ਅੱਜ ਦੁਨੀਆ ਬਹੁਤ ਤਰੱਕੀ ਕਰ ਚੁੱਕੀ ਹੈ। ਚਾਹੇ ਉਹ ਤਕਨੀਕ ਹੋਵੇ ਜਾਂ ਜੀਵਨ ਸ਼ੈਲੀ। ਲੋਕ ਹੁਣ ਪਹਿਲਾਂ ਨਾਲੋਂ ਬਹੁਤ ਜ਼ਿਆਦਾ ਉੱਨਤ ਹੋ ਗਏ ਹਨ। ਪਰ ਬਹੁਤ ਸਾਰੇ ਸਮਾਜ ਹਨ ਜੋ ਸਮੇਂ ਦੇ ਨਾਲ ਆਉਣ ਵਾਲੀਆਂ ਤਬਦੀਲੀਆਂ ਤੋਂ ਦੂਰ ਰਹਿਣਾ ਪਸੰਦ ਕਰਦੇ ਹਨ। ਇਹ ਲੋਕ ਅੱਜ ਵੀ ਸਦੀਆਂ ਪੁਰਾਣੇ ਰੀਤੀ-ਰਿਵਾਜਾਂ ਨਾਲ ਬੱਝੇ ਹੋਏ ਹਨ। ਅਜਿਹੇ ਹੀ ਹਨ ਰਾਜਸਥਾਨ ਦੇ ਜੈਸਲਮੇਰ ਦੇ ਰਾਮਦੇਓ ਪਿੰਡ ਦੇ ਲੋਕ।
ਜਦੋਂਕਿ ਭਾਰਤ ਵਿੱਚ ਸਿਰਫ ਇੱਕ ਵਿਆਹ ਕਾਨੂੰਨੀ ਹੈ, ਇਸ ਪਿੰਡ ਵਿੱਚ ਹਰ ਆਦਮੀ ਦੋ ਵਾਰ ਵਿਆਹ ਕਰਦਾ ਹੈ। ਆਮ ਤੌਰ ‘ਤੇ ਔਰਤਾਂ ਆਪਣੀ ਸੌਂਕਣ ਨੂੰ ਬਰਦਾਸ਼ਤ ਨਹੀਂ ਕਰ ਪਾਉਂਦੀਆਂ। ਜਿਵੇਂ ਹੀ ਕਿਸੇ ਔਰਤ ਨੂੰ ਆਪਣੀ ਪਤੀ ਦੇ ਐਕਸਟਰਾ ਅਫੇਅਰ ਜਾਂ ਰਿਸ਼ਤੇ ਬਾਰੇ ਪਤਾ ਲੱਗਦਾ ਹੈ, ਉਹ ਚੰਡੀ ਦਾ ਰੂਪ ਧਾਰਨ ਕਰ ਲੈਂਦੀ ਹੈ। ਪਰ ਇਸ ਪਿੰਡ ਵਿੱਚ ਅਜਿਹਾ ਕੁਝ ਨਹੀਂ ਹੁੰਦਾ। ਇਸ ਪਿੰਡ ਵਿੱਚ ਪਹਿਲੀ ਪਤਨੀ ਹੀ ਆਪਣੀ ਸੌਂਕਣ ਦਾ ਸੁਆਗਤ ਕਰਦੀ ਹੈ। ਇਸ ਤੋਂ ਬਾਅਦ ਉਹ ਸਾਰੀ ਉਮਰ ਉਸ ਨਾਲ ਭੈਣ ਵਾਂਗ ਰਹਿੰਦੀ ਹੈ। ਆਖਿਰ ਕਿਉਂ?
