‘ਫਲਾਇੰਗ ਸਿੱਖ’ ਮਿਲਖਾ ਸਿੰਘ, ਕੜੇ ਸੰਘਰਸ਼ ‘ਚੋਂ ਨਿਕਲਿਆ ਸੀ ਇਹ ਅਨਮੋਲ ਹੀਰਾ

‘ਫਲਾਇੰਗ ਸਿੱਖ’ ਦੇ ਨਾਂ ਨਾਲ ਮਸ਼ਹੂਰ ਮਿਲਖਾ ਸਿੰਘ ਦੀ ਪਿਛਲੇ ਸਾਲ 18 ਜੂਨ ਨੂੰ ਕੋਰੋਨਾ ਇਨਫੈਕਸ਼ਨ ਕਾਰਨ ਮੌਤ ਹੋ ਗਈ ਸੀ। ਉਨ੍ਹਾਂ ਦਾ ਆਪਣੀ ਪਤਨੀ ਨਾਲ ਬਹੁਤ ਪਿਆਰ ਸੀ, ਉਸ ਦੇ ਕੋਰੋਨਾ ਨਾਲ ਦਿਹਾਂਤ ਤੋਂ ਕੁਝ ਦਿਨ ਬਾਅਦ ਹੀ ਮਿਲਖਾ ਸਿੰਘ ਦੀ ਵੀ ਮੌਤ ਹੋ ਗਈ।

ਰੋਮ ਉਲੰਪਿਕ 1960 ਨੂੰ ਸ਼ਾਇਦ ਹੀ ਕੋਈ ਭਾਰਤੀ ਖੇਡਪ੍ਰੇਮੀ ਭੁੱਲ ਸਕਦਾ ਹੈ ਜਦੋਂ ਉਹ 0.1 ਸੈਕਿੰਡ ਦੇ ਅੰਤਰ ਨਾਲ ਚੌਥੇ ਸਥਾਨ ‘ਤੇ ਰਹੇ।ਮਿਲਖਾ ਨੇ ਇਸ ਤੋਂ ਪਹਿਲਾਂ 1958 ਬ੍ਰਿਟਿਸ਼ ਅਤੇ ਰਾਸ਼ਟਰਮੰਡਲ ਖੇਡਾਂ ‘ਚ ਗੋਲਡ ਮੈਡਲ ਜਿੱਤ ਕੇ ਭਾਰਤ ਨੂੰ ਵਿਸ਼ਵ ਐਥਲੈਟਿਕਸ ਦੇ ਮੈਪ ‘ਤੇ ਪਛਾਣ ਦਿਵਾਈ।

ਸਾਲ 1958 ‘ਚ ਉਹ ਦੇਸ਼ ਦੇ ਪਹਿਲੇ ਇੰਡਿਵਿਜੁਅਲ ਐਥਲੈਟਿਕਸ ਬਣੇ ਸਨ ਜਿਨ੍ਹਾਂ ਨੇ ਕਾਮਨਵੈਲਥ ਗੇਮਾਂ ‘ਚ ਗੋਲਡ ਮੈਡਲ ਜਿੱਤਿਆ ਸੀ।ਸਾਲ 2010 ਤੱਕ ਇਹ ਸਨਮਾਨ ਪਾਉਣ ਵਾਲੇ ਉਹ ਇਕੱਲੇ ਭਾਰਤੀ ਸਨ।ਸਾਲ 1958 ਅਤੇ ਸਾਲ 1958 ‘ਚ ਆਯੋਜਿਤ ਹੋਏ ਏਸ਼ੀਅਨ ਖੇਡਾਂ ‘ਚ ਵੀ ਉਹ ਗੋਲਡ ਮੈਡਲ ਜਿੱਤੇ ਸਨ।ਇਸੇ ਦੌਰਾਨ ਸਰਕਾਰ ਨੇ ਖੇਡਾਂ ‘ਚ ਉਨ੍ਹਾਂਦੇ ਯੋਗਦਾਨ ਲਈ ਉਨ੍ਹਾਂਪਦਮ ਸ਼੍ਰੀ ਐਵਾਰਡ ਨਾਲ ਸਨਮਾਨਿਤ ਕੀਤਾ।ਮਿਲਖਾ ਸਿੰਘ ਨੇ ਲਗਾਤਾਰ ਤਿੰਨ ਓਲੰਪਿਕ ਖੇਡਾਂ ‘ਚ ਦੇਸ਼ ਦੀ ਅਗਵਾਈ ਕੀਤੀ ਸੀ।ਇਹ ਤਿੰਨ ਓਲੰਪਿਕ ਸੀ ਸਾਲ 1956 ‘ਚ ਮੈਲਬਰਨ ‘ਚ ਆਯੋਜਿਤ ਹੋਇਆ ਸਮਰ ਉਲੰਪਿਕ ਫਿਰ ਸਾਲ 1960 ‘ਚ ਰੋਮ ‘ਚ ਆਯੋਜਿਤ ਹੋਇਆ ਸਮਰ ਉਲੰਪਿਕ ਅਤੇ ਸਾਲ 1964 ‘ਚ ਟੋਕੀਓ ‘ਚ ਆਯੋਜਿਤ ਹੋਇਆ ਸਮਰ ਉਲੰਪਿਕ।

