ਆਧਾਰ ਕਾਰਡ ਦੇ ਡਾਟਾਬੇਸ ਵਿੱਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਖ਼ਬਰ ਹੈ। ਇੱਕ ਅਮਰੀਕੀ ਸਾਈਬਰ ਸੁਰੱਖਿਆ ਫਰਮ ਨੇ ਆਪਣੀ ਰਿਪੋਰਟ ਵਿੱਚ ਦਾਅਵਾ ਕੀਤਾ ਹੈ ਕਿ ਭਾਰਤ ਦੇ ਕਰੀਬ 81.5 ਕਰੋੜ ਲੋਕਾਂ ਦਾ ਆਧਾਰ ਕਾਰਡ ਡਾਟਾ ਲੀਕ ਹੋ ਗਿਆ ਹੈ ਅਤੇ ਡਾਰਕ ਵੈੱਬ ਉੱਤੇ ਵੇਚਿਆ ਜਾ ਰਿਹਾ ਹੈ। ਇਸ ਡਾਟਾ ਲੀਕ ਵਿੱਚ ਲੋਕਾਂ ਦੇ ਨਾਮ, ਫੋਨ ਨੰਬਰ, ਪਤੇ, ਆਧਾਰ ਕਾਰਡ ਨੰਬਰ ਵਰਗੀ ਜਾਣਕਾਰੀ ਸ਼ਾਮਲ ਹੈ।
ਰਿਪੋਰਟ ਵਿਚ ਕਿਹਾ ਗਿਆ ਕਿ ਇਨ੍ਹਾਂ ਆਧਾਰ ਕਾਰਡ ਡਾਟਾ ਦੀ ਵਿਕਰੀ ਡਾਰਕ ਵੈੱਬ ‘ਤੇ 80 ਹਜ਼ਾਰ ਯਾਨੀ ਲਗਭਗ 66,60,264 ਰੁਪਏ ਵਿਚ ਹੋ ਰਹੀ ਹੈ। ਇਸ ਕੀਮਤ ‘ਚ ਤੁਹਾਨੂੰ ਭਾਰਤੀ ਲੋਕਾਂ ਦੇ ਪਾਸਪੋਰਟ ਦਾ ਡਾਟਾ ਵੀ ਮਿਲ ਜਾਵੇਗਾ। ਰਿਪੋਰਟ ਮੁਤਾਬਕ ਇਸ ਡਾਟਾ ਲੀਕ ਦੇ ਜਾਂਚ ਦੀ ਜ਼ਿੰਮੇਵਾਰੀ ਸੈਂਟਰਲ ਬਿਊਰੋ ਆਫ ਇਨਵੈਸਟੀਗੇਸ਼ਨ ਨੂੰ ਦਿੱਤੀ ਗਈ ਹੈ। ਇਸ ਡਾਟਾ ਲੀਕ ਦੇ ਬਾਅਦ ਆਧਾਰ ਕਾਰਡ ਦੇ ਗਲਤ ਇਸਤੇਮਾਲ ਦਾ ਖਤਰਾ ਵਧ ਗਿਆ ਹੈ। ਅਜਿਹੇ ਵਿਚ ਬੇਹਤਰ ਇਹੀ ਹੈ ਕਿ ਤੁਸੀਂ ਆਪਣੇ ਆਧਾਰ ਕਾਰਡ ਨੂੰ ਲਾਕ ਕਰ ਦਿਓ।
ਆਨਲਾਈਨ ਆਪਣੇ ਆਧਾਰ ਕਾਰਡ ਨੂੰ ਕਿਵੇਂ ਕਰੋ ਲਾਕ
- ਸਭ ਤੋਂ ਪਹਿਲਾਂ UIDAI ਦੀ ਵੈੱਬਸਾਈਟ https://myaadhaar.uidai.gov.in/ ‘ਤੇ ਜਾਓ ਤੇ ਲਾਗਿਨ ਕਰੋ।
- ਹੁਣ Aadhaar Services ਸੈਕਸ਼ਨ ਤੋਂ ‘Aadhaar Lock/Unlock’ ‘ਤੇ ਕਲਿੱਕ ਕਰੋ।
- ਹੁਣ ‘Lock UID’ ਦੇ ਆਪਸ਼ਨ ‘ਤੇ ਕਲਿੱਕ ਕਰੋ।
- ਹੁਣ ਦਿੱਤੇ ਗਏ ਨਿਰਦੇਸ਼ਾਂ ਨੂੰ ਫਾਲੋ ਕਰੋ ਤੇ ਆਧਾਰ ਨੂੰ ਲਾਕ ਕਰੋ।
SMS ਜ਼ਰੀਏ ਆਧਾਰ ਨੂੰ ਕਿਵੇਂ ਕਰੀਏ ਲਾਕ
- ਆਧਾਰ ਕਾਰਡ ਨਾਲ ਲਿੰਕ ਆਪਣੇ ਮੋਬਾਈਲ ਨੰਬਰ ਤੋਂ 1947 ‘ਤੇ ਮੈਸੇਜ ਭੇਜਣਾ ਹੋਵੇਗਾ।
- ਰਜਿਸਟਰਡ ਮੋਬਾਈਲ ਨੰਬ ਤੋਂ GETOTP ਤੇ ਆਧਾਰ ਨੰਬਰ ਦੇ ਆਖਰੀ 4 ਡਿਜਿਟ ਲਿਖ ਕੇ 1947 ‘ਤੇ ਭੇਜੋ।
- ਜੇਕਰ ਤੁਹਾਡਾ ਆਧਾਰ ਨੰਬਰ 123456789012 ਤਾਂ ਤੁਹਾਨੂੰ GETOTP 9012 ਲਿਖ ਕੇ ਮੈਸੇਜ ਭੇਜਣਾ ਹੋਵੇਗਾ।
- ਓਟੀਪੀ ਆਉਣ ਦੇ ਬਾਅਦ LOCKUID OTP ਦੇ ਨਾਲ ਆਧਾਰ ਦੇ ਆਖਰੀ 4 ਅੰਕ ਲਿਖ ਕੇ ਮੈਸੇਜ ਭੇਜੋ।
- ਜੇਕਰ ਤੁਹਾਡਾ ਆਧਾਰ ਨੰਬਰ 123456789012 ਹੈ ਤੇ OTP ਨੰਬਰ 606060 ਹੈ ਤਾਂ ਤੁਹਾਨੂੰ LOCKUPID 9012 606060 ਲਿਖ ਕੇ ਭੇਜਣਾ ਹੋਵੇਗਾ।
- ਇਸ ਦੇ ਬਾਅਦ ਤੁਹਾਡਾ ਆਧਾਰ ਕਾਰਡ ਲਾਕ ਹੋ ਜਾਵੇਗਾ।
- ਵੀਡੀਓ ਲਈ ਕਲਿੱਕ ਕਰੋ : –
