Thor Love And Thunder: ਮਾਰਵਲ ਸਿਨੇਮੈਟਿਕ ਯੂਨੀਵਰਸ ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ ‘ਥੋਰ: ਲਵ ਐਂਡ ਥੰਡਰ’ ਭਾਰਤ ‘ਚ 7 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ। ਜਦੋਂ ਕਿ ਇਹ ਹਾਲੀਵੁੱਡ ਫਿਲਮ 8 ਜੁਲਾਈ ਨੂੰ ਅਮਰੀਕਾ ਅਤੇ ਹੋਰ ਦੇਸ਼ਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਭਾਰਤ ਵਿੱਚ ਫਿਲਮ ਦੀ ਪ੍ਰਸਿੱਧੀ ਨੂੰ ਦੇਖਦੇ ਹੋਏ ਮੇਕਰਸ ਨੇ ਇਹ ਫੈਸਲਾ ਲਿਆ ਹੈ। ਹੁਣ ਭਾਰਤੀ ਦਰਸ਼ਕਾਂ ਲਈ ਇੱਕ ਵੱਡੀ ਖੁਸ਼ਖਬਰੀ ਸਾਹਮਣੇ ਆਈ ਹੈ। ਦਰਸ਼ਕ ਇਸ ਫਿਲਮ ਨੂੰ ਸਿਨੇਮਾਘਰਾਂ ਵਿੱਚ ਕਿਸੇ ਵੀ ਸਮੇਂ ਦੇਖ ਸਕਦੇ ਹਨ। ਇਸ ਦੇ ਲਗਾਤਾਰ 96 ਘੰਟੇ ਦੇ ਸ਼ੋਅ ਦੇਸ਼ ਦੇ ਚੋਣਵੇਂ ਸਿਨੇਮਾਘਰਾਂ ਵਿੱਚ ਰੱਖੇ ਗਏ ਹਨ। ਦਰਸ਼ਕ ਆਪਣੀ ਸਹੂਲਤ ਅਨੁਸਾਰ ਇਸ ਨੂੰ ਦੇਖ ਸਕਦੇ ਹਨ।
ਟ੍ਰੇਡ ਐਨਾਲਿਸਟ ਅਤੇ ਫਿਲਮ ਆਲੋਚਕ ਤਰਨ ਆਦਰਸ਼ ਨੇ ਇੱਕ ਟਵੀਟ ਰਾਹੀਂ ਦੱਸਿਆ ਹੈ ਕਿ ਇਹ ਫਿਲਮ ਭਾਰਤ ਵਿੱਚ 7 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ ਅਤੇ 10 ਜੁਲਾਈ ਤੱਕ ਲਗਾਤਾਰ ਦਿਨ ਅਤੇ ਰਾਤ ਦੇ ਕਿਸੇ ਵੀ ਸਮੇਂ ਇਸ ਨੂੰ ਚੋਣਵੇਂ ਸਿਨੇਮਾਘਰਾਂ ਵਿੱਚ ਦੇਖਿਆ ਜਾ ਸਕੇਗਾ। ਫਿਲਮ ਦੇ 96 ਘੰਟੇ ਲਗਾਤਾਰ ਕਈ ਸ਼ੋਅ ਹੋਣਗੇ। ਥੋਰ ਅਤੇ MCU ਦੇ ਪ੍ਰਸ਼ੰਸਕ ਇਸ ਖਬਰ ਨਾਲ ਜ਼ਰੂਰ ਖੁਸ਼ ਹੋਣਗੇ।
ਤਰਨ ਆਦਰਸ਼ ਨੇ ਆਪਣੇ ਟਵੀਟ ‘ਚ ਲਿਖਿਆ, ”’ਥੌਰ: ਲਵ ਐਂਡ ਥੰਡਰ’ ਚੋਣਵੇਂ ਸਿਨੇਮਾਘਰਾਂ ‘ਚ 4 ਦਿਨ ਦਿਨ ਰਾਤ ਚੱਲੇਗੀ। ਮਤਲਬ ਲਗਾਤਾਰ 96 ਘੰਟੇ। ਪਹਿਲਾ ਸ਼ੋਅ 7 ਜੁਲਾਈ ਨੂੰ 12:15 ‘ਤੇ ਸ਼ੁਰੂ ਹੋਵੇਗਾ ਅਤੇ 10 ਜੁਲਾਈ ਨੂੰ 23:59 ‘ਤੇ ਸਮਾਪਤ ਹੋਵੇਗਾ। ਤਰਨ ਨੇ ਇਕ ਹੋਰ ਟਵੀਟ ‘ਚ ਲਿਖਿਆ, ”ਚੋਣਵੇਂ ਸ਼ਹਿਰਾਂ ‘ਚ ਥੋਰ ਲਗਾਤਾਰ ਚੱਲੇਗਾ। ਮਾਰਵਲ ਦੇ ਪ੍ਰਸ਼ੰਸਕ ਖੁਸ਼ ਹੋਣਗੇ।”