ਇਸ ਮੁਕਾਮ ਨੂੰ ਪਾਉਣ ‘ਚ ਮਿਲਖਾ ਸਿੰਘ ਦਾ ਸੰਘਰਸ਼ ਵੀ ਬੜਾ ਹੀ ਕਠੋਰ ਰਿਹਾ ਹੈ, ਆਪਣੇ ਆਪ ਨੂੰ ਮਜ਼ਬੂਤ ਕਰਨ ਲਈ ਉਹ ਯਮੁਨਾ ਨਦੀ ਦੇ ਕਿਨਾਰਿਆਂ ‘ਤੇ ਰੇਤ ‘ਚ ਦੌੜਦੇ ਸਨ।ਪਹਾੜੀ ਏਰੀਆ ‘ਚ ਵੀ ਦੌੜਦੇ ਸਨ, ਇੰਨਾ ਹੀ ਨਹੀਂ ਰੇਲਵੇ ਟ੍ਰੈਕ ‘ਤੇ ਵੀ ਦੌੜਦੇ ਸਨ।ਦੇਸ਼ ਦੀ ਸੈਨਾ ‘ਚ ਭਰਤੀ ਹੋਣ ਦੇ ਚਾਰ ਸਾਲ ਬਾਅਦ ਹੀ ਭਾਵ 1956 ‘ਚ ਉਹ ਪਟਿਆਲਾ ‘ਚ ਹੋਏ ਨੈਸ਼ਨਲ ਗੇਮਸ ਜਿੱਤੇ ਸਨ।ਜਿਸ ਨਾਲ ਉਨ੍ਹਾਂਨੇ ਪਟਿਆਲਾ ਦੇ ਲਈ ਟ੍ਰਾਇਲ ਦੇਣ ਦਾ ਮੌਕਾ ਮਿਲਿਆ।ਪਰ ਉਲੰਪਿਕ ਦੇ ਲਈ ਟ੍ਰਾਇਲ ਦੇਣ ਤੋਂ ਪਹਿਲਾਂ ਹੀ ਉਨਾਂ ਨੇ ਇੱਕ ਭਿਆਨਕ ਅਤੇ ਦਰਦਨਾਕ ਅਨੁਭਵ ਤੋਂ ਗੁਜ਼ਰਨਾ ਪਿਆ ਸੀ।ਮਿਲਖਾ ਸਿੰਘ ਦੇ ਜੋ ਵਿਰੋਧੀ ਸਨ ਉਹ ਨਹੀਂ ਚਾਹੁੰਦੇ ਸਨ ਕਿ ਮਿਲਖਾ ਸਿੰਘ ਉਸ ਰੇਸ ‘ਚ ਭਾਗ ਲੈਣ।ਇਸ ਲਈ ਇਕ ਦਿਨ ਪਹਿਲਾਂ ਹੀ ਉਨ੍ਹਾਂਦੇ ਵਿਰੋਧੀਆਂ ਨੇ ਉਨ੍ਹਾਂ‘ਤੇ ਹਮਲਾ ਬੋਲ ਦਿੱਤਾ।

ਉਨ੍ਹਾਂਦੇ ਸਿਰ ਅਤੇ ਪੈਰਾਂ ਨੂੰ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਗਈ।ਅਗਲੀ ਸਵੇਰ ਉਨ੍ਹਾਂਦੇ ਸਰੀਰ ‘ਤੇ ਥਾਂ-ਥਾਂ ਨਿਸ਼ਾਨ ਸਨ ਅਤੇ ਬੁਖਾਰ ਸੀ।ਉਹ ਡਾਕਟਰ ਦੇ ਕੋਲ ਗਏ ਤਾਂ ਡਾਕਟਰ ਨੇ ਰੇਸ ‘ਚ ਭਾਗ ਲੈਣ ਤੋਂ ਮਨਾਂ ਕਰ ਦਿੱਤਾ।ਪਰ ਮਿਲਖਾ ਸਿੰਘ ਠਹਿਰੇ ਜਿੱਦੀ, ਉਨ੍ਹਾਂਨੇ ਦਵਾਈ ਦੀ ਇੱਕ ਗੋਲੀ ਲੈ ਕੇ ਟ੍ਰਾਇਲ ‘ਚ ਭਾਗ ਲਿਆ ਅਤੇ ਜਿੱਤੇ ਵੀ।ਇਸ ਪ੍ਰਕਾਰ ਉਲੰਪਿਕ ਜਾਣ ਦਾ ਉਨ੍ਹਾਂ ਦਾ ਰਾਹ ਖੁੱਲਿਆ।

1960 ਦੇ ਰੋਮ ਉਲੰਪਿਕ ‘ਚ ਉਹ ਮੈਡਲ ਲਿਆਉਣ ਦੇ ਬਹੁਤ ਨੇੜੇ ਤੋਂ ਚੂਕ ਗਏ ਸਨ, ਉਹ ਰੋਮ ਉਲੰਪਿਕ ‘ਚ 400 ਮੀਟਰ ਦੀ ਦੌੜ ‘ਚ ਚੌਥੇ ਨੰਬਰ ‘ਤੇ ਆਏ ਸਨ।ਉਨ੍ਹਾਂਨੇ ਆਪਣੀ ਆਟੋਬਾਇਉਗ੍ਰਾਫੀ ਵੀ ਲਿਖੀ ਹੈ ਜਿਸਦਾ ਨਾਮ ਹੈ, ‘ਰੇਸ ਆਫ ਮਾਈ ਲਾਈਫ’ ਉਨ੍ਹਾਂਦੀ ਬੇਟੀ ਸੋਨੀਆ ਸੰਵਾਲਕਾ ਇਸ ਆਤਮਕਥਾ ਦੀ ਸਹਿ ਲੇਖਿਕਾ ਹੈ।ਇਸੇ ਕਿਤਾਬ ਦੇ ਆਧਾਰ ‘ਤੇ ਸਾਲ 2013 ‘ਚ ਇੱਕ ਹਿੰਦੀ ਫਿਲਮ ‘ਭਾਗ ਮਿਲਖਾ ਭਾਗ’ ਵੀ ਬਣੀ ਸੀ।ਜਿਸ ‘ਚ ਮਿਲਖਾ ਸਿੰਘ ਦਾ ਰੋਲ ਅਭਿਨੇਤਾ ਫਰਹਾਨ ਅਖਤਰ ਨੇ ਨਿਭਾਇਆ ਹੈ।

ਉਨ੍ਹਾਂ ਦਾ ਪਿੰਡ ਭਾਰਤ ਵੰਡ ਦੇ ਮੁਜ਼ੱਫਰਗੜ ਜ਼ਿਲੇ ‘ਚ ਪੈਂਦਾ ਸੀ ਜੋ ਹੁਣ ਪੱਛਮੀ ਪਾਕਿਸਤਾਨ ‘ਚ ਪੈਂਦਾ ਹੈ।ਉਨ੍ਹਾਂਦੇ ਪਿੰਡ ਦਾ ਨਾਮ ਗੋਵਿੰਦਪੁਰਾ ਸੀ।ਉਹ ਰਾਜਪੂਤ ਰਾਠੌਰ ਪਰਿਵਾਰ ‘ਚ ਜਨਮੇ ਸੀ।ਉਨ੍ਹਾਂ ਦੇ ਕੁਲ 15 ਭੈਣ-ਭਰਾ ਸਨ, ਪਰ ਉਨ੍ਹਾਂਦਾ ਪਰਿਵਾਰ ਵੰਡ ਦੀ ਤ੍ਰਾਸਦੀ ਦਾ ਸ਼ਿਕਾਰ ਹੋ ਗਿਆ, ਉਸ ਦੌਰਾਨ ਉਨ੍ਹਾਂਦੇ ਮਾਤਾ-ਪਿਤਾ ਦੇ ਨਾਲ 8 ਭੈਣ-ਭਰਾ ਵੀ ਮਾਰੇ ਗਏ।ਪਰਿਵਾਰ ਦੇ ਸਿਰਫ ਚਾਰ ਲੋਕ ਹੀ ਜ਼ਿੰਦਾ ਬਚੇ ਸਨ ਜਿਨ੍ਹਾਂ ‘ਚ ਇੱਕ ਅੱਗੇ ਚਲ ਕੇ ਵਿਸ਼ਵ ਦੇ ਮਹਾਨ ਐਥਲੀਟਾਂ ‘ਚੋਂ ਇੱਕ ਬਣੇ, ਜਿਨ੍ਹਾਂ ਨੇ ਹੁਣ ਫਲਾਇੰਗ ਸਿੱਖ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਭਾਰਤ ਆਉਣ ਤੋਂ ਬਾਅਦ ਮਿਲਖਾ ਸਿੰਘ ਦਾ ਪੂਰਾ ਜੋਰ ਦੇਸ਼ ਦੀ ਆਰਮੀ ‘ਚ ਭਰਤੀ ਹੋਣਾ ਸੀ ਅਤੇ ਸਾਲ 1951 ‘ਚ ਉਹ ਭਾਰਤੀ ਸੈਨਾ ‘ਚ ਸ਼ਾਮਲ ਹੋ ਗਏ।ਭਾਰਤੀ ਸੈਨਾ ‘ਚ ਸ਼ਾਮਲ ਹੋਣਾ ਹੀ ਉਹ ਟਰਨਿੰਗ ਪੁਆਇੰਟ ਸੀ ਜਿੱਥੇ ਇੱਕ ਮਹਾਨ ਖਿਡਾਰੀ ਦਾ ਉਦੈ ਹੋਇਆ।

ਮਿਲਖਾ ਸਿੰਘ ਦੇ ਦਿਹਾਂਤ ‘ਤੇ ਨਾ ਸਿਰਫ ਖੇਡ ਜਗਤ ਬਲਕਿ ਬਾਲੀਵੁੱਡ ਦੀਆਂ ਹਸਤੀਆਂ ਵੀ ਸੋਗ ‘ਚ ਡੁੱਬੀਆਂ ਹੋਈਆਂ ਸਨ। ਮਿਲਖਾ ਸਿੰਘ ਦੀ ਕਹਾਣੀ ਨੂੰ ਬਾਲੀਵੁੱਡ ਅਦਾਕਾਰ ਫਰਹਾਨ ਅਖਤਰ ਨੇ ਵੱਡੇ ਪਰਦੇ ‘ਤੇ ਦਿਖਾਇਆ ਸੀ। ਫਰਹਾਨ ਮਿਲਖਾ ਸਿੰਘ ਦੇ ਕਿਰਦਾਰ ‘ਚ ਇੰਨੇ ਰੁੱਝੇ ਹੋਏ ਸਨ ਕਿ ਮਿਲਖਾ ਸਿੰਘ ਖੁਦ ਵੀ ਉਨ੍ਹਾਂ ਨੂੰ ਦੇਖ ਕੇ ਕਾਫੀ ਪ੍ਰਭਾਵਿਤ ਹੋਏ ਸਨ। ਮਿਲਖਾ ਸਿੰਘ ਨੇ ਫਰਹਾਨ ਦਾ ਟ੍ਰੇਨਿੰਗ ਵਿੱਚ ਸਾਥ ਦੇਣ ਦੇ ਨਾਲ ਉਨ੍ਹਾਂ ਨੂੰ ਜ਼ਿੰਦਗੀ ਨਾਲ ਜੁੜੀਆਂ ਕਈ ਅਨਮੋਲ ਸਿੱਖਿਆਵਾਂ ਵੀ ਦਿੱਤੀਆਂ, ਜੋ ਅੱਜ ਵੀ ਉਨ੍ਹਾਂ ਦੇ ਨਾਲ ਹਨ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਜ਼ਿੰਦਗੀ ਦੀਆਂ ਕੁਝ ਖਾਸ ਗੱਲਾਂ ਦੱਸਣ ਜਾ ਰਹੇ ਹਾਂ।

