ਕੇਂਦਰੀ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਸ਼ਨੀਵਾਰ ਨੂੰ ਬੈਂਗਲੁਰੂ ਵਿੱਚ ਭਾਰਤ ਦਾ ਸਭ ਤੋਂ ਤੇਜ਼ ਅਤੇ ਸਵਦੇਸ਼ੀ ਰੂਪ ਵਿੱਚ ਡਿਜ਼ਾਈਨ ਕੀਤਾ IP/MPLS ਰਾਊਟਰ ਲਾਂਚ ਕੀਤਾ। ਇਹ ਰਾਊਟਰ 2.4 ਟੈਰਾਬਾਈਟ ਪ੍ਰਤੀ ਸੈਕਿੰਡ (ਟੀ.ਬੀ.ਪੀ.ਐੱਸ.) ਦੀ ਰਫਤਾਰ ਨਾਲ ਡਾਟਾ ਟ੍ਰਾਂਸਫਰ ਕਰਨ ਦੇ ਸਮਰੱਥ ਹੈ। ਇਸ ਦੇ ਲਾਂਚ ਦੌਰਾਨ ਵੈਸ਼ਨਵ ਨੇ ਕਿਹਾ, ਦੇਸ਼ ਦਾ ਪਹਿਲਾ ਸਵਦੇਸ਼ੀ ਰਾਊਟਰ 2.4 Tbps ਦੀ ਸਪੀਡ ਨਾਲ ਕੰਮ ਕਰਨ ਦੇ ਸਮਰੱਥ ਹੈ, ਇਹ ਕੋਈ ਛੋਟੀ ਗੱਲ ਨਹੀਂ ਹੈ। ਅਸਲ ਵਿੱਚ ਇਹ ਸਾਡੇ ਦੇਸ਼ ਲਈ ਇੱਕ ਮਹੱਤਵਪੂਰਨ ਪ੍ਰਾਪਤੀ ਹੈ।
ਵੈਸ਼ਨਵ ਨੇ ਕਿਹਾ ਕਿ ਹੁਣ ਤੱਕ ਭਾਰਤ ਸੇਵਾ ਉਦਯੋਗ ਲਈ ਇੱਕ ਉੱਤਮ ਸਥਾਨ ਰਿਹਾ ਹੈ, ਹੁਣ ਇਲੈਕਟ੍ਰੋਨਿਕਸ ਹਾਰਡਵੇਅਰ ਦੀ ਸਪਲਾਈ ਚੇਨ ਦਾ ਸਥਾਨਕਕਰਨ ਵਿਸ਼ਵ ਭਰ ਵਿੱਚ ਸੁਰਖੀਆਂ ਵਿੱਚ ਹੈ। ਨਿਵੇਟੀ ਦੇ ਸਵਦੇਸ਼ੀ ਤੌਰ ‘ਤੇ ਵਿਕਸਤ IP/MPLS (ਮਲਟੀਪ੍ਰੋਟੋਕੋਲ ਲੇਬਲ ਸਵਿਚਿੰਗ) ਰਾਊਟਰ ਜਲਦੀ ਹੀ ਦੇਸ਼ ਦੇ ਹਜ਼ਾਰਾਂ ਸਥਾਨਾਂ ‘ਤੇ ਵਰਤੇ ਜਾਣਗੇ ਅਤੇ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਪ੍ਰਮੁੱਖ ਨਿਰਯਾਤ ਉਤਪਾਦਾਂ ਵਿੱਚੋਂ ਇੱਕ ਹੋਣਗੇ।
ਇਹ ਵੀ ਪੜ੍ਹੋ : ਗੁਰਦਾਸਪੁਰ ‘ਚ BSF ਨੂੰ ਮਿਲੀ ਸਫਲਤਾ, ਖੇਤ ਚੋਂ 470 ਗ੍ਰਾਮ ਨ.ਸ਼ੀਲੇ ਪਦਾਰਥ ਦਾ ਪੈਕੇਟ ਕੀਤਾ ਬਰਾਮਦ
ਵੈਸ਼ਨਵ ਨੇ ਕਿਹਾ ਕਿ ਨਿਰਮਾਣ ਨਵੀਨਤਾ ਸਾਫਟਵੇਅਰ ਅਤੇ ਦਿਮਾਗੀ ਸ਼ਕਤੀ ਨਾਲ ਆਉਂਦੀ ਹੈ। ਭਾਰਤ ਕੋਲ ਸਾਫਟਵੇਅਰ ਅਤੇ ਡਿਜ਼ਾਈਨ ਸਮਰੱਥਾਵਾਂ ਦਾ ਮਜ਼ਬੂਤ ਆਧਾਰ ਹੈ, ਜੋ ਯਕੀਨੀ ਤੌਰ ‘ਤੇ ਸਾਨੂੰ ਵਿਸ਼ਵ ਦਾ ਇੱਕ ਪ੍ਰਮੁੱਖ ਨਿਰਮਾਣ ਦੇਸ਼ ਬਣਨ ਵਿੱਚ ਮਦਦ ਕਰੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਮੇਡ ਇਨ ਇੰਡੀਆ ਰਾਊਟਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਡਿਜੀਟਲ ਇੰਡੀਆ ਦੇ ਵਿਜ਼ਨ ਨੂੰ ਅੱਗੇ ਵਧਾਉਂਦਾ ਹੈ। ਇਹ ਇੱਕ ਪਹੁੰਚ ਹੈ ਜੋ ਨਿਰਮਾਣ ਅਤੇ ਨਵੀਨਤਾ ਲਈ ਅਨੁਕੂਲ ਵਾਤਾਵਰਣ ਨੂੰ ਉਤਸ਼ਾਹਿਤ ਕਰਨ ‘ਤੇ ਜ਼ੋਰ ਦਿੰਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
