ਮੰਨਿਆ ਜਾ ਰਿਹਾ ਹੈ ਕਿ 2025 ਵਿਚ ਏਆਈ ਦੁਨੀਆ ਵਿਚ ਬਹੁਤ ਕੁਝ ਬਦਲ ਦੇਵੇਗਾ। 2024 ਵਿਚ ਏਆਈ ਯਾਨੀ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੇ ਜੀਵਨ ਤੇ ਨੌਕਰੀਆਂ ਦੋਵੇਂ ਥਾਵਾਂ ‘ਤੇ ਅਸੀਂ ਲੋਕਾਂ ਨੇ ਮਹਿਸੂਸ ਕੀਤਾ। 2025 ਵਿਚ AI ਕ੍ਰਾਂਤੀਕਾਰੀ ਤੌਰ ‘ਤੇ ਇੰਨਾ ਕੁਝ ਬਦਲ ਦੇਵੇਗਾ ਜੋ ਅਸੀਂ ਸੋਚ ਵੀ ਨਹੀਂ ਸਕਦੇ। ਇਹ ਇਸ ਸਾਲ ਸਾਡੇ ਜੀਵਨ ਦੇ ਹਰ ਪਹਿਲੂ ਨੂੰ ਬਦਲਣ ਜਾ ਰਿਹਾ ਹੈ। ਇਹ ਸਿਰਫ ਇਕ ਤਕਨੀਕ ਨਹੀਂ ਰਹਿ ਜਾਵੇਗੀ ਸਗੋਂ ਸਾਡੇ ਰਹਿਣ, ਕੰਮ ਕਰਨ ਤੇ ਸੋਚਣ ਦੇ ਤਰੀਕੇ ਨੂੰ ਵੀ ਪੂਰੀ ਤਰ੍ਹਾਂ ਤੋਂ ਬਦਲ ਦੇਵੇਗੀ।

ਫੋਨ ਹੋ ਜਾਵੇਗਾ ਸਮਾਰਟ
ਤੁਹਾਡੇ ਫੋਨ ਹੋਰ ਵੀ ਸਮਾਰਟ ਹੋ ਜਾਣਗੇ। ਉਹ ਤੁਹਾਡੀ ਪਸੰਦ ਤੇ ਆਦਤਾਂ ਨੂੰ ਸਮਝਣਗੇ। ਤੁਹਾਨੂੰ ਪਰਸਨਲਾਈਜਡ ਅਨੁਭਵ ਦੇਣਗੇ। ਐਨਾਲੇਟਿਕ ਡਾਟਾ ਦੇ ਬੇਸ ‘ਤੇ ਇਹ ਸਮਾਰਟ ਫੋਨ ਇਹ ਸਮਝਣ ਲੱਗਣਗੇ ਕਿ ਤੁਹਾਨੂੰ ਕਦੋਂ ਕੀ ਚਾਹੀਦਾ ਹੈ ਤੇ ਤੁਹਾਡੇ ਮਨ ਵਿਚ ਕੀ ਹੈ।

ਘਰ ਤੁਹਾਡੇ ਇਸ਼ਾਰਿਆਂ ‘ਤੇ ਕੰਮ ਕਰਨਗੇ
ਅਜਿਹੇ ਉਪਕਰਣ ਆ ਚੁੱਕੇ ਹਨ ਤੇ ਇਸ ਸਾਲ ਹੋਰ ਵੀ ਜ਼ਿਆਦਾ ਆ ਜਾਣਗੇ ਜਿਸ ਨਾਲ ਤੁਹਾਡਾ ਘਰ ਇੰਟੈਲੀਜੈਂਸ ਇੰਪਲਾਇੰਸੇਜ ਨਾਲ ਲੈਸ ਹੋ ਜਾਵੇਗਾ। ਤੁਹਾਡੇ ਘਰ ਦੇ ਸਾਰੇ ਉਪਕਰਣ ਏਆਈ ਨਾਲ ਜੁੜੇ ਹੋਣਗੇ। ਤੁਹਾਡੀ ਆਵਾਜ਼ ਜਾਂ ਇਸ਼ਾਰਿਆਂ ਨਾਲ ਕੰਮ ਕਰਨਗੇ।

