ਜੇਕਰ ਕੰਘੀ ਕਰਦੇ ਸਮੇਂ ਪਹਿਲਾਂ ਤੋਂ ਵੱਧ ਵਾਲ ਝੜ ਰਹੇ ਹਨ ਜਾਂ ਵਾਲਾਂ ਦੀ ਮੋਟਾਈ ਲਗਾਤਾਰ ਘੱਟ ਹੁੰਦੀ ਜਾ ਰਹੀ ਹੈ ਤਾਂ ਇਸ ਦੀ ਇਕ ਵਜ੍ਹਾ ਤੁਹਾਡੀ ਡਾਇਟ ਵੀ ਹੋ ਸਕਦੀ ਹੈ। ਸਰੀਰ ਵਿਚ ਕੁਝ ਜ਼ਰੂਰੀ ਪੌਸ਼ਕ ਤੱਤਾਂ ਦੀ ਕਮੀ ਹੋਣ ‘ਤੇ ਵਾਲਾਂ ਦੀ ਸਾਧਾਰਨ ਗ੍ਰੋਥ ਸਾਈਕਲ ‘ਤੇ ਅਸਰ ਪੈ ਸਕਦਾ ਹੈ ਤੇ ਹੇਅਰ ਫਾਲ ਵਧ ਸਕਦਾ ਹੈ।
ਰਿਸਰਚ ਵਿਚ ਕਈ ਪੋਸ਼ਕ ਤੱਤਾਂ ਦੇ ਘੱਟਦੇ ਪੱਧਰ ਦਾ ਵਾਲ ਝੜਨ ਨਾਲ ਸੰਬੰਧ ਦੇਖਿਆ ਗਿਆ ਹੈ। ਹਾਲਾਂਕਿ ਹਰ ਵਿਅਕਤੀ ਵਿਚ ਵਾਲ ਝੜਨ ਦਾ ਕਾਰਨ ਵੱਖਰਾ ਹੋ ਸਕਦਾ ਹੈ। ਅਜਿਹੇ ਵਿਚ ਸਿਰਫ ਸਪਲੀਮੈਂਟ ਲੈਣ ਦੀ ਬਜਾਏ ਸਹੀ ਡਾਇਟ ‘ਤੇ ਧਿਆਨ ਦੇਣਾ ਜ਼ਰੂਰੀ ਹੈ। ਆਓ ਜਾਣਦੇ ਹਾਂ ਕਿਹੜੇ ਪੋਸ਼ਕ ਤੱਤਾਂ ਦੀ ਕਮੀ ਨਾਲ ਵਾਲ ਝੜ ਸਕਦੇ ਹਨ ਤੇ ਉਨ੍ਹਾਂ ਨੂੰ ਕਿਹੜੇ ਖਾਧ ਪਦਾਰਥਾਂ ਜ਼ਰੀਏ ਡਾਇਟ ਵਿਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਆਇਰਨ ਦੀ ਕਮੀ
ਆਇਰਨ ਦੀ ਕਮੀ ਖਾਸ ਕਰਕੇ ਆਇਰਨ ਸਟੋਰ ਯਾਨੀ ਫੇਰਿਟਿਨ ਘੱਟ ਹੋਣ ਦੀ ਸਥਿਤੀ, ਕੁਝ ਲੋਕਾਂ ਵਿਚ ਹੇਅਰ ਫਾਲ ਨਾਲ ਜੁੜੀ ਹੋ ਸਕਦੀ ਹੈ। ਆਇਰਨ ਵਾਲਾਂ ਦੇ ਫਾਲਿਕਲਸ ਤੱਕ ਜ਼ਰੂਰੀ ਜੈਵਿਕ ਪ੍ਰਕਿਰਿਆਵਾਂ ਲਈ ਮਹੱਤਵਪੂਰਨ ਹਨ। ਇਸ ਲਈ ਡਾਇਟ ਵਿਚ ਪਾਲਕ, ਛੋਲੇ, ਰਾਜਮਾਂਹ, ਮਸੂਰ ਦਾਲ, ਤਿਲ, ਆਂਡੇ ਤੇ ਲੋੜ ਮੁਤਾਬਕ ਮਾਸ/ਮੱਛੀ ਸ਼ਾਮਲ ਕਰੋ।
ਵਿਟਾਮਿਨ D
ਵਿਟਾਮਿਨ D ਦੀ ਕਮੀ ਨੂੰ ਵਾਲਾਂ ਦੇ ਝੜਨ ਨਾਲ ਜੋੜਿਆ ਗਿਆ ਹੈ। ਇਸ ਲਈ ਡਾਇਟ ਵਿਚ ਅੰਡੇ ਦੀ ਜਰਦੀ, ਫੈਟੀ ਫਿਸ਼, ਵਿਟਾਮਿਨ D ਤੋਂ ਫੋਰਟੀਫਾਈਡ ਦੁੱਧ ਤੇ ਹੋਰ ਫੋਰਟੀਫਾਈਡ ਖਾਧ ਪਦਾਰਥ। ਧੁੱਪ ਵੀ ਸਰੀਰ ਵਿਚ ਵਿਟਾਮਿਨ D ਬਣਾਉਣ ਦਾ ਇਕ ਸਰੋਤ ਹੈ।
ਜ਼ਿੰਕ
ਜ਼ਿੰਕ ਸਰੀਰ ਵਿਚ ਕਈ ਇੰਜਾਇਮ ਤੇ ਸੈਲੂਲਰ ਪ੍ਰਕਿਰਿਆਵਾਂ ਲਈ ਜ਼ਰੂਰੀ ਮਿਨਰਲ ਹੈ। ਗੰਭੀਰ ਜ਼ਿੰਕ ਦੀ ਕਮੀ ਵਿਚ ਵਾਲਾਂ ਵਿਚ ਬਦਲਾਅ ਤੇ ਹੇਅਰ ਫਾਲ ਦੇਖਿਆ ਜਾ ਸਕਦਾ ਹੈ। ਹਾਲਾਂਕਿ ਸਾਧਾਰਨ ਹੇਅਰ ਫਾਲ ਵਿਚ ਜ਼ਿੰਕ ਸਪਲੀਮੈਂਟ ਹੋਣ ਦੇ ਪ੍ਰਮਾਣ ਇਕੋ ਜਿਹੇ ਨਹੀਂ ਹਨ। ਇਸ ਲਈ ਡਾਇਟ ਵਿਚ ਕੱਦੂ ਦੇ ਬੀਜ, ਤਿਲ, ਛੋਲੇ, ਦਾਲਾਂ, ਨਟਸ ਤੇ ਅੰਡੇ ਤੇ ਮਾਸ ਸ਼ਾਮਲ ਕਰੋ।
ਪ੍ਰੋਟੀਨ
ਵਾਲ ਮੁੱਖ ਤੌਰ ਤੋਂ ਕੇਰਾਟਿਨ ਨਾਂ ਦੇ ਪ੍ਰੋਟੀਨ ਤੋਂ ਬਣੇ ਹੁੰਦੇ ਹਨ। ਸਰੀਰ ਵਿਚ ਲੋੜੀਂਦੀ ਪ੍ਰੋਟੀਨ ਨਾ ਮਿਲਣ ਜਾਂ ਬਹੁਤ ਘੱਟ ਕੈਲੋਰੀ ਵਾਲੀ ਡਾਇਟ ਲੈਣ ਨਾਲ ਵਾਲਾਂ ਦੀ ਗ੍ਰੋਥ ਪ੍ਰਭਾਵਿਤ ਹੋ ਸਕਦੀ ਹੈ ਤੇ ਅਚਾਨਕ ਹੇਅਰ ਸ਼ੇਡਿੰਗ ਵਧ ਸਕਦੀ ਹੈ। ਇਸ ਦੀ ਕਮੀ ਨੂੰ ਪੂਰਾ ਕਰਨ ਲਈ ਡਾਇਟ ਵਿਚ ਦਾਲ, ਪਨੀਰ, ਦੁੱਧ, ਦਹੀਂ, ਸੋਇਆ, ਅੰਡੇ ਤੇ ਮੱਛੀ ਸ਼ਾਮਲ ਕਰੋ।
ਬਾਇਓਟਿਨ ਤੇ B-ਵਿਟਾਮਿਨ
ਬਾਇਓਟਿਨ ਦੀ ਅਸਲੀ ਕਮੀ ਵਾਲਾਂ ਦੇ ਝੜਨ ਦਾ ਕਾਰਨ ਬਣ ਸਕਦੀ ਹੈ ਪਰ ਬਿਨਾਂ ਕਮੀ ਦੇ ਹਰ ਵਿਅਕਤੀ ਲਈ ਬਾਇਓਟਿਨ ਸਪਲੀਮੈਂਟ ਫਾਇਦੇਮੰਦ ਸਾਬਤ ਹੋਵੇ, ਅਜਿਹਾ ਮਜ਼ਬੂਤ ਪ੍ਰਮਾਣ ਨਹੀਂ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