ਰਾਕੇਸ਼ ਓਮਪ੍ਰਕਾਸ਼ ਮਹਿਰਾ ਵੱਲੋਂ ਨਿਰਦੇਸ਼ਿਤ ਫਿਲਮ ‘ਭਾਗ ਮਿਲਖਾ ਭਾਗ’ 2013 ਵਿੱਚ ਆਈ ਸੀ। ਇਸ ਫਿਲਮ ਨੂੰ ਦੇਖ ਕੇ ਮਿਲਖਾ ਸਿੰਘ ਨੂੰ ਆਪਣੇ ਸੰਘਰਸ਼ ਦੇ ਦਿਨ ਯਾਦ ਆ ਗਏ ਅਤੇ ਉਹ ਆਪਣੇ ਹੰਝੂ ਰੋਕ ਨਹੀਂ ਸਕੇ। ਫਰਹਾਨ ਆਪਣੇ ਆਪ ਨੂੰ ਖੁਸ਼ਕਿਸਮਤ ਮੰਨਦੇ ਹਨ ਕਿ ਉਨ੍ਹਾਂ ਨੂੰ ਮਿਲਖਾ ਸਿੰਘ ਨਾਲ ਇੰਨਾ ਸਮਾਂ ਬਿਤਾਉਣ ਲਈ ਮਿਲਿਆ। ਫਰਹਾਨ ਨੇ ਕਿਹਾ ਕਿ ਮਿਲਖਾ ਸਿੰਘ ਆਪਣੀ ਮੌਜੂਦਗੀ ਨਾਲ ਲੱਖਾਂ ਲੋਕਾਂ ਨੂੰ ਪ੍ਰੇਰਿਤ ਕਰਦੇ ਸਨ। ਉਨ੍ਹਾਂ ਨੇ ਹੀ ਫਰਹਾਨ ਨੂੰ ਫਿਲਮ ‘ਚ ਆਪਣਾ ਕਿਰਦਾਰ ਨਿਭਾਉਣ ਲਈ ਪ੍ਰੇਰਿਤ ਕੀਤਾ ਸੀ।

‘ਭਾਗ ਮਿਲਖਾ ਭਾਗ’ ਦੀ ਤਿਆਰੀ ਦੌਰਾਨ ਫਰਹਾਨ ਕਈ ਵਾਰ ਮਿਲਖਾ ਸਿੰਘ ਨੂੰ ਮਿਲੇ ਅਤੇ ਬਹੁਤ ਕੁਝ ਸਿੱਖਿਆ। ਇਹ ਪਹਿਲੀ ਵਾਰ ਸੀ ਜਦੋਂ ਉਹ ਉਨ੍ਹਾਂ ਨੂੰ ਰੇਸਿੰਗ ਟ੍ਰੈਕ ‘ਤੇ ਮਿਲੇ ਸਨ, ਜਿਥੇ ਦੋਵਾਂ ਨੇ 400 ਮੀਟਰ ਤੱਕ ਜਾਗਿੰਗ ਵੀ ਕੀਤੀ ਸੀ। ਉਨ੍ਹਾਂ ਸਿਖਾਇਆ ਕਿ ਨੈਗੇਟਿਵਿਟੀ ਅਤੇ ਨਫ਼ਰਤ ਦੇ ਬੋਝ ਹੇਠ ਬੰਦਾ ਜ਼ਿੰਦਗੀ ਵਿੱਚ ਅੱਗੇ ਨਹੀਂ ਵਧ ਸਕਦਾ ਅਤੇ ਕਦੇ ਵੀ ਫਲਾਇੰਗ ਸਿੱਖ ਨਹੀਂ ਬਣ ਸਕਦਾ। ਇਸ ਲਈ ਮੁਆਫ ਕਰਨਾ ਅਤੇ ਅੱਗੇ ਵਧਣਾ ਬਹੁਤ ਜ਼ਰੂਰੀ ਹੈ।

