India again showed generosity: ਨਵੀਂ ਦਿੱਲੀ: ਨੇਪਾਲ ਅਤੇ ਭਾਰਤ ਵਿਚਾਲੇ ਸਰਹੱਦ ਵਿਵਾਦ ਤੋਂ ਪੈਦਾ ਹੋਏ ਤਣਾਅ ਤੋਂ ਬਾਅਦ ਦੁਵੱਲੀ ਰਸਮੀ ਗੱਲਬਾਤ ਹੋਈ । ਵੀਡੀਓ ਕਾਨਫਰੰਸ ਜ਼ਰੀਏ ਹੋਈ ਇਸ ਗੱਲਬਾਤ ਵਿੱਚ ਭਾਰਤ ਦੀ ਅਗਵਾਈ ਨੇਪਾਲ ਵਿੱਚ ਭਾਰਤੀ ਰਾਜਦੂਤ ਵਿਨੇ ਮੋਹਨ ਕਵਾਤਰਾ ਅਤੇ ਨੇਪਾਲ ਦੀ ਅਗਵਾਈ ਵਿਦੇਸ਼ ਸਕੱਤਰ ਸ਼ੰਕਰ ਦਾਸ ਵੈਰਾਗੀ ਨੇ ਕੀਤੀ। ਇਸ ਬੈਠਕ ਦੌਰਾਨ ਨੇਪਾਲ ਵਿੱਚ ਭਾਰਤ ਦੇ ਆਰਥਿਕ ਸਹਿਯੋਗ ਨਾਲ ਚੱਲ ਰਹੇ ਪ੍ਰਾਜੈਕਟ ਦੀ ਸਮੀਖਿਆ ਕੀਤੀ ਗਈ। ਨਕਸ਼ਾ ਵਿਵਾਦ ਕਾਰਨ ਪਿਛਲੇ 9 ਮਹੀਨੇ ਤੋਂ ਕਿਸੇ ਵੀ ਤਰ੍ਹਾਂ ਦੀ ਦੁਵੱਲੀ ਗੱਲਬਾਤ ਨਹੀਂ ਹੋ ਪਾ ਰਹੀ ਸੀ, ਪਰ 15 ਅਗਸਤ ਨੂੰ ਨੇਪਾਲ ਦੇ ਪ੍ਰਧਾਨ ਮੰਤਰੀ ਕੇ.ਪੀ. ਸ਼ਰਮਾ ਓਲੀ ਨੇ ਪਹਿਲ ਕਰਦੇ ਹੋਏ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਦੋਵਾਂ ਦੇਸ਼ਾਂ ਵਿਚਾਲੇ ਦੁਵੱਲੀ ਗੱਲਬਾਤ ਨੂੰ ਜਾਰੀ ਰੱਖਣ ਦੀ ਅਪੀਲ ਕੀਤੀ ਸੀ।
ਸਰਹੱਦ ਵਿਵਾਦ ਤੋਂ ਪੈਦਾ ਤਣਾਅ ਕਾਰਨ ਪਿਛਲੇ ਸਾਲ ਜੁਲਾਈ ਵਿੱਚ ਹੋਈ ਸਮੀਖਿਆ ਬੈਠਕ ਤੋਂ ਬਾਅਦ ਇਸ ਨੂੰ ਨਵੰਬਰ ਵਿੱਚ ਹੀ ਹੋਣਾ ਸੀ, ਪਰ ਹੁਣ ਇਹ ਬੈਠਕ 9 ਮਹੀਨੇ ਦੀ ਦੇਰੀ ਨਾਲ ਆਯੋਜਿਤ ਹੋਈ ਹੈ । ਦੋਵਾਂ ਦੇਸ਼ਾਂ ਦੇ ਪ੍ਰਧਾਨ ਮੰਤਰੀ ਵਿਚਾਲੇ ਗੱਲਬਾਤ ਹੋ ਜਾਣ ਕਾਰਨ ਅੱਜ ਦੀ ਗੱਲਬਾਤ ਕਾਫ਼ੀ ਸਕਾਰਾਤਮਕ ਅਤੇ ਦੋਸਤਾਨਾ ਭਰੇ ਮਾਹੌਲ ਵਿੱਚ ਹੋਈ । ਭਾਰਤ ਨੇ ਇੱਕ ਵਾਰ ਫਿਰ ਆਪਣੇ ਨਾਲ ਨੇਪਾਲ ਦੇ ਆਰਥਿਕ ਵਿਕਾਸ ਵਿੱਚ ਖੁੱਲ੍ਹ ਕੇ ਮਤਦਾਨ ਕਰਨ ਦਾ ਭਰੋਸਾ ਦਿਵਾਇਆ ਹੈ।
