ਪੰਜਾਬੀ ਗਾਇਕਾ ਜੈਸਮੀਨ ਸੈਂਡਲਸ ਦੇ “ਦਿ ਡ੍ਰੀਮ ਗਰਲ ਇੰਡੀਆ ਟੂਰ” ਦੇ ਪਹਿਲੇ ਕੰਸਰਟ ਦੌਰਾਨ, ਇੱਕ ਪਲ ਨੇ ਹਜ਼ਾਰਾਂ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ। ਲਾਈਵ ਕੰਸਰਟ ਦੌਰਾਨ, ਜੈਸਮੀਨ ਨੇ ਸਟੇਜ ‘ਤੇ ਇੱਕ ਸ਼ਖਸ ਨੂੰ ਬੁਲਾ ਕੇ ਅਤੇ ਉਸਨੂੰ ਆਪਣਾ ਮੰਗੇਤਰ ਐਲਾਨ ਕਰਕੇ ਆਪਣੇ ਰਿਸ਼ਤੇ ਨੂੰ ਜਨਤਕ ਕੀਤਾ।
ਕੰਸਰਟ ਪੂਰੇ ਜੋਸ਼ ਵਿੱਚ ਸੀ, ਅਤੇ ਪ੍ਰਸ਼ੰਸਕ ਜੈਸਮੀਨ ਦੇ ਗੀਤਾਂ ‘ਤੇ ਨੱਚ ਰਹੇ ਸਨ। ਅਚਾਨਕ, ਸੰਗੀਤ ਹੌਲੀ ਹੋ ਗਿਆ। ਜੈਸਮੀਨ ਨੇ ਇੱਕ ਸ਼ਖਸ ਦਾ ਹੱਥ ਫੜਿਆ ਅਤੇ ਉਸਨੂੰ ਸਟੇਜ ‘ਤੇ ਬੁਲਾਇਆ, ਕਿਹਾ, “ਆਈ ਹੈਵ ਅ ਲਿਟਲ ਮੇਸਿਵ ਸੀਕ੍ਰੇਟ” ਭਾਵ, “ਮੇਰਾ ਇੱਕ ਛੋਟਾ ਜਿਹਾ ਰਾਜ਼ ਹੈ… ਮੇਰਾ ਇੱਕ ਵੱਡਾ ਰਾਜ਼ ਹੈ।” ਫਿਰ ਉਸਨੇ ਉਤਸ਼ਾਹ ਨਾਲ ਪ੍ਰਸ਼ੰਸਕਾਂ ਨੂੰ ਸੰਬੋਧਿਤ ਕੀਤਾ, “ਕੀ ਤੁਸੀਂ ਸ਼ੇਖਰ ਕਹਿ ਸਕਦੇ ਹੋ? ਕੀ ਤੁਸੀਂ ਸ਼ੇਖਰ ਕਹਿ ਸਕਦੇ ਹੋ?” “ਕੀ ਤੁਸੀਂ ਕਹਿ ਸਕਦੇ ਹੋ, ਚੌਧਰੀ ਸਾਹਿਬ?” ਪੂਰਾ ਸਟੇਡੀਅਮ ਤਾੜੀਆਂ ਅਤੇ ਗੂੰਜ ਨਾਲ ਗੂੰਜ ਉੱਠਿਆ।
ਫਿਰ ਜੈਸਮੀਨ ਨੇ ਆਪਣੇ ਰਿਸ਼ਤੇ ਦਾ ਖੁਲਾਸਾ ਕਰਦੇ ਹੋਏ ਕਿਹਾ, “ਮੈਂ ਤੁਹਾਨੂੰ ਸਟੇਜ ‘ਤੇ ਬੁਲਾ ਹੀ ਲਿਆ… ਇਹ ਉਹ ਸ਼ਖਸ ਹੈ ਜਿਸਨੇ ਮੇਰੀ ਉਂਗਲੀ ‘ਤੇ ਇਹ ਅੰਗੂਠੀ ਪਾਈ ਹੈ। ਦਿਸ ਇਜ਼ ਮਾਈ ਮੈਨ ਭਾਵ ਇਹ ਮੇਰਾ ਆਦਮੀ ਹੈ। ਤੁਹਾਨੂੰ ਸਾਰਿਆਂ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਇਹ ਮੇਰਾ ਜੀਵਨ ਸਾਥੀ ਹੈ।”
ਇਹ ਵੀ ਪੜ੍ਹੋ : 5ਵੇਂ ਟੀ-20 ਮੈਚ ‘ਚ ਇੰਗਲੈਂਡ ਨੇ ਭਾਰਤ ਨੂੰ 56 ਦੌੜਾਂ ਨਾਲ ਹਰਾਇਆ, 4-0 ਨਾਲ ਜਿੱਤੀ ਸੀਰੀਜ਼
ਜੈਸਮੀਨ ਦੇ ਇਸ ਐਲਾਨ ਤੋਂ ਬਾਅਦ ਸਟੇਡੀਅਮ ਵਿੱਚ ਮੌਜੂਦ ਹਜ਼ਾਰਾਂ ਪ੍ਰਸ਼ੰਸਕ ਖੁਸ਼ੀ ਨਾਲ ਝੂਮ ਉੱਠੇ। ਇਸ ਤੋਂ ਬਾਅਦ ਜੈਸਮੀਨ ਭੱਜ ਕੇ ਆਪਣੇ ਮੰਗੇਤਰ ਸ਼ੇਖਰ ਨੂੰ ਘੁੱਟ ਕੇ ਜੱਫੀ ਪੈ। ਸ਼ੇਖਰ ਨੇ ਉਸ ਨੂੰ ਪਿਆਰ ਨਾਲ ਆਪਣੀਆਂ ਬਾਹਾਂ ‘ਚ ਚੁੱਕਿਆ। ਦੋਹਾਂ ਨੇ ਪੰਜਾਬੀ ਗਾਣੇ ‘ਤੇ ਡਾਂਸ ਕੀਤਾ। ਸ਼ਨੀਵਾਰ ਰਾਤ ਨੂੰ ਦਿੱਲੀ ਦੇ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਵਿੱਚ ਹੋਏ ਇਸ ਸੰਗੀਤ ਸਮਾਰੋਹ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਪ੍ਰਸ਼ੰਸਕ ਜੈਸਮੀਨ ਸੈਂਡਲਸ ਨੂੰ ਉਸਦੀ ਨਵੀਂ ਸ਼ੁਰੂਆਤ ‘ਤੇ ਵਧਾਈਆਂ ਦੇ ਰਹੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
