ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਅਮਰੀਕਾ ਨਾਲ ਵਧਦੇ ਟੈਰਿਫ ਵਿਵਾਦ ਨੂੰ ਲੈ ਕੇ ਕਿਹਾ ਕਿ ਅਸੀਂ ਜੰਗ ਵਿਚ ਹਾਂ ਕਿਉਂਕਿ ਸਾਡੇ ‘ਤੇ ਹਮਲਾ ਹੋਇਆ ਹੈ। ਉਨ੍ਹਾਂ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਟੈਰਿਫ ਨੂੰ ਕੈਨੇਡਾ ‘ਤੇ ਹਮਲਾ ਦੱਸਿਆ। ਕਾਰਨੀ ਨੇ ਕਿਹਾ ਕਿ ਅਮਰੀਕਾ ਨੇ ਟ੍ਰੇਡ ਗੱਲਬਾਤ ਦੇ ਆਖਰੀ ਦੌਰ ਵਿਚ ਅਜਿਹੀਆਂ ਸ਼ਰਤਾਂ ਰੱਖੀਆਂ ਜਿਨ੍ਹਾਂ ਨੂੰ ਕੈਨੇਡਾ ਸਵੀਕਾਰ ਨਹੀਂ ਕਰ ਸਕਦਾ। ਹੁਣ ਕੈਨੇਡਾ ਦੂਜੇ ਦੇਸ਼ਾਂ ਨਾਲ ਵਪਾਰ ਵਧਾਏਗਾ। ਅਮਰੀਕਾ ‘ਤੇ ਨਿਰਭਰਤਾ ਘੱਟ ਕਰਗਾ। ਕੈਨੇਡਾ ਦਬਾਅ ਵਿਚ ਅਜਿਹੀ ਡੀਲਰ ਮਨਜ਼ੂਰ ਨਹੀਂ ਕਰੇਗਾ ਜੋ ਉਸ ਦੇ ਹਿੱਤਾਂ ਨੂੰ ਨੁਕਸਾਨ ਪਹੁੰਚਾਏ।
ਅਮਰੀਕਾ ਨੇ ਕੈਨੇਡਾ ਦੇ ਲਗਭਗ 20 ਅਰਬ ਡਾਲਰ ਦੇ ਸਾਮਾਨ ‘ਤੇ 50 ਫੀਸਦੀ ਟੈਰਿਫ ਲਗਾਇਆ ਹੈ। ਇਸ ‘ਤੇ ਕੈਨੇਡਾ ਨੇ ਵੀ ਅਮਰੀਕਾ ਸਾਮਾਨ ‘ਤੇ ਜਵਾਬੀ ਟੈਰਿਫ ਲਗਾਉਣ ਦਾ ਐਲਾਨ ਕੀਤਾ ਹੈ ਜੋ ਕਿ 8 ਸਤੰਬਰ ਤੋਂ ਲਾਗੂ ਹੋਵੇਗਾ। ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕਿਹਾ ਕਿ ਪਿਛਲੇ ਕੁਝ ਹਫਤਿਆਂ ਵਿਚ ਗੱਲਬਾਤ ਵਿਚ ਚੰਗੀ ਪ੍ਰਗਤੀ ਹੋਈ ਸੀ ਪਰ ਉਹ ਕੈਨੇਡਾ ਦੇ ਹਿੱਤਾਂ ਨੂੰ ਪੂਰਾ ਕਰਨ ਲਈ ਕਾਫੀ ਨਹੀਂ ਸੀ। ਆਖਰੀ ਸਮੇਂ ਵਿਚ ਅਮਰੀਕਾ ਨੇ ਡੀਲ ਦੀਆਂ ਸ਼ਰਤਾਂ ਬਦਲ ਦਿੱਤੀਆਂ। ਇਸ ਨਾਲ ਕਿਸੇ ਵੀ ਸਮਝੌਤੇ ‘ਤੇ ਭਰੋਸਾ ਕਰਨਾ ਮੁਸ਼ਕਲ ਹੋ ਗਿਆ।