ਸੈਲਫ ਡਰਾਈਵਿੰਗ ਕਾਰਾਂ ਆਮ ਹੋ ਜਾਣਗੀਆਂ
ਇਸ ਸਾਲ ਬਾਜ਼ਾਰ ਵਿਚ ਅਜਿਹੀਆਂ ਸੈਲਫ ਡਰਾਈਵਿੰਗ ਕਾਰਾਂ ਜਾਣਗੀਆਂ ਜੋ ਹੋਰ ਜ਼ਿਆਦਾ ਇੰਟੈਲੀਜੈਂਟ ਹੋਣਗੀਆਂ। ਜ਼ਿਆਦਾ ਬੇਹਤਰ ਡਰਾਈਵਰ ਸਾਬਤ ਹੋਣਗੀਆਂ। ਇਹ ਕਾਮਨ ਹੋ ਜਾਣਗੀਆਂ ਜਿਸ ਨਾਲ ਯਾਤਰਾ ਹੋਰ ਵੀ ਸੁਰੱਖਿਅਤ ਤੇ ਸੁਵਿਧਾਜਨਕ ਹੋ ਜਾਵੇਗੀ। ਹਾਲਾਂਕਿ ਭਾਰਤ ਵਰਗੇ ਬੇਹੱਦ ਭੀੜ-ਭਾੜ ਤੇ ਟ੍ਰੈਫਿਕ ਵਾਲੇ ਦੇਸ਼ ਵਿਚ ਇਸਦਾ ਫਿਲਹਾਲ ਆਉਣਾ ਤੇ ਸਫਲ ਹੋਣਾ ਇਕ ਚੁਣੌਤੀ ਹੋਵੇਗੀ।

ਡਾਕਟਰ ਏਆਈ
ਏਆਈ ਬੀਮਾਰੀਆਂ ਦਾ ਪਤਾ ਲਗਾਉਣ ਤੇ ਉਨ੍ਹਾਂ ਦਾ ਇਲਾਜ ਕਰਨ ਵਿਚ ਡਾਕਟਰਾਂ ਦੀ ਮਦਦ ਕਰੇਗਾ। ਇਹ ਜ਼ਿਆਦਾ ਪ੍ਰਭਾਵੀ ਤਰੀਕੇ ਨਾਲ ਹੋਵੇਗਾ। ਇਸ ਨੂੰ ਅਸੀਂ ਸਾਰੇ ਮਹਿਸੂਸ ਕਰਨ ਲੱਗਾਂਗੇ। ਇਹ ਮਨੁੱਖ ਲਈ ਇਕ ਵਰਦਾਨ ਵਰਗਾ ਹੋਵੇਗਾ। ਇਸ ਨਾਲ ਸਿਹਤ ਦੇ ਖੇਤਰ ਵਿਚ ਜ਼ਿਆਦਾ ਸਾਕਾਰਾਤਮਕ ਮਾਹੌਲ ਬਣੇਗਾ। ਰੋਗੀਆਂ ਦਾ ਭਰੋਸਾ ਵੀ ਇਨ੍ਹਾਂ ਮਸ਼ੀਨਾਂ ‘ਤੇ ਵਧੇਗਾ ਬਹੁਤ ਹੱਦ ਤੱਕ ਇਹ ਡਾਕਟਰਾਂ ਤੋਂ ਬੇਹਤਰ ਸਾਬਤ ਹੋ ਸਕਦੀ ਹੈ।

ਐਜੂਕੇਸ਼ਨ
ਏਆਈ ਵਿਦਿਆਰਥੀਆਂ ਨੂੰ ਪਰਸਨਲਾਈਜਡ ਸਿੱਖਿਆ ਦੇਵੇਗਾ। ਟੀਚਰਾਂ ਨੂੰ ਹੋਰ ਜ਼ਿਆਦਾ ਪ੍ਰਭਾਵੀ ਢੰਗ ਨਾਲ ਪੜ੍ਹਾਉਣ ਵਿਚ ਮਦਦ ਕਰੇਗਾ।

ਨਵੀਂ ਕ੍ਰੀਏਟਿਵਿਟੀ ਨਾਲ ਲੈਸ
ਹਾਲਾਂਕਿ ਏਆਈ ਹੁਣ ਖੁਦ ਪੇਂਟਿੰਗ, ਕਹਾਣੀ ਲਿਖਣਾ, ਕਵਿਤਾਵਾਂ ਲਿਖਣ ਲਈ ਡਿਜ਼ਾਈਨ ਕੀਤੇ ਜਾ ਚੁੱਕੇ ਹਨ ਪਰ ਹੁਣ ਉਹ ਇਕ ਲੈਬਲ ਹੋਰ ਉਪਰ ਆ ਕੇ ਕ੍ਰੀਏਟੀਵਿਟੀ ਦਾ ਪ੍ਰਦਰਸ਼ਨ ਕਰਨਗੇ। ਆਪਣੀ ਖੁਦ ਦੀਆਂ ਕਲਾਕ੍ਰਿਤੀਆਂ, ਸੰਗੀਤ ਤੇ ਕਵਿਤਾਵਾਂ ਬਣਾਏਗਾ। ਏਆਈ ਕਿਤੇ ਜ਼ਿਆਦਾ ਬੇਹਤਰ ਤਰੀਕੇ ਨਾਲ ਲੇਖ, ਰਿਪੋਰਟ ਤੇ ਇਥੋਂ ਤੱਕ ਕਿ ਕਿਤਾਬਾਂ ਵੀ ਲਿਖ ਸਕਣਗੇ। ਏਆਈ ਗੇਮ ਦੇ ਕਿਰਦਾਰਾਂ ਨੂੰ ਹੋਰ ਜ਼ਿਆਦਾ ਬੁੱਧੀਮਾਨ ਬਣਾਏਗਾ।

