ਸਲਮਾਨ ਖਾਨ ਦੀ ਫਿਲਮ ‘ਟਾਈਗਰ-3’ ਦੀਵਾਲੀ ਮੌਕੇ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋ ਚੁੱਕੀ ਹੈ। ਇਹ ਸਪਾਈ ਥ੍ਰੀਲਰ ਟਾਈਗਰ ਸੀਰੀਜ ਦੀ ਤੀਜੀ ਫਿਲਮ ਹੈ ਤੇ ਵਾਈਆਰਐੱਫ ਸਪਾਈ ਯੂਨੀਵਰਸ ਦੀ ਤੀਜੀ ਫਿਲਮ ਹੈ। ਫਿਲਮ ਨੇ ਰਿਲੀਜ਼ ਹੁੰਦੇ ਹੀ ਦੀਵਾਲੀ ਵਾਲੇ ਦਿਨ ਧਮਾਕਾ ਕਰ ਦਿੱਤਾ। ਫਿਲਮ ਨੂੰ ਫੈਨਸ ਦੀ ਚੰਗੀ ਪ੍ਰਤੀਕਿਰਿਆ ਮਿਲੀ। ਫਿਲਮ ਨਾਲ ਜੁੜਿਆ ਇਕ ਵੀਡੀਓ ਤੇਜ਼ੀ ਨਾਲ ਵਾਇਰ ਹੋ ਰਿਹਾ ਹੈ, ਜਿਸ ਵਿਚ ਭਾਈਜਾਨ ਦੇ ਫੈਂਸ ਸਿਨੇਮਾਘਰਾਂ ਵਿਚ ਪਟਾਕੇ ਫੋੜਦੇ ਨਜ਼ਰ ਆ ਰਹੇ ਸਨ। ਹੁਣ ਇਸ ‘ਤੇ ਖੁਦ ਸਲਮਾਨ ਖਾਨ ਨੇ ਪ੍ਰਤੀਕਿਰਿਆ ਦਿੱਤੀ ਹੈ।
ਸਲਮਾਨ ਦੇ ਫੈਨਸ ਨੇ ਸਿਨੇਮਾਘਰ ਦੇ ਅੰਦਰ ਪਟਾਕੇ ਚਲਾਏ ਹਨ। ਸਿਨੇਮਾਘਰ ਦੇ ਪਰਦੇ ‘ਤੇ ‘ਟਾਈਗਰ-3’ ਦੇ ਕੁਝ ਬੇਹਤਰੀਨ ਸੀਨਸ ਚੱਲ ਰਹੇ ਹਨ ਜਿਸ ਵਿਚ ਸਲਮਾਨ ਖਾਨ ਐਕਸ਼ਨ ਅਵਤਾਰ ਵਿਚ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਫੈਨਸ ਕਾਫੀ ਉਤਸ਼ਾਹਿਤ ਹੋ ਗਏ ਤੇ ਸਲਮਾਨ ਦੀ ਜੈ-ਜੈਕਾਰ ਕਰਨ ਲੱਗੇ। ਉਹ ਸੀਟੀਆਂ ਵਜਾਉਂਦੇ ਹੋਏ ਪਟਾਕੇ ਚਲਾਉਣ ਲੱਗੇ। ਸਲਮਾਨ ਦੇ ਫੈਨਸ ਦੀ ਇਸ ਹਰਕਤ ਦਾ ਲੋਕ ਕਾਫੀ ਵਿਰੋਧ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਬ੍ਰਿਟੇਨ : PM ਸੂਨਕ ਨੇ ਬ੍ਰਿਟਿਸ਼ ਗ੍ਰਹਿ ਮੰਤਰੀ ਸੁਏਲਾ ਬ੍ਰੇਵਰਮੈਨ ਨੂੰ ਕੀਤਾ ਬਰਖਾਸਤ, ਜੇਮਸ ਕਲੇਵਰਲੀ ਨੂੰ ਮਿਲੀ ਜ਼ਿੰਮੇਵਾਰੀ
ਹੁਣ ਸਲਮਾਨ ਖਾਨ ਖੁਦ ਅੱਗੇ ਆਏ ਹਨ ਤੇ ਇਸ ਵੀਡੀਓ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਸਲਮਾਨ ਨੇ ਆਪਣੇ ਅਧਿਕਾਰਕ ਸੋਸ਼ਲ ਮੀਡੀਆ ‘ਤੇ ਲਿਖਿਆ ਮੈਂ ‘ਟਾਈਗਰ-3’ ਦੌਰਾਨ ਸਿਨੇਮਾਘਰਾਂ ਦੇ ਅੰਦਰ ਆਤਿਸ਼ਬਾਜ਼ੀ ਬਾਰੇ ਸੁਣ ਰਿਹਾ ਹਾਂ। ਇਹ ਬਹੁਤ ਹੀ ਖਤਰਨਾਕ ਹੈ। ਖੁਦ ਨੂੰ ਤੇ ਦੂਜਿਆਂ ਨੂੰ ਜੋਖਿਮ ਵਿਚ ਪਾਏ ਬਿਨਾਂ ਫਿਲਮ ਦਾ ਆਨੰਦ ਲਓ ਤੇ ਸੁਰੱਖਿਅਤ ਰਹੋ।
ਵੀਡੀਓ ਲਈ ਕਲਿੱਕ ਕਰੋ : –
