Jimmy Sher Gill’s film shooting : ਜਿੱਥੇ ਕੋਰੋਨਾ ਮਹਾਮਾਰੀ ਦੇ ਕਹਿਰ ਦੇ ਚਲਦੇ ਪ੍ਰਸਾਸ਼ਨ ਵੱਲੋ 20 ਬੰਦਿਆਂ ਤੋਂ ਜ਼ਿਆਦਾ ਦੇ ਇਕੱਠ ਨਹੀਂ ਕਰ ਸਕਦੇ ਪਰ ਲੁਧਿਆਨਾ ਦੇ ਆਰੀਆ ਕਾਲਜ ਵਿਚ ਜਿਮੀ ਸ਼ੇਰ ਗਿੱਲ ਦੀ ਸ਼ੂਟਿੰਗ ਚਲ ਰਹੀ ਹੈ। ਜਿਸ ਵਿਚ 20 ਤੋ ਜਿਆਦਾ ਲੋਕ ਦਿਖਾਈ ਦੇ ਰਹੇ ਹਨ। ਪੁਲਿਸ ਵੀ ਮੌਕੇ ਤੇ ਪਹੁੰਚੀ। ਖਾਕੀ ਵਰਦੀ ਪਹਿਨੇ ਪੁਲਿਸ ਮੁਲਾਜ਼ਮ ਕੰਮ ਕਰਦੇ ਵੇਖੇ ਗਏ। ਕਾਲੇ ਕੋਟ ਪਾਏ ਵਕੀਲ ਵੀ ਆਪਣੇ ਕੰਮ ਵਿਚ ਰੁੱਝੇ ਹੋਏ ਸਨ। ਅਚਾਨਕ ਦੁਪਹਿਰ ਨੂੰ, ਪੁਲਿਸ ਅਧਿਕਾਰੀ ਅਤੇ ਵਕੀਲਾਂ ਨੇ ਜੇਬਾਂ ਤੋਂ ਮਾਸਕ ਕੱਢੇ ਅਤੇ ਉਨ੍ਹਾਂ ਨੂੰ ਪਹਿਨ ਲਿਆ। ਜਿਨ੍ਹਾਂ ਕੋਲ ਮਾਸਕ ਨਹੀਂ ਸੀ ਉਨ੍ਹਾਂ ਨੇ ਆਪਣਾ ਮੂੰਹ ਰੁਮਾਲ ਤੋਂ ਲੁਕੋਣਾ ਸ਼ੁਰੂ ਕਰ ਦਿੱਤਾ। ਦਰਅਸਲ ਇਹ ਹੋਇਆ ਕਿ ਆਰੀਆ ਕਾਲਜ ਵਿੱਚ ਜਿੰਮੀ ਸ਼ੇਰਗਿੱਲ ਦੀ ਪੰਜਾਬੀ ਫਿਲਮ ਦੀ ਸ਼ੂਟਿੰਗ ਚੱਲਣ ਕਰਕੇ ਕਾਲਜ ਨੂੰ ਜ਼ਿਲ੍ਹਾ ਸੈਸ਼ਨ ਕੋਰਟ ਵਿੱਚ ਬਦਲਿਆ ਗਿਆ ਸੀ। ਸ਼ੂਟਿੰਗ ਦੌਰਾਨ ਕੋਵਿਡ ਨਿਯਮਾਂ ਦੀ ਪਾਲਣਾ ਨਹੀਂ ਕੀਤੀ ਜਾ ਰਹੀ ਸੀ। ਸੂਚਨਾ ਮਿਲਦੇ ਹੀ ਏ.ਸੀ.ਪੀ ਸੈਂਟਰਲ ਵਰਿਆਮ ਸਿੰਘ, ਐਸ.ਐਚ.ਓ ਕੋਤਵਾਲੀ ਹਰਜੀਤ ਸਿੰਘ ਪੁਲਿਸ ਟੀਮ ਨਾਲ ਉਥੇ ਪਹੁੰਚ ਗਏ।
ਪੁਲਿਸ ਨੇ ਫਿਲਮ ਨਿਰਦੇਸ਼ਕ ਸਣੇ ਦੋ ਲੋਕਾਂ ਦੇ ਦੋ ਹਜ਼ਾਰ ਰੁਪਏ ਦੇ ਚਲਾਨ ਕੱਟੇ ਅਤੇ ਉਨ੍ਹਾਂ ਦੇ ਹਵਾਲੇ ਕਰ ਦਿੱਤਾ। ਨਿਰਦੇਸ਼ਕ ਨੇ ਦੱਸਿਆ ਕਿ ਉਸ ਕੋਲ ਸੱਤ ਦਿਨਾਂ ਦੀ ਲੁਧਿਆਣਾ ਜ਼ਿਲ੍ਹੇ ਵਿੱਚ ਕੰਮ ਕਰਨ ਦੀ ਇਜਾਜ਼ਤ ਹੈ। ਪੁਲਿਸ ਨੇ ਉਸਨੂੰ ਆਗਿਆ ਪੱਤਰ ਵਿੱਚ ਉਸ ਕਾਲਮ ਨੂੰ ਵੀ ਦਿਖਾਇਆ ਜਿਸਦੇ ਤਹਿਤ ਕੋਵਿਡ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕੀਤੀ ਜਾਣੀ ਸੀ। ਉਸ ਸਮੇਂ ਦੌਰਾਨ ਕੁਝ ਲੋਕਾਂ ਨੇ ਮਾਸਕ ਨਹੀਂ ਪਹਿਨੇ ਸਨ, ਇਸ ਲਈ ਦੋ ਲੋਕਾਂ ਦੇ ਚਲਾਨ ਕੱਟੇ ਗਏ ਹਨ। ਪੁਲਿਸ ਨੇ ਕਾਰਵਾਈ ਕੀਤੀ ਅਤੇ ਉਹਨਾਂ ਨੂੰ ਇੱਕ ਵੀਡੀਓ ਵੀ ਭੇਜਿਆ ਤੇ ਇਸ ਲਈ ਚਲਾਨ ਕੱਟਿਆ ਗਿਆ ਸੀ। ਸਾਰਿਆਂ ਨੂੰ ਕਾਨੂੰਨ ਦੇ ਨਿਯਮਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਕੋਰੋਨਾ ਮਹਾਂਮਾਰੀ ਦੇ ਚਲਦੇ ਜਿੱਥੇ ਆਮ ਲੋਕਾਂ ਲਈ ਕਾਨੂੰਨ ਬਣਾਏ ਗਏ ਹਨ ਓਥੇ ਹੀ ਉਹੀ ਕਾਨੂੰਨ ਫਿਲਮੀ ਸਿਤਾਰਿਆਂ ਲਈ ਹੀ ਲਾਗੂ ਕੀਤਾ ਗਿਆ।