ਦੱਸ ਦੇਈਏ ਕਿ ਅਮਰੀਕਾ ਤੇ ਕੈਨੇਡਾ ਦੇ ਵਿਚ 3 ਦਿਨ ਚੱਲੀ ਟ੍ਰੇਡ ਡੀਲਰ ਦੀ ਗੱਲਬਾਤ ਅਸਫਲ ਰਹੀ। ਇਸ ਦੇ ਬਾਅਦ ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਕੈਨੇਡਾ ਦੇ 20 ਅਰਬ ਡਾਲਰ ਦੇ ਸਾਮਾਨ ‘ਤੇ 50 ਫੀਸਦੀ ਟੈਰਿਫ ਲਗਾ ਦਿੱਤਾ। ਇਹ ਟੈਰਿਫ ਕੈਨੇਡਾ ਦੇ ਅਮਰੀਕਾ ਭੇਜੇ ਜਾਣ ਵਾਲੇ ਕੁੱਲ ਸਾਮਾਨ ਦਾ ਲਗਭਗ 5 ਫੀਸਦੀ ਹੈ। ਅਮਰੀਕਾ ਤੇ ਕੈਨੇਡਾ ਦੇ ਅਧਿਕਾਰੀਆਂ ਨੇ ਵਾਸ਼ਿੰਗਟਨ ਡੀਸੀ ਵਿਚ 3 ਦਿਨ ਦੀ ਗੱਲਬਾਤ ਕੀਤੀ ਸੀ ਪਰ ਵਪਾਰ ਸਮਝੌਤਾ ਫਾਈਨਲ ਨਹੀਂ ਹੋ ਸਕਿਆ। ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕਿਹਾ ਕਿ ਅਮਰੀਕਾ ਜਿੰਨਾ ਟੈਰਿਫ ਲਗਾਏਗਾ, ਕੈਨੇਡਾ ਵੀ ਓਨਾ ਹੀ ਜਵਾਬ ਦੇਵੇਗਾ।
ਦੋਵਾਂ ਦੇਸ਼ਾਂ ਦੇ ਵਿਚ ਟ੍ਰੇਡ ਡੀਲ ਨਾ ਹੋਣ ਦੇ ਬਾਅਦ ਅਮਰੀਕੀ ਟ੍ਰੇਡ ਰਿਪ੍ਰੈਜ਼ੈਂਟੇਟਿਵ (USTR) ਨੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਕੇ ਕਿਹਾ ਕਿ ਕੈਨੇਡਾ ਨੇ ਅਮਰੀਕਾ ਦੇ ਨਾਲ ਪਾਰਟਨਰਸ਼ਿਪ ਦਾ ਬਹੁਤ ਚੰਗਾ ਮੌਕਾ ਗੁਆ ਦਿੱਤਾ ਹੈ। ਉੁਨ੍ਹਾਂ ਨੇ ਕੈਨੇਡਾ ਨੂੰ ਕਿਸੇ ਵੱਡੇ ਐਕਸਪੋਰਟਰ ਦੇ ਮੁਕਾਬਲੇ ਸਭ ਤੋਂ ਚੰਗਾ ਆਫਰ ਦਿੱਤਾ ਸੀ। ਪਰ ਕੈਨੇਡਾ ਦੀਆਂ ਨਵੀਆਂ ਮੰਗਾਂ ਤੇ ਪਹਿਲਾਂ ਕੀਤੇ ਗਏ ਵਾਅਦਿਆਂ ਤੋਂ ਪਿੱਛੇ ਹਟਣ ਦੀ ਵ੍ਹਜਾ ਤੋਂ ਡੀਲ ਨਹੀਂ ਹੋ ਸਕੀ।
ਇਹ ਵੀ ਪੜ੍ਹੋ : FSSAI ਦੀ ਵੱਡੀ ਕਾਰਵਾਈ: ਕਈ ਵੱਡੇ ਫੂਡ ਬ੍ਰਾਂਡਸ ਤੇ ਕੰਪਨੀਆਂ ‘ਤੇ ਕਸਿਆ ਸ਼ਿਕੰਜਾ, 150 ਤੋਂ ਵੱਧ ਨੋਟਿਸ ਕੀਤੇ ਜਾਰੀ
USTR ਨੇ ਕਿਹਾ ਕਿ ਜੇਕਰ ਇਹ ਡੀਲਰ ਹੁੰਤੀ ਤਾਂ ਇਸ ਨਾਲ ਏਅਰੋਸਪੇਸ ਵਿਚ ਸਪਲਾਈ ਚੇਨ ਕੋਆਰਡੀਨੇਸ਼ਨ, ਗਲਤ ਟ੍ਰੇਡ ਪ੍ਰੈਕਟਿਸ ਨਾਲ ਨਿਪਟਣ ਲਈ ਜ਼ਰੂਰੀ ਕਦਮ, ਖਣਿਜਾਂ ‘ਤੇ ਸਹਿਯੋਗ ਤੇ US-ਮੈਕਸੀਕੋ ਕੈਨੇਡਾ ਐਗਰੀਮੈਂਟ ਗੱਲਬਾਤ ਦਾ ਐਲਾਨ ਵਰਗੇ ਨਤੀਜੇ ਸਾਹਮਣੇ ਆਉਂਦੇ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
