤੋਂ ਖੇਡੇਗੀ। ਟੀਮ ਦਾ ਦੂਜਾ ਮੁਕਾਬਲਾ 9 ਜੂਨ ਨੂੰ ਪਾਕਿਸਤਾਨ, 12 ਜੂਨ ਨੂੰ ਤੀਜਾ ਮੁਕਾਬਲਾ ਅਮਰੀਕਾ ਤੇ 15 ਜੂਨ ਨੂੰ ਚੌਥਾ ਮੁਕਾਬਲਾ ਕੈਨੇਡਾ ਤੋਂ ਹੋਵੇਗਾ।
ਇਸ ਵਾਰ ਟੀ-20 ਵਰਲਡ ਕੱਪ 2 ਤੋਂ 29 ਜੂਨ ਤੱਕ ਵੈਸਟਇੰਡੀਜ਼ ਤੇ ਅਮਰੀਕਾ ਵਿਚ ਖੇਡਿਆ ਜਾਵੇਗਾ। ਟੂਰਨਾਮੈਂਟ ਦਾ ਓਪਨਿੰਗ ਮੈਚ ਕੈਨੇਡਾ ਦੇ ਹੋਮ ਟੀਮ ਅਮਰੀਕਾ ਵਿਚ ਡਲਾਸ ਵਿਚ ਹੋਵੇਗਾ। ਫਾਈਨਲ ਮੈਚ 29 ਜੂਨ ਨੂੰ ਵੈਸਟਇੰਡੀਜ਼ ਦੇ ਬਾਰਬਾਡੋਸ ਸ਼ਹਿਰ ਵਿਚ ਹੋਵੇਗਾ। ਸੁਪਰ-8 ਤੇ ਨਾਕਆਊਟ ਮੈਚ ਵੈਸਟਇੰਡੀਜ਼ ਵਿਚ ਹੋਣਗੇ। ਟੀਮ-20 ਵਰਲਡ ਕੱਪ ਵਿਚ ਗਰੁੱਪ ਸਟੇਜ ਦੇ ਮੁਕਾਬਲੇ 2 ਤੋਂ 17 ਜੂਨ ਤੱਕ ਹੋਣਗੇ। 19 ਤੋਂ 24 ਜੂਨ ਤੱਕ ਸੁਪਰ-8 ਸਟੇਜ ਦੇ ਮੁਕਾਬਲੇ ਹੋਣਗੇ। ਫਿਰ 26 ਜੂਨ ਤੋਂ ਨਾਕਆਊਟ ਸਟੇਜ ਸ਼ੁਰੂ ਹੋਵੇਗਾ।
ਇਸ ਵਾਰ ਟੀ-20 ਵਰਲਡ ਕੱਪ ਦਾ 9ਵਾਂ ਐਡੀਸ਼ਨ ਖੇਡਿਆ ਜਾਵੇਗਾ। ਇੰਗਲੈਂਡ ਡਿਫੈਂਡਿੰਗ ਚੈਂਪੀਅਨ ਹੈ। ਟੀਮ ਨੇ 2022 ਵਿਚ ਪਾਕਿਸਤਾਨ ਨੂੰ ਹਰਾ ਕੇ ਦੂਜੀ ਵਾਰ ਖਿਤਾਬ ਜਿੱਤਿਆ ਸੀ। ਇਸ ਤੋਂ ਪਹਿਲਾਂ 2010 ਵਿਚ ਟੀਮ ਨੇ ਆਸਟ੍ਰੇਲੀਆ ਨੂੰ ਹਰਾ ਕੇ ਪਹਿਲੀ ਵਾਰ ਟਰਾਫੀ ਜਿੱਤੀ ਸੀ। ਵੈਸਟਇੰਡੀਜ਼ ਵੀ 2012 ਤੇ 2016 ਵਿਚ 2 ਵਾਰ ਖਿਤਾਬ ਜਿੱਤ ਚੁੱਕੀ ਹੈ। ਭਾਰਤ, ਪਾਕਿਸਤਾਨ, ਆਸਟ੍ਰੇਲੀਆ ਤੇ ਸ਼੍ਰੀਲੰਕਾ ਨੇ 1-1 ਵਾਰ ਜੇਤੂ ਟਰਾਫੀ ‘ਤੇ ਕਬਜ਼ਾ ਕੀਤਾ ਹੈ।
ਟੀ-20 ਵਰਲਡ ਕੱਪ ਲਈ ਟੀਮ : ਰੋਹਿਤ ਸ਼ਰਮਾ (ਕਪਤਾਨ), ਯਸ਼ਸਵੀ ਜੈਸਵਾਲ, ਵਿਰਾਟ ਕੋਹਲੀ, ਸੂਰਿਆਕੁਮਾਰ ਯਾਦਵ, ਰਿਸ਼ਭ ਪੰਤ, ਸੰਜੂ ਸੈਮਸਨ, ਹਾਰਦਿਕ ਪੰਡਯਾ, ਸ਼ਿਵਮ ਦੁਬੇ , ਰਵਿੰਦਰ ਜਡੇਜਾ, ਅਕਸ਼ਰ ਪਟੇਲ, ਕੁਲਦੀਪ ਯਾਦਵ , ਯੁਜਵਿੰਦਰ ਚਹਿਲ, ਅਰਸ਼ਦੀਪ ਸਿੰਘ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸਿਰਾਜ਼।
ਇਸ ਤੋਂ ਇਲਾਵਾ ਸ਼ੁਭਮਨ ਗਿੱਲ, ਰਿੰਕੂ ਸਿੰਘ, ਖਲੀਲ ਅਹਿਮਦ, ਅਵੇਸ਼ ਖਾਨ ਨੂੰ ਰਿਜ਼ਰਵ ਖਿਡਾਰੀ ਵਜੋਂ ਚੁਣਿਆ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
