ਜਿਵੇਂ ਹੀ ਸਰਦੀਆਂ ਸ਼ੁਰੂ ਹੁੰਦੀਆਂ ਹਨ, ਲੋਕ ਠੰਡੇ ਪਾਣੀ ਤੋਂ ਗਰਮ ਪਾਣੀ ਨਾਲ ਨਹਾਉਣਾ ਸ਼ੁਰੂ ਕਰ ਦਿੰਦੇ ਹਨ। ਜ਼ਿਆਦਾਤਰ ਘਰ ਇਸ ਦੇ ਲਈ ਗੀਜ਼ਰ ਜਾਂ ਇਮਰਸ਼ਨ ਰਾਡ ਦੀ ਵਰਤੋਂ ਕਰਦੇ ਹਨ। ਹਾਲਾਂਕਿ ਗੀਜ਼ਰ ਹਰ ਕਿਸੇ ਦੇ ਘਰ ਵਿੱਚ ਨਹੀਂ ਹੁੰਦੇ, ਪਰ ਜ਼ਿਆਦਾਤਰ ਘਰਾਂ ਵਿੱਚ ਇਮਰਸ਼ਨ ਰਾਡ ਹੁੰਦੀ ਹੈ। ਇਸ ਤੋਂ ਇਲਾਵਾ, ਇਮਰਸ਼ਨ ਰਾਡ ਗੀਜ਼ਰਾਂ ਨਾਲੋਂ ਸਸਤੇ ਹੁੰਦੇ ਹਨ। ਹਾਲਾਂਕਿ ਜੇਕਰ ਗਲਤ ਢੰਗ ਨਾਲ ਵਰਤਿਆ ਜਾਵੇ, ਤਾਂ ਇਹ ਸਿਹਤ ਲਈ ਇੱਕ ਵੱਡਾ ਖਤਰਾ ਬਣ ਸਕਦੀ ਹੈ। ਆਓ ਉਨ੍ਹਾਂ ਅਹਿਮ ਨੁਕਤਿਆਂ ਦੀ ਪੜਚੋਲ ਕਰੀਏ ਜੋ ਤੁਹਾਨੂੰ ਇਮਰਸ਼ਨ ਰਾਡ ਦੀ ਵਰਤੋਂ ਕਰਨ ਤੋਂ ਪਹਿਲਾਂ ਧਿਆਨ ਵਿੱਚ ਰੱਖਣੇ ਚਾਹੀਦੇ ਹਨ ਤਾਂ ਜੋ ਇਮਰਸ਼ਨ ਰਾਡ ਨਾਲ ਸਬੰਧਤ ਕਿਸੇ ਵੀ ਦੁਰਘਟਨਾ ਤੋਂ ਬਚਿਆ ਜਾ ਸਕੇ।
ਰਾਡ ਨੂੰ ਪਾਣੀ ਵਿੱਚ ਡੁਬਾਉਣ ਤੋਂ ਬਾਅਦ ਹੀ ਚਾਲੂ ਕਰੋ
ਪਾਣੀ ਦੀ ਬਾਲਟੀ ਵਿੱਚ ਡੁਬਾਉਣ ਤੋਂ ਪਹਿਲਾਂ ਕਦੇ ਵੀ ਇਮਰਸ਼ਨ ਰਾਡ ਨੂੰ ਚਾਲੂ ਨਾ ਕਰੋ। ਇਸ ਨੂੰ ਹਮੇਸ਼ਾ ਉਦੋਂ ਹੀ ਲਗਾਓ ਜਦੋਂ ਇਹ ਪੂਰੀ ਤਰ੍ਹਾਂ ਡੁੱਬਿਆ ਹੋਵੇ। ਸੁੱਕੀ ਰਾਡ ਨੂੰ ਚਾਲੂ ਕਰਨ ਨਾਲ ਸ਼ਾਰਟ ਸਰਕਟ ਦਾ ਖ਼ਤਰਾ ਵਧ ਸਕਦਾ ਹੈ।
ਕਦੇ ਵੀ ਲੋਹੇ ਦੀ ਬਾਲਟੀ ਵਿੱਚ ਇਮਰਸ਼ਨ ਰਾਡ ਦੀ ਵਰਤੋਂ ਨਾ ਕਰੋ
ਹਮੇਸ਼ਾ ਯਾਦ ਰੱਖੋ ਕਿ ਕਦੇ ਵੀ ਲੋਹੇ ਦੀ ਬਾਲਟੀ ਵਿੱਚ ਇਮਰਸ਼ਨ ਰਾਡ ਦੀ ਵਰਤੋਂ ਨਾ ਕਰੋ। ਲੋਹੇ ਵਿਚ ਤੇਜ਼ੀ ਨਾਲ ਬਿਜਲੀ ਫੈਲਦੀ ਹੈ, ਜਿਸ ਨਾਲ ਬਿਜਲੀ ਦੇ ਝਟਕੇ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਹਮੇਸ਼ਾ ਪਲਾਸਟਿਕ ਦੇ ਜਾਂ ਕਿਸੇ ਹੋਰ ਸੁਰੱਖਿਅਤ ਬਰਤਨ ਵਿੱਚ ਇਮਰਸ਼ਨ ਰਾਡ ਦੀ ਵਰਤੋਂ ਕਰੋ।
