ਇੰਟਰਨੈੱਟ ਮੀਡੀਆ ਦੀਆਂ ਸੁਰਖੀਆਂ ‘ਚ ਛਾਉਣ ਦਾ ਜਨੂੰਨ ਮਹਿਲਾ ਕਾਂਸਟੇਬਲ ਨੂੰ ਇਸ ਕਦਰ ਚੜ੍ਹ ਗਿਆ ਕਿ ਉਹ ਵਰਦੀ ਦੀ ਮਰਿਆਦਾ ਹੀ ਭੁੱਲ ਗਈ। ਪੁਲਿਸ ਦੀ ਵਰਦੀ ਪਾ ਕੇ ਬਹਿਰਾਇਚ ਜ਼ਿਲ੍ਹੇ ‘ਚ ਤਾਇਨਾਤ ਇੱਕ ਮਹਿਲਾ ਕਾਂਸਟੇਬਲ ਨੇ ‘ਮੁਲਕਾਤ ਅਗਰ ਮੌਤ ਹੈ ਤੋ ਮਿਲਵਾਓ ਹਮਸੇ’ ਦੇ ਡਾਇਲਾਗ ‘ਤੇ ਰੀਲ ਕੀਤੀ ਅਤੇ ਵਾਇਰਲ ਹੋ ਗਈ।
ਡਾਇਲ 112 ‘ਚ ਤਾਇਨਾਤ ਮਹਿਲਾ ਕਾਂਸਟੇਬਲ ਦੀ ਵੀਡੀਓ ਇੰਟਰਨੈੱਟ ਮੀਡੀਆ ‘ਤੇ ਵਾਇਰਲ ਹੋਣ ਤੋਂ ਬਾਅਦ ਪੁਲਸ ਵਿਭਾਗ ਨੂੰ ਭਾਜੜਾਂ ਪੈ ਗਈਆਂ। ਐਸਪੀ ਨੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਜਾਂਚ ਦੇ ਹੁਕਮ ਦਿੱਤੇ ਹਨ। ਉਨ੍ਹਾਂ ਕਿਹਾ ਕਿ ਜੇਕਰ ਜਾਂਚ ਵਿੱਚ ਉਹ ਦੋਸ਼ੀ ਪਾਈ ਗਈ ਤਾਂ ਕਾਂਸਟੇਬਲ ਖ਼ਿਲਾਫ਼ ਕਾਰਵਾਈ ਕੀਤੀ ਜਾਵੇਗੀ।
ਸੰਗੀਤਾ ਨਾਂ ਦੀ ਮਹਿਲਾ ਕਾਂਸਟੇਬਲ ਜ਼ਿਲ੍ਹੇ ਦੇ ਡਾਇਲ 112 ਵਿੱਚ ਤਾਇਨਾਤ ਹੈ। ਸ਼ਨੀਵਾਰ ਨੂੰ ਵਰਦੀ ‘ਚ ਆਰਕਸ਼ੀ ਦੇ ਫਿਲਮੀ ਡਾਇਲਾਗ ‘ਤੇ ਬਣੀ ਇਕ ਰੀਲ ਇੰਟਰਨੈੱਟ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਈ। ਕੁਝ ਹੀ ਘੰਟਿਆਂ ਵਿੱਚ ਹਜ਼ਾਰਾਂ ਲੋਕਾਂ ਨੇ ਇਸ ਵੀਡੀਓ ਨੂੰ ਸਾਂਝਾ ਕੀਤਾ ਅਤੇ ਨਾਲ ਹੀ ਵਾਇਰਲ ਵੀ ਹੋ ਗਿਆ। ਜਿਸ ਡਾਇਲਾਗ ‘ਤੇ ਸੰਗੀਤਾ ਨੇ ਰੀਲ ਕੀਤੀ, ਉਸ ‘ਤੇ ਸ਼ਾਇਦ ਕਿਸੇ ਨੂੰ ਇਤਰਾਜ਼ ਨਹੀਂ ਸੀ, ਪਰ ਜਿਸ ਤਰ੍ਹਾਂ ਉਸ ਨੇ ਵਰਦੀ ਪਾ ਕੇ ਡਾਇਲਾਗ ਬੋਲੇ, ਉਸ ਨੇ ਵਰਦੀ ਦੀ ਸ਼ਾਨ ਨੂੰ ਤਾਰ-ਤਾਰ ਕਰ ਦਿੱਤਾ।
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਅਧਿਕਾਰੀਆਂ ਦੀ ਨੀਂਦ ਉੱਡ ਗਈ। ਕਾਹਲੀ-ਕਾਹਲੀ ਵਿੱਚ ਮਹਿਲਾ ਕਾਂਸਟੇਬਲ ਬਾਰੇ ਪੂਰਾ ਪਤਾ ਲਾਇਆ ਗਿਆ ਅਤੇ 112 ਡਾਇਲ ਵਿੱਚ ਉਸ ਦੇ ਤਾਇਨਾਤ ਹੋਣ ਦੀ ਸੂਚਨਾ ਮਿਲੀ। ਪਿਛਲੇ ਸਮੇਂ ਵਿੱਚ ਕਈ ਥਾਵਾਂ ’ਤੇ ਅਜਿਹੀਆਂ ਘਟਨਾਵਾਂ ਵਿੱਚ ਕਾਰਵਾਈ ਹੋਣ ਦੇ ਬਾਵਜੂਦ ਪੁਲਿਸ ਮੁਲਾਜ਼ਮ ਰੀਲ ਦੇ ਜਨੂੰਨ ਨੂੰ ਨਹੀਂ ਛੱਡ ਰਹੇ।
ਇਹ ਵੀ ਪੜ੍ਹੋ : ਮੋਦੀ ਸਰਕਾਰ ਨੇ ਠੁਕਰਾਈ ਪਰਾਲੀ ਮੁਆਵਜ਼ੇ ਦੀ ਮੰਗ, CM ਮਾਨ ਬੋਲੇ, ‘ਅਸੀਂ ਪਿੱਛੇ ਨਹੀਂ ਹਟਾਂਗੇ’
ਐਸਪੀ ਕੇਸ਼ਵ ਕੁਮਾਰ ਚੌਧਰੀ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਵਰਦੀ ਦੀ ਇੱਜ਼ਤ ਨਾਲ ਖਿਲਵਾੜ ਬਿਲਕੁਲ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਉਨ੍ਹਾਂ ਹੋਰ ਪੁਲਿਸ ਮੁਲਾਜ਼ਮਾਂ ਨੂੰ ਸੁਚੇਤ ਕਰਦਿਆਂ ਕਿਹਾ ਕਿ ਉਹ ਵੀ ਖਾਕੀ ਦਾ ਸਤਿਕਾਰ ਕਰਕੇ ਆਪਣੀ ਜ਼ਿੰਮੇਵਾਰੀ ਨਿਭਾਉਣ।
ਵੀਡੀਓ ਲਈ ਕਲਿੱਕ ਕਰੋ -:
“ਸਿੱਖ ਗੱਭਰੂ ਨੇ ਫੱਟੇ ਚੱਕ’ਤੇ ! ਕੈਨੇਡਾ ਦੀ Top University ਤੋਂ ਮਿਲੀ 2 ਕਰੋੜ ਦੀ ਸਕਾਲਰਸ਼ਿਪ ! ਪੁੱਤ ‘ਤੇ ਮਾਣ ਕਰਦੇ ਨੇ ਮਾਪੇ ! “
