ਲੁਧਿਆਣਾ ‘ਚ ਇਕ ਔਰਤ ਨੇ ਇਕ ਦੁਕਾਨਦਾਰ ਨੂੰ ਦੁਬਈ ਦੀ ਕਰੰਸੀ ਸਸਤੇ ਰੇਟ ‘ਤੇ ਦੇਣ ਦਾ ਝਾਂਸਾ ਦੇ ਕੇ ਠੱਗੀ ਮਾਰੀ। ਔਰਤ ਨੇ ਦੁਕਾਨਦਾਰ ਨਾਲ 5 ਹਜ਼ਾਰ ਦੀ ਠੱਗੀ ਮਾਰੀ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਦੇਰ ਰਾਤ ਛਾਪੇਮਾਰੀ ਕਰਕੇ ਇੱਕ ਵਿਅਕਤੀ ਅਤੇ ਇੱਕ ਔਰਤ ਨੂੰ ਕਾਬੂ ਕੀਤਾ ਹੈ। ਇਸ ਦੌਰਾਨ ਔਰਤ ਨੇ ਪੁਲਿਸ ਮੁਲਾਜ਼ਮ ਨੂੰ ਦੰਦੀ ਵੱਢ ਦਿੱਤੀ, ਪਰ ਪੁਲਿਸ ਵੱਲੋਂ ਅਜੇ ਤੱਕ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਗਈ।
ਔਰਤ ਨੇ ਦੁਕਾਨਦਾਰ ਨੂੰ 100-100 ਦੀਨਾਰਾਂ ਦੀ 8 ਗੱਡੀਆਂ ਨੂੰ ਬਦਲ ਕੇ ਉਸ ਤੋਂ ਭਾਰਤੀ ਕਰੰਸੀ ਦੇ ਨੋਟ ਦੇਣ ਲਈ ਕਿਹਾ। ਦੁਕਾਨਦਾਰ ਤੋਂ ਉਸ ਨੇ 5 ਹਜ਼ਾਰ ਰੁਪਏ ਦੇ ਬਦਲੇ ਦੀਨਾਰਾਂ ਦੀਆਂ ਗੱਡੀਆਂ ਦਿੱਤੀਆਂ। ਜਦੋਂ ਦੁਕਾਨਦਾਰ ਨੇ ਉਨ੍ਹਾਂ ਨੂੰ ਚੈੱਕ ਕੀਤਾ ਤਾਂ ਗੱਢੀ ਵਿੱਚ ਰੰਗ-ਬਿਰੰਗੇ ਕਾਗਜ਼ ਦੇ ਕੱਟੇ ਹੋਏ ਟੁਕੜੇ ਮਿਲੇ। ਇਸ ‘ਤੇ ਦੁਕਾਨਦਾਰ ਨੇ ਰੌਲਾ ਪਾਇਆ, ਪਰ ਉਦੋਂ ਤੱਕ ਔਰਤ ਭੱਜ ਗਈ।
ਦੁਕਾਨਦਾਰ ਸਰਬਜੀਤ ਸਿੰਘ ਨੇ ਦੱਸਿਆ ਕਿ ਉਹ ਸੰਤ ਐਨਕਲੇਵ ਦੁੱਗਰੀ ਦਾ ਰਹਿਣ ਵਾਲਾ ਹੈ। ਉਸ ਦੀ ਦੁਕਾਨ ਅਰਬਨ ਵਿਹਾਰ-1 ਦੁੱਗਰੀ ਫੇਸ ਵਿੱਚ ਹੈ। ਰੀਨਾ ਦਾਮਨੀ ਨਾਂ ਦੀ ਔਰਤ ਅਤੇ ਇਕ ਨੌਜਵਾਨ ਉਸ ਦੀ ਦੁਕਾਨ ’ਤੇ ਆਏ। ਔਰਤ ਨੇ ਉਸ ਨੂੰ ਦੁਬਈ ਦੀ ਕਰੰਸੀ ਲੈ ਕੇ ਭਾਰਤੀ ਨੋਟ ਦੇਣ ਲਈ ਕਿਹਾ।
