ਲੁਧਿਆਣਾ ਦੇ ਹਲਵਾਰਾ ਏਅਰਪੋਰਟ ਤੋਂ ਹੁਣ ਜਲਦ ਫਲਾਈਟ ਸ਼ੁਰੂ ਹੋਣ ਵਾਲੀ ਹੈ। ਏਅਰ ਇੰਡੀਆ ਕੰਪਨੀ ਨੇ ਇਥੋਂ ਫਲਾਈਟ ਦੀ ਬੁਕਿੰਗ ਅੱਜ ਤੋਂ ਸ਼ੁਰੂ ਕਰ ਦਿੱਤੀ ਹੈ। ਇਸ ਏਅਰਪੋਰਟ ਤੋਂ ਪਹਿਲੀ ਫਲਾਈਟ ਦਿੱਲੀ ਤੋਂ ਆ ਕੇ ਲੈਂਡ ਹੋਵੇਗੀ ਦੂਜੇ ਪਾਸੇ ਲੁਧਿਆਣਾ ਤੋਂ ਵੀ ਪਹਿਲੀ ਫਲਾਈਟ ਦਿੱਲੀ ਲਈ ਹੀ ਉਡਾਣ ਭਰੇਗੀ।
ਕੰਪਨੀ ਵੱਲੋਂ ਫਲਾਈਟ ਬੁਕਿੰਗ ਲਾਈਵ ਕਰਨ ਦੇ ਨਾਲ ਹੀ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਹਲਵਾਰਾ ਏਅਰਪੋਰਟ ‘ਤੇ ਪਹਿਲੀ ਫਲਾਈਟ 15 ਮਈ ਨੂੰ ਲੈਂਡ ਹੋਵੇਗੀ। ਫਲਾਈਟ ਰਾਹੀਂ ਲੁਧਿਆਣਾ ਤੋਂ ਦਿੱਲੀ ਤੱਕ ਦਾ ਸਫਰ 1 ਘੰਟੇ 10 ਮਿੰਟ ਵਿਚ ਪੂਰਾ ਹੋਵੇਗਾ। ਇਕ ਦਿਨ ਵਿਚ ਹਲਵਾਰਾ ਵਿਚ 2 ਫਲਾਈਟਾਂ ਲੈਂਡ ਤੇ ਦੋ ਹੀ ਫਲਾਈਟਾਂ ਉਡਾਣ ਭਰਨਗੀਆਂ।
ਇਹ ਜਾਣਕਾਰੀ ਕੇਂਦਰੀ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਨੇ ਸ਼ੇਅਰ ਕੀਤੀ ਹੈ। ਦੂਜੇ ਪਾਸੇ ਕੰਪਨੀ ਦੀ ਵੈੱਬਸਾਈਟ ‘ਤੇ ਫਲਾਈਟ ਦਾ ਸ਼ੁਰੂਆਤੀ ਕਿਰਾਇਆ 3512 ਰੁਪਏ ਦਿਖਾਇਆ ਗਿਆ ਹੈ। ਹਾਲਾਂਕਿ ਇਹ ਸਮੇਂ ਤੇ ਲੋੜ ਮੁਤਾਬਕ ਘੱਟ ਜਾਂ ਜ਼ਿਆਦਾ ਹੋ ਸਕਦਾ ਹੈ।
ਦਿੱਲੀ ਤੋਂ ਲੁਧਿਆਣਾ ਲਈ ਰੋਜ਼ਾਨਾ 2 ਫਲਾਈਟਾਂ ਉਡਣਗੀਆਂ ਪਹਿਲੀ ਫਲਾਈਟ ਦਿੱਲੀ ਤੋਂ ਸਵੇਰੇ 5 ਵਜ ਕੇ 55 ਮਿੰਟ ‘ਤੇ ਉਡੇਗੀ ਜੋ 7 ਵਜ ਕੇ 5 ਮਿੰਟ ‘ਤੇ ਲੁਧਿਆਣਾ ਪਹੁੰਚੇਗੀ। ਦੂਜੀ ਫਲਾਈਟ ਦੁਪਹਿਰ 12 ਵਜ ਕੇ 55 ਮਿੰਟ ‘ਤੇ ਲੁਧਿਆਣਾ ਲਈ ਦਿੱਲੀ ਤੋਂ ਉਡਾਣ ਭਰੇਗੀ। ਕੰਪਨੀ ਨੇ ਅਜੇ ਫਲਾਈਟ ਵਿਚ ਸਿਰਫ ਇਕੋਨਾਮੀ ਕਲਾਸ ਲਈ ਬੁਕਿੰਗ ਸ਼ੁਰੂ ਕੀਤੀ ਹੈ।
ਇਹ ਵੀ ਪੜ੍ਹੋ : SGPC ਪ੍ਰਧਾਨ ਧਾਮੀ ਨੇ ਪਾਕਿ ਜਾਣ ਵਾਲੇ ਸਿੱਖ ਜਥੇ ‘ਤੇ ਲਗਾਏ ਨਵੇਂ ਟੈਕਸ ਦਾ ਕੀਤਾ ਵਿਰੋਧ, ਫੈਸਲਾ ਵਾਪਸ ਲੈਣ ਦੀ ਕੀਤੀ ਮੰਗ
ਦੂਜੀ ਫਲਾਈਟ ਦੁਪਹਿਰ 2 ਵਜ ਕੇ 40 ਮਿੰਟ ‘ਤੇ ਹਲਵਾਰਾ ਤੋਂ ਉਡੇਗੀ ਜੋ 3 ਵਜ ਕੇ 55 ਮਿੰਟ ‘ਤੇ ਦਿੱਲੀ ਪਹੁੰਚੇਗੀ। ਫਿਲਹਾਲ ਲਈ ਸ਼ੁਰੂਆਤ ਵਿਚ ਇਹ ਦੋ ਹੀ ਉਡਾਣਾਂ ਹਲਵਾਰਾ ਤੋਂ ਹੋਣਗੀਆਂ ਬਾਅਦ ਵਿਚ ਲੋੜ ਮੁਤਾਬਕ ਇਨ੍ਹਾਂ ਨੂੰ ਵਧਾਇਆ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