ਨਵੇਂ ਵਪਾਰ ਤੇ ਨੌਕਰੀਆਂ
ਏਆਈ ਸਿਸਟਮ ਬਣਾਉਣ ਤੇ ਵਿਕਸਿਤ ਕਰਨ ਲਈ ਨਵੇਂ ਤਰ੍ਹਾਂ ਦੇ ਜੌਬਸ ਪੈਦਾ ਹੋਣਗੇ। ਏਆਈ ਕਾਰਨ ਸਾਲ 2025 ਵਿਚ ਹੋਰ ਜ਼ਿਆਦਾ ਨੌਕਰੀਆਂ ਖਤਮ ਹੋ ਸਕਦੀਆਂ ਹਨ। ਏਆਈ ਨਾਲ ਡਾਟਾ ਗੋਪਨੀਅਤਾ ਇਕ ਵੱਡੀ ਚਿੰਤਾ ਦਾ ਵਿਸ਼ਾ ਹੋਵੇਗਾ। ਏਆਈ ਜਿਸ ਡਾਟਾ ਬੇਸ ‘ਤੇ ਕੰਮ ਕਰਦਾ ਹੈ ਜਾਂ ਜਿਸ ਡਾਟਾਬੇਸ ਜ਼ਰੀਏ ਪ੍ਰੋਸੈਸ ਕਰ ਰਿਹਾ ਹੈ ਇਸ ਵਿੱਚ ਪੱਖਪਾਤ ਹੋ ਸਕਦਾ ਹੈ, ਜਿਸ ਨਾਲ ਸਮਾਜ ਵਿੱਚ ਅਸਮਾਨਤਾ ਵਧ ਸਕਦੀ ਹੈ। ਇਸ ਤੋਂ ਬਚਣ ਲਈ AI ਨੂੰ ਕਿਵੇਂ ਪ੍ਰੋਗਰਾਮ ਕੀਤਾ ਜਾ ਸਕਦਾ ਹੈ, ਇਹ ਚੁਣੌਤੀ ਦਾ ਵਿਸ਼ਾ ਹੋਵੇਗਾ।

ਏਆਈ ਤੇ ਮਨੁੱਖਾਂ ਵਿਚ ਇੰਟਰੈਕਸ਼ਨ ਇੰਨਾ ਸਹਿਜ ਹੋ ਸਕਦਾ ਹੈ ਕਿ ਅਸੀਂ ਇਹ ਭੁੱਲ ਜਾਈਏ ਕਿ ਅਸੀਂ ਇਕ ਮਸ਼ੀਨ ਨਾਲ ਗੱਲ ਕਰ ਰਹੇ ਹਾਂ। ਏਆਈ ਸੰਚਾਲਿਤ ਰੋਬੋਟ ਸਾਡੇ ਰੋਜ਼ਾਨਾ ਜੀਵਨ ਵਿਚ ਆਮ ਹੋ ਸਕਦੇ ਹਨ ਜਿਵੇਂਕਿ ਘਰਾਂ ਵਿਚ, ਕਾਰਖਾਨਿਆਂ ਵਿਚ ਤੇ ਇਥੋਂ ਤੱਕ ਕਿ ਯੁੱਧਖੇਤਰ ਵਿਚ ਵੀ। ਕੁੱਲ ਮਿਲਾ ਕੇ 2025 ਵਿਚ ਏਆਈ ਇਕ ਸ਼ਕਤੀਸ਼ਾਲੀ ਉਪਕਰਣ ਹੋਵੇਗੀ। ਇਹ ਸਾਡੇ ਜੀਵਨ ਨੂੰ ਬੇਹਤਰ ਬਣਾ ਸਕਦਾ ਹੈ ਤੇ ਨਾਲ ਹੀ ਕੁਝ ਚੁਣੌਤੀਆਂ ਵੀ ਪੈਦਾ ਕਰ ਸਕਦਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -: