ਵਿਧਾਨ ਸਭਾ ਹਲਕਾ ਡੇਰਾ ਬਾਬਾ ਨਾਨਕ ਅਧੀਨ ਪੈਂਦੇ ਪਿੰਡ ਮਸਾਣਾਂ ਦੇ ਜੰਮਪਲ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਮਨਬੀਰ ਸਿੰਘ ਮੰਨੂ ਮਸਾਣਾਂ ਦੀ ਬੀਤੇ ਬੁੱਧਵਾਰ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਪਿੰਡ ਖਤਰਾਏ ਕਲਾਂ ਵਿੱਚ ਕਬੱਡੀ ਕੱਪ ਖੇਡਦਿਆਂ ਮੌਤ ਹੋ ਗਈ।
ਵੀਰਵਾਰ ਨੂੰ ਉਨ੍ਹਾਂ ਦੇ ਜੱਦੀ ਪਿੰਡ ਮਸਾਣਾ ਵਿੱਚ ਉਨ੍ਹਾਂ ਦਾ ਸਸਕਾਰ ਕਰ ਦਿੱਤਾ ਗਿਆ। ਅੰਤਿਮ ਯਾਤਰਾ ਦੌਰਾਨ ਪੰਜਾਬ ਭਰ ਦੇ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀਆਂ ਤੋਂ ਇਲਾਵਾ ਹਜ਼ਾਰਾਂ ਖੇਡ ਪ੍ਰੇਮੀਆਂ ਨੇ ਹੰਝੂਆਂ ਭਰੀਆਂ ਅੱਖਾਂ ਨਾਲ ਅੰਤਿਮ ਵਿਦਾਈ ਦਿੱਤੀ। ਮੰਨੂੰ ਮਸਾਣਾਂ ਦੇ ਛੋਟੇ ਭਰਾ ਪ੍ਰਭਜੋਤ ਸਿੰਘ ਦੇ ਵੀਰਵਾਰ ਨੂੰ ਦੁਬਈ ਤੋਂ ਪਿੰਡ ਪਰਤਣ ਤੋਂ ਬਾਅਦ ਅਗਨ ਭੇਟ ਕੀਤਾ ਗਿਆ। ਅੰਤਿਮ ਯਾਤਰਾ ਦੌਰਾਨ ਪਰਿਵਾਰ ਵਾਲਿਆਂ ਦਾ ਰੋ-ਰੋ ਬੁਰਾ ਹਾਲ ਹੋ ਗਿਆ।
ਜਾਣਕਾਰੀ ਦਿੰਦਿਆਂ ਸਰਪੰਚ ਬਿਕਰਮਜੀਤ ਸਿੰਘ ਅਤੇ ਖਿਡਾਰੀ ਮੰਨੂ ਮਸਾਣਾਂ ਦੇ ਕੋਚ ਰਮੇਸ਼ ਡੇਅਰੀਵਾਲ ਕਿਰਨ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿੰਡ ਦਾ ਮਾਣ ਅਤੇ ਇਲਾਕੇ ਦਾ ਮਾਣ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਮਨਬੀਰ ਮੰਨੂ (33) ਪੁੱਤਰ ਸਵ. ਮੋਹਨ ਸਿੰਘ ਬੁੱਧਵਾਰ ਨੂੰ ਪਿੰਡ ਖਤਰਾਏ ਕਲਾਂ ਵਿਖੇ ਕਰਵਾਏ ਜਾ ਰਹੇ ਕਬੱਡੀ ਕੱਪ ਵਿੱਚ ਮਾਝਾ ਘੜਿਆਲ ਕਬੱਡੀ ਕਲੱਬ ਦੀ ਤਰਫੋਂ ਕਬੱਡੀ ਟੂਰਨਾਮੈਂਟ ਖੇਡਣ ਗਿਆ ਸੀ।
