ਕ੍ਰਿਕਟ ਦੇ ਮੈਦਾਨ ‘ਤੇ ਰਿਕਾਰਡ ਤੋੜਨਾ ਹੋਵੇ ਜਾਂ ਮੈਦਾਨ ਤੋਂ ਬਾਹਰ ਧਮਾਲ ਪਾਉਣਾ, ਭਾਰਤੀ ਸਟਾਰ ਕ੍ਰਿਕਟਰ ਵਿਰਾਟ ਕੋਹਲੀ ਸੁਰਖੀਆਂ ਬਟੋਰਨ ਦਾ ਕੋਈ ਮੌਕਾ ਨਹੀਂ ਛੱਡਦੇ। ਵਿਰਾਟ ਕੋਹਲੀ, ਜੋ ਇਸ ਸਮੇਂ ਕ੍ਰਿਕਟ ਤੋਂ ਬ੍ਰੇਕ ਦਾ ਆਨੰਦ ਲੈ ਰਹੇ ਹਨ, ਵਿੱਤੀ ਸਾਲ 2023-24 ਵਿੱਚ ਟੈਕਸ ਅਦਾ ਕਰਨ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹਨ। ਐੱਮ ਐੱਸ ਧੋਨੀ ਅਤੇ ਸਚਿਨ ਤੇਂਦੁਲਕਰ ਸਮੇਤ ਭਾਰਤੀ ਕ੍ਰਿਕਟਰਾਂ ਵਿੱਚ ਸਭ ਤੋਂ ਵੱਧ ਟੈਕਸ ਅਦਾ ਕਰਨ ਵਾਲੇ ਖਿਡਾਰੀਆਂ ਦੀ ਸੂਚੀ ਵਿੱਚ ਵਿਰਾਟ ਕੋਹਲੀ ਪਹਿਲੇ ਸਥਾਨ ‘ਤੇ ਹੈ।
ਫਾਰਚਿਊਨ ਇੰਡੀਆ ਦੁਆਰਾ ਜਾਰੀ ਕੀਤੀ ਗਈ ਤਾਜ਼ਾ ਸੂਚੀ ਵਿੱਚ, ਕੋਹਲੀ ਟੈਕਸ 2024 ਵਿੱਚ ਸਭ ਤੋਂ ਵੱਧ ਟੈਕਸ ਅਦਾ ਕਰਨ ਵਾਲਾ ਕ੍ਰਿਕਟਰ ਬਣ ਗਿਆ ਹੈ। ਕੋਹਲੀ ਨੇ ਵਿੱਤੀ ਸਾਲ 2023-24 ਵਿੱਚ 66 ਕਰੋੜ ਰੁਪਏ ਦਾ ਟੈਕਸ ਅਦਾ ਕੀਤਾ ਹੈ। ਭਾਰਤੀ ਖਿਡਾਰੀਆਂ ‘ਚ ਵਿਰਾਟ ਕੋਹਲੀ ਤੋਂ ਬਾਅਦ ਇਸ ਸੂਚੀ ‘ਚ ਐੱਮਐੱਸ ਧੋਨੀ, ਸਚਿਨ ਤੇਂਦੁਲਕਰ, ਸੌਰਵ ਗਾਂਗੁਲੀ ਅਤੇ ਹਾਰਦਿਕ ਪੰਡਯਾ ਟਾਪ-5 ‘ਚ ਹਨ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਦਾ ਨਾਮ ਇਸ ਸੂਚੀ ਵਿੱਚ ਨਹੀਂ ਹੈ।