ਸਰਬਜੀਤ ਮੁਤਾਬਕ ਉਸ ਨੇ ਔਰਤ ਨੂੰ ਨੋਟ ਬਦਲਣ ਤੋਂ ਮਨ੍ਹਾ ਕਰ ਦਿੱਤਾ। ਇਸ ਦੌਰਾਨ ਦੋਸ਼ੀ ਔਰਤ ਰੀਨਾ ਨੇ ਉਸ ਨੂੰ ਦੱਸਿਆ ਕਿ ਉਸ ਕੋਲ ਵਿਦੇਸ਼ੀ ਕਰੰਸੀ ਦੇ ਕਰੀਬ 1500-1700 ਦੇ ਨੋਟ ਹਨ। ਉਹ ਇੱਕ ਨੋਟ 500 ਰੁਪਏ ਵਿੱਚ ਵੇਚ ਰਹੀ ਹੈ।
ਇਹ ਵੀ ਪੜ੍ਹੋ : ਆਰਥਿਕ ਤੰਗੀ ਤੋਂ ਪ੍ਰੇਸ਼ਾਨ ਕਿਸਾਨ ਨੇ ਖ਼ਤ.ਮ ਕੀਤੀ ਜੀਵਨ ਲੀਲਾ, ਹੜ੍ਹ ਨਾਲ ਹੋਇਆ ਸੀ ਲੱਖਾਂ ਦਾ ਨੁਕਸਾਨ
ਔਰਤ ਨੇ ਉਸ ਨੂੰ ਦੱਸਿਆ ਕਿ ਜਦੋਂ ਉਸ ਦੀ ਮਾਸੀ ਦੀ ਮੌਤ ਹੋਈ ਸੀ ਤਾਂ ਉਸ ਨੂੰ ਇਹ ਨੋਟ ਉਸ ਦੀ ਰਜਾਈ ਤੋਂ ਮਿਲੇ ਸਨ। ਸਰਬਜੀਤ ਨੇ ਉਸ ਨਾਲ 100 ਰੁਪਏ ਪ੍ਰਤੀ ਨੋਟ ਦੇ ਹਿਸਾਬ ਨਾਲ ਸੌਦਾ ਤੈਅ ਕੀਤਾ। ਔਰਤ ਕਾਗਜ਼ ਦੀਆਂ ਗੱਢੀਆਂ ਲੈ ਕੇ ਦੁਕਾਨਦਾਰ ਨੂੰ ਠੱਗਣ ਆਈ।
ਸਰਬਜੀਤ ਮੁਤਾਬਕ ਉਸ ਨੇ ਔਰਤ ਨੂੰ 5 ਹਜ਼ਾਰ ਰੁਪਏ ਹੀ ਦਿੱਤੇ ਸਨ ਜਦੋਂ ਉਹ ਅਚਾਨਕ ਦੁਕਾਨ ਤੋਂ ਭੱਜ ਗਈ। ਜਦੋਂ ਦੋਸ਼ੀ ਔਰਤ ਵੱਲੋਂ ਦਿੱਤੀ ਗੱਢੀ ਨੂੰ ਖੋਲ੍ਹਿਆ ਤਾਂ ਅੰਦਰੋਂ ਕਾਗਜ਼ ਦੇ ਟੁਕੜੇ ਬਰਾਮਦ ਹੋਏ। ਥਾਣਾ ਦੁੱਗਰੀ ਦੀ ਪੁਲਿਸ ਨੇ ਮੁਲਜ਼ਮ ਔਰਤ ਰੀਨਾ ਦਾਮਨੀ ਅਤੇ ਉਸ ਦੇ ਅਣਪਛਾਤੇ ਸਾਥੀ ਖ਼ਿਲਾਫ਼ ਆਈਪੀਸੀ ਦੀ ਧਾਰਾ 417,420,34 ਤਹਿਤ ਕੇਸ ਦਰਜ ਕਰ ਲਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ : –
