ਆਮ ਆਦਮੀ ਪਾਰਟੀ ਵੱਲੋਂ ਅੱਜ ਮੋਗਾ ਦੀ ਅਨਾਜ ਮੰਡੀ ਵਿਚ ਰੈਲੀ ਆਯੋਜਿਤ ਕੀਤੀ ਗਈ ਹੈ। ਮੁੱਖ ਮੰਤਰੀ ਭਗਵੰਤ ਮਾਨ ਰੈਲੀ ਵਿਚ ਪਹੁੰਚੇ ਹਨ। ਉਨ੍ਹਾਂ ਨਾਲ ਮਨੀਸ਼ ਸਿਸੋਦੀਆ, ਮੋਗਾ ਦੇ ਚਾਰੋਂ ਵਿਧਾਇਕ ਤੇ ਜ਼ਿਲ੍ਹੇ ਦੀ ਸਮੂਹ ਲੀਡਰਸ਼ਿਪ ਮੌਜੂਦ ਹੈ। ਇਸ ਮੌਕੇ ਉਨ੍ਹਾਂ ਨੇ ਆੜ੍ਹਤੀਆਂ ਦੀ ਹੜਤਾਲ ਨਾਲ ਨਿਪਟਣ ਲਈ ਕਣਕ ਦੀ ਖਰੀਦ ਵਿਚ ਸਹਿਕਾਰੀ ਸੰਮਤੀਆਂ ਦੀ ਮਦਦ ਲੈਣ ਤੇ ’30 ਦਿਨ ਤਕਸੀਮ’ ਯੋਜਨਾ ਸ਼ੁਰੂ ਕਰਨ ਸਣੇ ਕਈ ਅਹਿਮ ਐਲਾਨ ਕੀਤੇ।
ਮੁੱਖ ਮੰਤਰੀ ਮਾਨ ਨੇ ਸਪੱਸ਼ਟ ਕੀਤਾ ਕਿ ਸਰਕਾਰ ਕਣਕ ਦੀ ਖਰੀਦ ਵਿਚ ਕਿਸਾਨਾਂ ਨੂੰ ਕੋਈ ਪ੍ਰੇਸ਼ਾਨੀ ਨਹੀਂ ਆਉਣ ਦੇਵੇਗੀ। ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਦੇ ਇੱਕ-ਇੱਕ ਦਾਣੇ ਦਾ ਜ਼ਿੰਮੇਵਾਰ ਮੈਂ ਹੋਵਾਂਗਾ, ਜਿਨ੍ਹਾਂ ਚਿਰ ਝਾੜ ਨਹੀਂ ਵਿਕਦਾ, ਮੈਂ ਨਹੀਂ ਟਿੱਕਦਾ। ਉਨ੍ਹਾਂ ਦਸਿਆ ਕਿ ਸਹਿਕਾਰੀ ਸੰਮਤੀਆਂ ਦੀ ਲਿਸਟ ਤਿਆਰ ਕਰ ਲਈ ਗਈ ਹੈ ਜੋ ਲੋੜ ਪੈਣ ਉਤੇ ਕਣਕ ਖਰੀਦ ਦਾ ਕੰਮ ਸੰਭਾਲੇਗੀ। ਹਰ ਇਕ ਦਾਣੇ ਦਾ ਸਹੀ ਤਰੀਕੇ ਨਾਲ ਖਰੀਦ ਯਕੀਨੀ ਬਣਾਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਝੋਨੇ ਦੇ ਆਉਂਦੇ ਸੀਜ਼ਨ ਤੱਕ ਪੰਜਾਬ ‘ਚ 90% ਤੱਕ ਨਹਿਰੀ ਸਿੰਜਾਈ ਪਹੁੰਚੇਗੀ। ਪਹਿਲਾਂ ਨਹਿਰਾਂ ਦਾ ਪਾਣੀ 22 ਫ਼ੀਸਦ ਵਰਤਿਆ ਜਾਂਦਾ ਸੀ ਪਰ ਅਸੀਂ 4 ਸਾਲ ‘ਚ ਨਹਿਰੀ ਪਾਣੀ ਦੀ 78 ਫ਼ੀਸਦ ਵਰਤੋਂ ਕੀਤੀ ਹੈ।
