ਚੀਨੀ ਸਮਾਰਟਫੋਨ ਨਿਰਮਾਤਾ ਕੰਪਨੀ Xiaomi ਨੇ ਆਪਣੀ ਪਹਿਲੀ ਇਲੈਕਟ੍ਰਿਕ ਕਾਰ SU7 ਲਾਂਚ ਕਰ ਦਿੱਤੀ ਹੈ। ਪਿਛਲੇ ਸਾਲ ਕੰਪਨੀ ਨੇ ਇਸ ਇਲੈਕਟ੍ਰਿਕ ਕਾਰ ਨੂੰ 2023 ‘ਚ ਲਾਂਚ ਕਰਨ ਦੀ ਜਾਣਕਾਰੀ ਸਾਂਝੀ ਕੀਤੀ ਸੀ। ਹੁਣ Xiaomi ਨੇ ਇਸ ਇਲੈਕਟ੍ਰਿਕ ਕਾਰ ਦੀ ਕੀਮਤ ਅਤੇ ਵਿਸ਼ੇਸ਼ਤਾਵਾਂ ਦਾ ਵੀ ਖੁਲਾਸਾ ਕੀਤਾ ਹੈ। ਕੰਪਨੀ ਨੇ 28 ਮਾਰਚ ਨੂੰ ਹੋਏ ਇਵੈਂਟ ‘ਚ ਇਲੈਕਟ੍ਰਿਕ ਕਾਰ ਬਾਰੇ ਜਾਣਕਾਰੀ ਦਿੱਤੀ। ਇਸ ਮਾਡਲ ਨਾਲ Xiaomi ਨੇ ਇਲੈਕਟ੍ਰਿਕ ਕਾਰਾਂ ਦੀ ਦੁਨੀਆ ‘ਚ ਐਂਟਰੀ ਕੀਤੀ ਹੈ।
Xiaomi First Electric Car
Xiaomi SU7 ਚਾਰ-ਦਰਵਾਜ਼ੇ ਵਾਲੀ ਇਲੈਕਟ੍ਰਿਕ ਸੇਡਾਨ ਹੈ। ਕੰਪਨੀ ਨੇ ਇਸ ਕਾਰ ਨੂੰ ਚਾਰ ਵੇਰੀਐਂਟ ‘ਚ ਲਾਂਚ ਕੀਤਾ ਹੈ। ਇਨ੍ਹਾਂ ਚਾਰ ਵੇਰੀਐਂਟਸ ਵਿੱਚ ਐਂਟਰੀ-ਲੈਵਲ ਵਰਜ਼ਨ, ਪ੍ਰੋ ਵੇਰੀਐਂਟ, ਮੈਕਸ ਵਰਜ਼ਨ ਅਤੇ ਲਿਮਟਿਡ ਫਾਊਂਡਰ ਐਡੀਸ਼ਨ ਸ਼ਾਮਲ ਹਨ। ਇਸ ਕਾਰ ਵਿੱਚ ਸਟੈਂਡਰਡ ਵਾਹਨਾਂ ਵਾਂਗ 19-ਇੰਚ ਦੇ Michelin ਅਲਾਏ ਵ੍ਹੀਲ ਹਨ। Xiaomi ਨੇ ਆਪਣੇ ਮਾਡਲ SU7 ਦੇ ਫੀਚਰਸ ਦਾ ਖੁਲਾਸਾ ਕੀਤਾ ਹੈ। ਕੰਪਨੀ ਨੇ ਕਿਹਾ ਕਿ ਇਸ ਸੇਡਾਨ ਦੀ ਟਾਪ ਸਪੀਡ 265 kmph ਹੈ। ਇਹ ਕਾਰ ਸਿਰਫ 2.78 ਸੈਕਿੰਡ ‘ਚ 0 ਤੋਂ 100 kmph ਦੀ ਰਫਤਾਰ ਫੜ ਸਕਦੀ ਹੈ। ਇਹ ਕਾਰ ਸਿੰਗਲ ਚਾਰਜਿੰਗ ‘ਚ 810 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕਦੀ ਹੈ। ਡਿਊਲ ਮੋਟਰ ਦੇ ਨਾਲ ਉਪਲਬਧ ਇਸ ਦਾ ਲਿਮਟਿਡ ਫਾਊਂਡਰ ਐਡੀਸ਼ਨ ਹੋਰ ਵੀ ਖਾਸ ਹੈ। ਇਹ ਮਾਡਲ ਸਿਰਫ 1.98 ਸੈਕਿੰਡ ਵਿੱਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਫੜਨ ਵਿੱਚ ਸਮਰੱਥ ਹੈ। ਇਸ ਦੀ ਪਾਵਰਟ੍ਰੇਨ 986 bhp ਦੀ ਪਾਵਰ ਜਨਰੇਟ ਕਰਦੀ ਹੈ।
Xiaomi ਦੀ ਇਸ ਕਾਰ ‘ਚ ਅਲਟਰਾ ਫਾਸਟ ਚਾਰਜਿੰਗ ਦੀ ਸੁਵਿਧਾ ਵੀ ਦਿੱਤੀ ਜਾ ਰਹੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਕਾਰ ‘ਚ 486V ਆਰਕੀਟੈਕਚਰ ਦਿੱਤਾ ਗਿਆ ਹੈ, ਜਿਸ ਕਾਰਨ ਇਹ ਕਾਰ 15 ਮਿੰਟ ਦੀ ਚਾਰਜਿੰਗ ਨਾਲ 350 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕੇਗੀ। 871V ਆਰਕੀਟੈਕਚਰ ਵਾਲੀ ਇਹ ਕਾਰ ਸਿਰਫ 15 ਮਿੰਟਾਂ ਦੀ ਚਾਰਜਿੰਗ ਨਾਲ 510 ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗੀ। Xiaomi ਦੀ ਇਲੈਕਟ੍ਰਿਕ ਕਾਰ ਦੀ ਸ਼ੁਰੂਆਤੀ ਕੀਮਤ 2,15,900 ਯੂਆਨ ਰੱਖੀ ਗਈ ਹੈ, ਜਿਸ ਨੂੰ ਭਾਰਤੀ ਕਰੰਸੀ ਵਿੱਚ ਬਦਲਣ ‘ਤੇ 24.90 ਲੱਖ ਰੁਪਏ ਹੋ ਜਾਂਦੀ ਹੈ। SU7 ਦੀ ਕੀਮਤ ਚੀਨ ‘ਚ ਵਿਕਣ ਵਾਲੇ ਟੇਸਲਾ ਮਾਡਲ 3 ਤੋਂ ਘੱਟ ਹੈ। ਕਾਰ ਦੀ ਲਾਂਚਿੰਗ ਦੇ ਨਾਲ ਹੀ ਕੰਪਨੀ ਨੇ ਕਿਹਾ ਕਿ ਉਹ ਇਸ ਮਹੀਨੇ ਤੋਂ ਹੀ ਗਾਹਕਾਂ ਨੂੰ ਕਾਰ ਦੀ ਡਿਲੀਵਰੀ ਵੀ ਕਰਨ ਜਾ ਰਹੀ ਹੈ। ਇਸ ਕਾਰ ਨੂੰ ਚੀਨ ਦੇ ਕਈ ਸ਼ੋਅਰੂਮਾਂ ‘ਚ ਪਹਿਲਾਂ ਹੀ ਰੱਖਿਆ ਗਿਆ ਹੈ, ਜਿਸ ਕਾਰਨ ਕਈ ਗਾਹਕ ਇਸ ਕਾਰ ਨੂੰ ਖਰੀਦਣ ਲਈ ਆਕਰਸ਼ਿਤ ਹੋਏ ਹਨ।
