Wwe wrestlemania 37 : WWE ਦੇ ਸਾਲ ਦੇ ਸਭ ਤੋਂ ਵੱਡੇ ਮੈਚ ਲਈ WWE ਸੁਪਰਸਟਾਰ ਅਤੇ ਯੂਨੀਵਰਸਲ ਚੈਂਪੀਅਨ ਰੋਮਨ ਰੈਨਸ ਦਾ ਐਲਾਨ ਹੋ ਗਿਆ ਹੈ। ਅਸੀਂ WWE ਰੈਸਲਮੇਨੀਆ 37 ਦੀ ਗੱਲ ਕਰ ਰਹੇ ਹਾਂ। ਸਾਲ ਦੀ ਸਭ ਤੋਂ ਵੱਡੀ ਪੀਪੀਵੀ, ਯਾਨੀ ਕਿ WWE ਰੈਸਲਮੇਨੀਆ ਦੀ ਰਿੰਗ ਵਿੱਚ ਚੈਂਪੀਅਨ ਰੋਮਨ ਰੈਨਸ ਦਾ ਮੁਕਾਬਲਾ Edge ਨਾਲ ਹੋਵੇਗਾ। WWE ਨੇ ਅਧਿਕਾਰਤ ਤੌਰ ‘ਤੇ ਟਵੀਟ ਕਰਕੇ ਮੈਚ ਦੀ ਘੋਸ਼ਣਾ ਕੀਤੀ ਹੈ। ਐਜ (Edge) ਅਤੇ ਯੂਨੀਵਰਸਲ ਚੈਂਪੀਅਨ ਰੋਮਨ ਰੈਨਸ, ਜਿਸ ਨੇ ਰਾਇਲ ਰੰਬਲ ਦਾ ਖਿਤਾਬ ਆਪਣੇ ਨਾਮ ਕੀਤਾ ਹੈ, ਵਿਚਕਾਰ ਮੈਚ 10-11 ਅਪ੍ਰੈਲ 2021 ਨੂੰ ਹੋਵੇਗਾ। ਇਸ ਦੌਰਾਨ ਦੋਵਾਂ ਵਿਚਾਲੇ ਭਿਆਨਕ ਲੜਾਈ ਹੋ ਸਕਦੀ ਹੈ। ਇਸ ਲੜਾਈ ਵਿੱਚ ਰੋਮਨ ਰੈਨਸ ਆਪਣੀ ਯੂਨੀਵਰਸਲ ਚੈਂਪੀਅਨਸ਼ਿਪ ਦਾ ਬਚਾਅ ਕਰਦੇ ਦਿਖਾਈ ਦੇਣਗੇ।
ਦਰਅਸਲ, ਰੋਮਨ ਰੈਨਸ ਨੇ ਐਲੀਮੀਨੇਸ਼ਨ ਚੈਂਬਰ ਵਿੱਚ ਇੱਕ ਮੈਚ ਵਿੱਚ ਡੈਨੀਅਲ ਬ੍ਰਾਇਨ ਨੂੰ ਹਰਾ ਕੇ ਆਪਣੀ ਯੂਨੀਵਰਸਲ ਚੈਂਪੀਅਨਸ਼ਿਪ ਦਾ ਬਚਾਅ ਕੀਤਾ ਸੀ। ਇਸਦੇ ਤੁਰੰਤ ਬਾਅਦ 2021 ਰੰਬਲ ਮੈਚ ਜਿੱਤਣ ਵਾਲੇ Edge ਨੇ ਰਿੰਗ ਵਿੱਚ ਐਂਟਰੀ ਮਾਰੀ ਅਤੇ ਰੋਮਨ ਨੂੰ ਸਪੀਅਰ ਮਾਰ ਦਿੱਤਾ। ਜਿਸ ਤੋਂ ਬਾਅਦ ਦੋਵਾਂ ਵਿਚਕਾਰ ਮੈਚ ਹੋਣ ਦਾ ਐਲਾਨ ਕੀਤਾ ਗਿਆ ਹੈ।
ਇਹ ਵੀ ਦੇਖੋ : ਬਠਿੰਡੇ (ਮਹਿਰਾਜ ਰੈਲੀ) ‘ਤੇ ਪਹੁੰਚੇ ਲੱਖੇ ਸਿਧਾਣੇ ਦੀਆਂ ਦੇਖੋ Exclusive ਤਸਵੀਰਾਂ !