ਬਾਲਟੀ ਵਿੱਚ ਪਾਣੀ ਦੀ ਸਹੀ ਮਾਤਰਾ ਰੱਖੋ
ਇਮਰਸ਼ਨ ਰਾਡ ਦੀ ਵਰਤੋਂ ਕਰਦੇ ਸਮੇਂ ਪਾਣੀ ਦੀ ਮਾਤਰਾ ਦਾ ਖਾਸ ਧਿਆਨ ਰੱਖੋ। ਰਾਡ ਨੂੰ ਬਹੁਤ ਘੱਟ ਪਾਣੀ ਵਿੱਚ ਪਾਉਣ ਨਾਲ ਓਵਰਹੀਟਿੰਗ, ਸ਼ਾਰਟ ਸਰਕਟ ਜਾਂ ਬਿਜਲੀ ਦਾ ਝਟਕਾ ਲੱਗਣ ਦਾ ਖ਼ਤਰਾ ਵਧ ਸਕਦਾ ਹੈ।
ਪਾਣੀ ਗਰਮ ਹੋਣ ਤੋਂ ਬਾਅਦ ਰਾਡ ਨੂੰ ਕੱਢ ਦਿਓ
ਇਮਰਸ਼ਨ ਰਾਡ ਨਾਲ ਪਾਣੀ ਨੂੰ ਗਰਮ ਕਰਨ ਤੋਂ ਬਾਅਦ ਇਸ ਦਾ ਪਲੱਗ ਤੁਰੰਤ ਕੱਢ ਦਿਓ। ਇਸ ਨੂੰ ਲਗਾਤਾਰ ਚਾਲੂ ਰੱਖਣ ਨਾਲ ਓਵਰਹੀਟਿੰਗ ਜਾਂ ਸ਼ਾਰਟ ਸਰਕਟ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ, ਰਾਡ ਨੂੰ ਬਹੁਤ ਦੇਰ ਤੱਕ ਚੱਲਦਾ ਰੱਖਣ ਨਾਲ ਬਿਜਲੀ ਦੀ ਖਪਤ ਵੱਧ ਜਾਂਦੀ ਹੈ।
ਇਹ ਵੀ ਪੜ੍ਹੋ : ਚੰਡੀਗੜ੍ਹ ਦੀ ਜਾਨਵੀ ਨੇ 11 ਗਿਨੀਜ਼ ਵਰਲਡ ਰਿਕਾਰਡ ਬਣਾ ਕੇ ਰਚਿਆ ਇਤਿਹਾਸ, MP ਸੰਧੂ ਨੇ ਕੀਤਾ ਸਨਮਾਨਤ
ਸਵਿੱਚ ਬੰਦ ਕਰਨ ਤੋਂ ਪਹਿਲਾਂ ਪਾਣੀ ਨੂੰ ਹੱਥ ਨਾਲ ਛੂਹਣ ਤੋਂ ਬਚੋ
ਜਦੋਂ ਤੱਕ ਰਾਡ ਨਾਲ ਪਾਣੀ ਗਰਮ ਹੋ ਰਿਹਾ ਹੈ ਅਤੇ ਸਵਿੱਚ ਆਨ ਹੈ ਉਦੋਂ ਤੱਕ ਪਾਣੀ ਵਿਚ ਹੱਥ ਨਾ ਪਾਓ। ਰਾਡ ਨੂੰ ਸਵਿੱਚ ਆਫ ਕਰਨ ਤੋਂ ਬਾਅਦ ਵੀ ਪਾਣੀ ਨੂੰ ਛੂਹੰਦੇ ਸਮੇਂ ਸਾਵਧਾਨ ਰਹੋ। ਰਾਡ ਨੂੰ ਪਾਣੀ ਤੋਂ ਬਾਹਰ ਕੱਢਣ ਤੋਂ ਬਾਅਦ ਫੌਰਨ ਨਾ ਛੂਹੋ ਕਿਉਂਕਿ ਗਰਮ ਪਾਣੀ ਤੁਹਾਡੇ ਹੱਥ ਨੂੰ ਸਾੜ ਸਕਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