ਇਸ ਸਮੇਂ ਨੇਪਾਲ ਵਿੱਚ ਭਾਰਤ ਦੇ ਆਰਥਿਕ ਸਹਿਯੋਗ ਨਾਲ ਦੇਸ਼ ਦਾ ਸਭ ਤੋਂ ਵੱਡਾ ਪਣਬਿਜਲੀ ਪ੍ਰਾਜੈਕਟ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ । ਅਰੁਣ ਥ੍ਰੀ ਹਾਇਡਰੋ ਪਾਵਰ ਪ੍ਰਾਜੈਕਟ 900 ਮੈਗਾਵਾਟ ਦਾ ਪ੍ਰਾਜੈਕਟ ਹੈ । ਇਸ ਦੇ ਸਮੇਂ ‘ਤੇ ਹੀ ਨਿਰਮਾਣ ਕੰਮ ਪੂਰਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ । 2014 ਵਿੱਚ ਇਸ ਨੂੰ ਲੈ ਕੇ ਨੇਪਾਲ ਅਤੇ ਭਾਰਤ ਵਿੱਚ ਸਮਝੌਤਾ ਹੋਇਆ ਜਦਕਿ 2018 ਵਿੱਚ ਇਸ ਦੇ ਨਿਰਮਾਣ ਕੰਮ ਦਾ ਨੀਂਹ ਪੱਥਰ ਖੁਦ ਪ੍ਰਧਾਨ ਮੰਤਰੀ ਮੋਦੀ ਨੇ ਹੀ ਰੱਖਿਆ ਸੀ । ਇਹ ਪ੍ਰਾਜੈਕਟ ਨੇਪਾਲ ਦੀ ਆਰਥਿਕ ਸਥਿਤੀ ਨੂੰ ਬਿਲਕੁੱਲ ਬਦਲ ਕੇ ਰੱਖ ਦੇਣ ਦੀ ਸਮਰੱਥਾ ਰੱਖਦਾ ਹੈ।
ਇਸ ਤੋਂ ਇਲਾਵਾ ਨੇਪਾਲ ਦੇ ਲੋਕਾਂ ਦਾ ਰੇਲ ‘ਤੇ ਚੜ੍ਹਨ ਦਾ ਸੁਫ਼ਨਾ ਵੀ ਪੂਰਾ ਹੋਣ ਜਾ ਰਿਹਾ ਹੈ। ਇਸ ਸਮੇਂ ਬਿਹਾਰ ਦੇ ਜੈਨਗਰ ਤੋਂ ਲੈ ਕੇ ਨੇਪਾਲ ਦੇ ਜਨਕਪੁਰ ਤੱਕ ਦੀ ਰੇਲ ਲਾਈਨ ਦਾ ਨਿਰਮਾਣ ਅਤੇ ਸਟੇਸ਼ਨ ਸਾਰੇ ਬਣ ਕੇ ਤਿਆਰ ਹਨ । ਭਾਰਤ ਦੇ ਕੋਂਕਣ ਰੇਲਵੇ ਤੋਂ ਨੇਪਾਲ ਵਿੱਚ ਚੱਲਣ ਵਾਲੇ ਰੇਲ ਦੇ ਇੰਜਣ ਅਤੇ ਕੋਚ ਦੋਵੇਂ ਹੀ ਤਿਆਰ ਕਰ ਇਸ ਸਮੇਂ ਸਰਹੱਦ ਤੱਕ ਪਹੁੰਚਾਏ ਜਾ ਚੁੱਕੇ ਹਨ । ਇਸ ਦਾ ਉਦਘਾਟਨ ਇਸ ਸਾਲ ਜਨਵਰੀ ਵਿੱਚ ਹੀ ਹੋਣਾ ਸੀ ਪਰ ਕੋਰੋਨਾ ਦੇ ਵੱਧਦੇ ਕਹਿਰ ਵਿਚਾਲੇ ਇਸ ਨੂੰ ਫਿਲਹਾਲ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਦੱਸ ਦੇਈਏ ਕਿ ਨੇਪਾਲ ਨੂੰ ਪੂਰਬ ਤੋਂ ਪੱਛਮ ਤੱਕ ਜੋੜਨ ਲਈ ਭਾਰਤ ਨੇ ਪੂਰਬ ਪੱਛਮ ਇਲੈਕਟ੍ਰੀਕਲ ਰੇਲਵੇ ਬਣਾਉਣ ਦਾ ਪ੍ਰਸਤਾਵ ਵੀ ਦਿੱਤਾ ਹੈ। ਇਸ ਤੋਂ ਇਲਾਵਾ ਦਿੱਲੀ ਤੋਂ ਕਾਠਮੰਡੂ ਨੂੰ ਰੇਲ ਨਾਲ ਜੋੜਨ ਲਈ ਰਕਸੌਲ ਕਾਠਮੰਡੂ ਰੇਲਵੇ ਰੂਟ ਦਾ ਸਰਵੇ ਅਤੇ DPR ਦਾ ਕੰਮ ਵੀ ਹੋ ਚੁੱਕਿਆ ਹੈ। ਛੇਤੀ ਹੀ ਇਸ ਦੇ ਨਿਰਮਾਣ ਦਾ ਸਮਝੌਤਾ ਵੀ ਹੋਣ ਵਾਲਾ ਹੈ।