ਰਾਮਦੇਉ ਪਿੰਡ ਵਿੱਚ ਹਰ ਆਦਮੀ ਦੋ ਵਾਰ ਵਿਆਹ ਕਰਦਾ ਹੈ। ਇਸ ਦੇ ਪਿੱਛੇ ਇੱਕ ਅਜੀਬ ਕਾਰਨ ਹੈ। ਕਿਹਾ ਜਾਂਦਾ ਹੈ ਕਿ ਇਸ ਪਿੰਡ ਵਿੱਚ ਜੋ ਵੀ ਆਦਮੀ ਵਿਆਹ ਕਰਦਾ ਹੈ, ਉਸਦੀ ਪਤਨੀ ਕਦੇ ਗਰਭਵਤੀ ਨਹੀਂ ਹੁੰਦੀ ਹੈ। ਜੇ ਗਲਤੀ ਨਾਲ ਬੱਚਾ ਵੀ ਹੋ ਜਾਵੇ ਤਾਂ ਉਹ ਧੀ ਨੂੰ ਹੀ ਜਨਮ ਦੇਵੇਗੀ। ਅਜਿਹੀ ਸਥਿਤੀ ਵਿੱਚ ਮਰਦ ਨੂੰ ਆਪਣਾ ਵੰਸ਼ ਚਲਾਉਣ ਲਈ ਦੂਜਾ ਵਿਆਹ ਕਰਨਾ ਪੈਂਦਾ ਹੈ। ਲੋਕ ਕਹਿੰਦੇ ਹਨ ਕਿ ਦੂਸਰਾ ਵਿਆਹ ਕਰਨ ‘ਤੇ ਹੀ ਸਾਰਿਆਂ ਦੇ ਪੁੱਤਰ ਦਾ ਜਨਮ ਹੁੰਦਾ ਹੈ।
ਇਹ ਵੀ ਪੜ੍ਹੋ : ਮੱਝ ਦਾ ਪੂਰੇ ਰੀਤੀ-ਰਿਵਾਜਾਂ ਨਾਲ ਪਾਇਆ ਭੋਗ, ਪੂਰਾ ਪਿੰਡ ਸੱਦਿਆ, ਦੇਸੀ ਘਿਓ ਦੇ ਪਕਵਾਨ ਬਣਾ ਕੇ ਖੁਆਏ
ਇਸ ਪਿੰਡ ਵਿੱਚ ਜਦੋਂ ਵੀ ਕੋਈ ਮਰਦ ਦੂਜਾ ਵਿਆਹ ਕਰਦਾ ਹੈ ਤਾਂ ਉਸ ਦੀ ਪਹਿਲੀ ਪਤਨੀ ਵਿਆਹ ਦੀਆਂ ਸਾਰੀਆਂ ਤਿਆਰੀਆਂ ਕਰ ਲੈਂਦੀ ਹੈ। ਆਪਣੇ ਹੱਥਾਂ ਨਾਲ ਉਹ ਆਪਣੀ ਸੌਂਕਣ ਨੂੰ ਘਰ ਦੇ ਅੰਦਰ ਲੈ ਕੇ ਆਉਂਦੀ ਹੈ। ਇੰਨਾ ਹੀ ਨਹੀਂ ਵਿਆਹ ਦੀ ਰਾਤ ਦੀਆਂ ਤਿਆਰੀਆਂ ਵੀ ਪਹਿਲੀ ਪਤਨੀ ਵੱਲੋਂ ਹੀ ਕੀਤੀ ਜਾਂਦੀ ਹੈ। ਇਸ ਤੋਂ ਬਾਅਦ ਦੋਵੇਂ ਸੌਂਕਣਾਂ ਸਾਰੀ ਉਮਰ ਭੈਣਾਂ ਵਾਂਗ ਰਹਿੰਦੀਆਂ ਹਨ। ਹਾਲਾਂਕਿ ਹੁਣ ਇਸ ਪਿੰਡ ਦੇ ਨੌਜਵਾਨਾਂ ਨੇ ਇਸ ਰਿਵਾਜ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਕਈ ਕਹਿੰਦੇ ਹਨ ਕਿ ਮਰਦਾਂ ਨੇ ਇਹ ਰਿਵਾਜ ਆਪਣੇ ਫਾਇਦੇ ਲਈ ਸ਼ੁਰੂ ਕੀਤਾ ਸੀ, ਜਿਸ ਨੂੰ ਗਰੀਬ ਔਰਤਾਂ ਨੇ ਆਪਣੀ ਕਿਸਮਤ ਮੰਨ ਲਿਆ।
ਵੀਡੀਓ ਲਈ ਕਲਿੱਕ ਕਰੋ : –