MS ਧੋਨੀ ਨੇ ਵਿਰਾਟ ਕੋਹਲੀ ਤੋਂ ਬਾਅਦ ਵਿੱਤੀ ਸਾਲ 2023-24 ਵਿੱਚ ਸਭ ਤੋਂ ਵੱਧ 38 ਕਰੋੜ ਰੁਪਏ ਦਾ ਟੈਕਸ ਅਦਾ ਕੀਤਾ ਹੈ। ਸਚਿਨ ਤੇਂਦੁਲਕਰ ਨੇ 28 ਕਰੋੜ, ਸੌਰਵ ਗਾਂਗੁਲੀ ਨੇ 23 ਕਰੋੜ ਅਤੇ ਹਾਰਦਿਕ ਪੰਡਯਾ ਨੇ 13 ਕਰੋੜ ਰੁਪਏ ਦਾ ਟੈਕਸ ਅਦਾ ਕੀਤਾ ਹੈ। ਇਸ ਸੂਚੀ ‘ਚ ਰਿਸ਼ਭ ਪੰਤ 10 ਕਰੋੜ ਰੁਪਏ ਦੇ ਟੈਕਸ ਨਾਲ 6ਵੇਂ ਸਥਾਨ ‘ਤੇ ਹਨ।
2024 ਵਿੱਚ ਭਾਰਤ ਦੇ ਟਾਪ-5 ਟੈਕਸ ਪੈਅਰਸ ਕ੍ਰਿਕਟਰ
| ਰੈਂਕ | ਕ੍ਰਿਕਟਰ | ਟੈਕਸ |
| 1. | ਵਿਰਾਟ ਕੋਹਲੀ | 66 ਕਰੋੜ |
| 2. | ਮਹਿੰਦਰ ਸਿੰਘ ਧੋਨੀ | 38 ਕਰੋੜ |
| 3. | ਸਚਿਨ ਤੇਂਦੁਲਕਰ | 28 ਕਰੋੜ |
| 4. | ਸੌਰਵ ਗਾਂਗੁਲੀ | 23 ਕਰੋੜ |
| 5. | ਹਾਰਦਿਕ ਪੰਡਯਾ | 13 ਕਰੋੜ |
ਇਹ ਵੀ ਪੜ੍ਹੋ : ਅਮਰੀਕਾ ‘ਚ 4 ਭਾਰਤੀਆਂ ਦੀ ਸੜਕ ਹਾ.ਦਸੇ ‘ਚ ਦਰਦਨਾਕ ਮੌ.ਤ, DNA ਟੈਸਟ ਰਾਹੀਂ ਹੋਵੇਗੀ ਦੇ.ਹਾਂ ਦੀ ਪਛਾਣ
ਜੇਕਰ ਅਸੀਂ ਵਿੱਤੀ ਸਾਲ 2023-24 ‘ਚ ਸਭ ਤੋਂ ਜ਼ਿਆਦਾ ਟੈਕਸ ਅਦਾ ਕਰਨ ਵਾਲੀਆਂ ਭਾਰਤੀ ਹਸਤੀਆਂ ਦੀ ਗੱਲ ਕਰੀਏ ਤਾਂ ਕਿੰਗ ਖਾਨ 92 ਕਰੋੜ ਰੁਪਏ ਦੇ ਨਾਲ ਇਸ ਸੂਚੀ ‘ਚ ਸਭ ਤੋਂ ਉੱਪਰ ਹਨ। ਉਨ੍ਹਾਂ ਤੋਂ ਇਲਾਵਾ ਸਾਊਥ ਐਕਟਰ ਥਲਪਥੀ ਵਿਜੇ 80 ਕਰੋੜ ਦੇ ਟੈਕਸ ਨਾਲ ਦੂਜੇ ਸਥਾਨ ‘ਤੇ, ਸਲਮਾਨ ਖਾਨ 75 ਕਰੋੜ ਦੇ ਟੈਕਸ ਨਾਲ ਤੀਜੇ ਸਥਾਨ ‘ਤੇ ਅਤੇ ਅਮਿਤਾਭ ਬੱਚਨ 71 ਕਰੋੜ ਰੁਪਏ ਦੇ ਟੈਕਸ ਨਾਲ ਚੌਥੇ ਸਥਾਨ ‘ਤੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