ਖੇਡਦੇ ਸਮੇਂ ਸਿਰ ‘ਤੇ ਅਚਾਨਕ ਸੱਟ ਲੱਗਣ ਕਾਰਨ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਮੰਨੂੰ ਦੋ ਮਹੀਨੇ ਪਹਿਲਾਂ ਨਿਊਜ਼ੀਲੈਂਡ ਤੋਂ ਕਬੱਡੀ ਕੱਪ ਖੇਡ ਕੇ ਵਾਪਸ ਆਇਆ ਸੀ। ਇਸ ਤੋਂ ਪਹਿਲਾਂ ਮਲੇਸ਼ੀਆ ਵਿੱਚ ਹੋਏ ਕਬੱਡੀ ਕੱਪ ਤੋਂ ਇਲਾਵਾ ਭਾਰਤ ਵਿੱਚ ਹੋਏ ਕਬੱਡੀ ਟੂਰਨਾਮੈਂਟ ਵਿੱਚ ਪੰਜਾਬ ਚੰਗੀ ਜਾਫੀ ਬਣ ਕੇ ਉਭਰਿਆ ਅਤੇ ਦੋ ਮੋਟਰਸਾਈਕਲਾਂ, ਸੋਨੇ ਦੀਆਂ ਮੁੰਦਰੀਆਂ ਅਤੇ ਬਰੇਸਲੈੱਟ ਜਿੱਤਣ ਤੋਂ ਇਲਾਵਾ ਦਰਜਨ ਤੋਂ ਵੱਧ ਐਲ.ਈ.ਡੀ. ਜਿੱਤ ਚੁੱਕਾ ਹੈ।
ਕੋਚ ਰਮੇਸ਼ ਨੇ ਦੱਸਿਆ ਕਿ 2008 ਤੋਂ ਮੰਨੂ ਨੇ ਕਬੱਡੀ ਦੀ ਖੇਡ ਵਿੱਚ ਇੱਕ ਚੰਗੇ ਜਾਫੀ ਵਜੋਂ ਪੰਜਾਬ ਭਰ ਵਿੱਚ ਨਾਮਣਾ ਖੱਟਿਆ ਸੀ। ਮੰਨੂ ਦੇ ਪਿਤਾ ਕਿਸਾਨ ਮੋਹਨ ਸਿੰਘ ਦਾ ਕਰੀਬ ਤਿੰਨ ਮਹੀਨੇ ਪਹਿਲਾਂ ਦਿਹਾਂਤ ਹੋ ਗਿਆ ਸੀ। ਮੰਨੂ ਦਾ ਵਿਆਹ ਪੰਜ ਸਾਲ ਪਹਿਲਾਂ ਬਲਜੀਤ ਕੌਰ ਨਾਲ ਹੋਇਆ ਸੀ, ਜਿਸ ਕੋਲ ਇੱਕ ਮਾਸੂਮ ਬੱਚੀ ਗੁਰਮੇਹਰ ਹੈ।
ਇਹ ਵੀ ਪੜ੍ਹੋ : Google ਵੱਲੋਂ Gmail ਯੂਜ਼ਰਸ ਲਈ Alert ਜਾਰੀ! Delete ਕਰ ਰਿਹਾ ਇਨ੍ਹਾਂ ਲੋਕਾਂ ਦੇ ਖਾਤੇ
ਇਸ ਮੌਕੇ ਸਾਬਕਾ ਮੰਤਰੀ ਸੁੱਚਾ ਸਿੰਘ ਛੋਟੇਪੁਰ, ਹਲਕਾ ਇੰਚਾਰਜ ਗੁਰਦੀਪ ਸਿੰਘ ਰੰਧਾਵਾ, ਬਾਬਾ ਬੁੱਢਾ ਸਿੰਘ, ਸੁਖਦੇਵ ਸਿੰਘ ਭੋਜਰਾਜ, ਖਿਡਾਰੀ ਹੀਰਾ ਦੇਵੀ ਦਾਸ, ਸੇਬੂ ਪਹਿਲਵਾਨ, ਧੰਮੂ ਦੁਲਾਨੰਗਲ, ਗੋਰਾ ਸੋਹਲ, ਸ਼ਾਲੂ ਪਹਿਲਵਾਨ, ਰਜਿੰਦਰ ਸਿੰਘ, ਸੋਹਨ, ਜਸਪਾਲ ਬੌਲੀ, ਬਲਜੀਤ ਸਿੰਘ ਆਦਿ ਹਾਜ਼ਰ ਸਨ। ਇਸ ਮੌਕੇ ਮੱਲਾ ਚੌਂਦਾ, ਦਿਲਬਾਗ ਸਿੰਘ, ਮਾਸਟਰ ਦੁਲਾਨੰਗਲ, ਰਣਜੀਤ ਸਿੰਘ, ਬਲਜਿੰਦਰ ਸਿੰਘ ਆਦਿ ਹਾਜ਼ਰ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