ਨਾਲ ਹੀ ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਕਿਸਾਨਾਂ ਨੂੰ ਖੇਤਾਂ ‘ਚ ਖੰਭਿਆਂ ਤੋਂ ਛੁਟਕਾਰਾ ਮਿਲੇਗਾ । ਬਿਜਲੀ ਦੀਆਂ ਤਾਰਾਂ ਅੰਡਰ ਗਰਾਊਂਡ ਪਾਈਆਂ ਜਾਣਗੀਆਂ । ਬਿਜਲੀ, ਮੀਂਹ ਤੇ ਹਨੇਰੀ ਦਾ ਕੋਈ ਅਸਰ ਨਹੀਂ ਹੋਵੇਗਾ ਤੇ ਸਪਾਰਕਿੰਗ ਨਾਲ ਫ਼ਸਲ ਸੜਨ ਦਾ ਵੀ ਕੋਈ ਖ਼ਤਰਾ ਨਹੀਂ ਰਹੇਗਾ। ਆੜ੍ਹਤੀਆਂ ਦੀ ਹੜਤਾਲ ਉਤੇ ਵੀ ਸੀਐਮ ਮਾਨ ਨੇ ਬਿਆਨ ਦਿੱਤਾ। ਉਨ੍ਹਾਂ ਕਿਹਾ ਕਿ ਆੜ੍ਹਤੀਆਂ ਦੀਆਂ ਮੰਗਾਂ ਸਾਡੇ ਤੋਂ ਨਹੀਂ, ਕੇਂਦਰ ਤੋਂ ਹਨ। ਜਿਹੜੇ ਆੜ੍ਹਤੀ ਪੰਜਾਬ ਨਾਲ ਖੜ੍ਹੇ ਨੇ ਉਨ੍ਹਾਂ ਦਾ ਧੰਨਵਾਦ। ਗੈਰ-ਹੜਤਾਲੀ ਆੜ੍ਹਤੀਆਂ ਨੂੰ ਸ਼ੈਲਰ ਤਕਸੀਮ ‘ਚ ਪਹਿਲ ਦੇਵਾਂਗੇ ਤੇ ਕੋ-ਆਪਰੇਟਿਵ ਸੁਸਾਇਟੀਆਂ ਦੀ ਆੜ੍ਹਤ ਦਾ ਕੋਟਾ ਵਧਾਵਾਂਗੇ।
ਇਹ ਵੀ ਪੜ੍ਹੋ : ਬਰਜਿੰਦਰ ਸਿੰਘ ਬਰਾੜ ਨੇ ਸ਼੍ਰੋਮਣੀ ਅਕਾਲੀ ਦਲ ਪੁਨਰ ਸੁਰਜੀਤ ਤੋਂ ਦਿੱਤਾ ਅਸਤੀਫ਼ਾ, ਮਨਪ੍ਰੀਤ ਇਆਲੀ ‘ਤੇ ਸਾਧਿਆ ਨਿਸ਼ਾਨਾ
CM ਮਾਨ ਨੇ ਐਲਾਨ ਕਰਦਿਆਂ ਕਿਹਾ ਕਿ 13 ਅਪ੍ਰੈਲ ਤੋਂ 30 ਦਿਨ ਤਸਕੀਮ ਦੀ ਸ਼ੁਰੂਆਤ ਹੋਵੇਗੀ। ਇਸ ਯੋਜਨਾ ਤਹਿਤ 1 ਮਹੀਨੇ ‘ਚ ਖਾਨਾ ਤਕਸੀਮ ਕੀਤੀ ਜਾਵੇਗੀ। ਜਿਹੜੇ ਲੋਕਾਂ ਦੇ ਕੋਰਟਾਂ ‘ਚੋਂ ਝਗੜੇ ਚੱਲ ਰਹੇ ਹਨ, ਉਨ੍ਹਾਂ ਦੀ ਵੀ ਤਕਸੀਮ ਹੋਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