ਮਿਲਖਾ ਸਿੰਘ ਨੇ ਫਰਹਾਨ ਨੂੰ ਕਈ ਸਬਕ ਦਿੱਤੇ ਸਨ ਪਰ ਸਭ ਤੋਂ ਵਧੀਆ ਸਬਕ ਇਹ ਸੀ ਕਿ ਜੇ ਤੁਸੀਂ ਜ਼ਿੰਦਗੀ ‘ਚ ਕੁਝ ਕਰਨ ਦਾ ਮਨ ਬਣਾ ਲਿਆ ਹੈ ਤਾਂ ਉਨ੍ਹਾਂ ਨੂੰ ਪੂਰਾ ਕੀਤੇ ਬਿਨਾਂ ਹਾਰ ਨਾ ਮੰਨੋ। ਮਿਲਖਾ ਸਿੰਘ ਦੀ ਮੌਤ ਤੋਂ ਬਾਅਦ ਫਰਹਾਨ ਨੇ ਕਿਹਾ ਸੀ, ‘ਮੈਂ ਵਿਸ਼ਵਾਸ ਨਹੀਂ ਕਰ ਸਕਦਾ ਕਿ ਤੁਸੀਂ ਇਸ ਦੁਨੀਆ ‘ਚ ਨਹੀਂ ਰਹੇ। ਹੋ ਸਕਦਾ ਹੈ ਕਿ ਇਹ ਜ਼ਿੱਦੀ ਹਿੱਸਾ ਹੈ ਜੋ ਮੈਂ ਤੁਹਾਡੇ ਤੋਂ ਲਿਆ ਸੀ। ਉਹ ਹਿੱਸਾ ਜੋ ਇੱਕ ਵਾਰ ਕੁਝ ਕਰਨ ਦਾ ਫੈਸਲਾ ਕਰ ਲੈਂਦਾ ਹੈ, ਉਸ ਨੂੰ ਪੂਰਾ ਕੀਤੇ ਬਿਨਾਂ ਨਹੀਂ ਛੱਡਦਾ।

ਵੀਡੀਓ ਲਈ ਕਲਿੱਕ ਕਰੋ -:

“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”

ਮਿਲਖਾ ਸਿੰਘ ਆਪਣੀ ਬਾਇਓਪਿਕ ਲਈ ਤਿਆਰ ਨਹੀਂ ਸਨ। ਉਨ੍ਹਾਂ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਸੀ ਕਿ ਕਈ ਸਾਲਾਂ ਤੋਂ ਲੋਕ ਉਨ੍ਹਾਂ ਨਾਲ ਫਿਲਮ ਬਣਾਉਣ ਲਈ ਸੰਪਰਕ ਕਰ ਰਹੇ ਸਨ ਪਰ ਉਹ ਸਾਰਿਆਂ ਨੂੰ ਮਨ੍ਹਾ ਕਰ ਦਿੰਦੇ ਸਨ। ਉਨ੍ਹਾਂ ਦਾ ਬੇਟਾ ਜੀਵ ਇਕ ਵਾਰ ‘ਰੰਗ ਦੇ ਬਸੰਤੀ’ ਫਿਲਮ ਦੇਖ ਰਿਹਾ ਸੀ, ਜਿਸ ਨੂੰ ਦੇਖ ਕੇ ਉਨ੍ਹਾਂ ਨੂੰ ਲੱਗਾ ਕਿ ਉਨ੍ਹਾਂ ਦੇ ਪਿਤਾ ‘ਤੇ ਸਿਰਫ ਰਾਕੇਸ਼ ਓਮਪ੍ਰਕਾਸ਼ ਮਹਿਰਾ ਹੀ ਫਿਲਮ ਬਣਾ ਸਕਦੇ ਹਨ। ਇਸ ਤੋਂ ਬਾਅਦ ਹੀ ਉਨ੍ਹਾਂ ਨੇ ਆਪਣੇ ਪਿਤਾ ਮਿਲਖਾ ਸਿੰਘ ਨੂੰ ਫਿਲਮ ਲਈ ਮਨਾ ਲਿਆ।