ਡਾਇਰੈਕਟਰ ਜਨਰਲ, ਪੰਜਾਬ ਪੁਲਿਸ ਦੇ ਹੁਕਮਾਂ ਮੁਤਾਬਕ ਅੱਜ 21 ਜਨਵਰੀ ਨੂੰ ਸ਼੍ਰੀ ਆਰ.ਕੇ. ਜੈਸਵਾਲ ਆਈ.ਜੀ.ਪੀ. ਐਸ.ਟੀ.ਐਫ. ਪੰਜਾਬ ਦੀ ਸੁਪਰਵੀਜਨ ਅਧੀਨ ਅਤੇ ਭਾਗੀਰਥ ਸਿੰਘ ਮੀਨਾ ਸੀਨੀਅਰ ਕਪਤਾਨ ਪੁਲਿਸ ਸ਼ਹੀਦ ਭਗਤ ਸਿੰਘ ਨਗਰ ਦੇ ਦਿਸ਼ਾ-ਨਿਰਦੇਸ਼ਾ ਹੇਠ ਅੱਜ ਸਬ-ਡਵੀਜਨ ਬੰਗਾ ਦੇ ਏਰੀਆ ਵਿੱਚ ਆਪ੍ਰੇਸ਼ਨ ਈਗਲ-2 ਚਲਾਇਆ ਗਿਆ।
ਇਸ ਆਪ੍ਰੇਸ਼ਨ ਵਿੱਚ ਗੁਰਮੀਤ ਕੌਰ ਕਪਤਾਨ ਪੁਲਿਸ (ਸਥਾਨਿਕ) ਸ਼ਹੀਦ ਭਗਤ ਸਿੰਘ ਨਗਰ ਦੀ ਨਿਗਰਾਨੀ ਹੇਠ ਸਰਵਣ ਸਿੰਘ ਬੱਲ ਉਪ ਕਪਤਾਨ ਪੁਲਿਸ, ਸਬ-ਡਵੀਜਨ ਬੰਗਾ ਅਤੇ ਸੁਰਿੰਦਰ ਚਾਂਦ ਉਪ ਕਪਤਾਨ ਪੁਲਿਸ (ਹੋਮੀਸਾਈਡ ਤੇ ਫੋਰੇਂਸਿਕ) ਸਹੀਦ ਭਗਤ ਸਿੰਘ ਨਗਰ ਅਤੇ ਸ੍ਰੀ ਅਮਰ ਨਾਥ ਉਪ ਕਪਤਾਨ ਪੁਲਿਸ (ਪੀ.ਬੀ.ਆਈ ਤੇ ਐਨ.ਡੀ.ਪੀ.ਐਸ.) ਸ਼ਹੀਦ ਭਗਤ ਸਿੰਘ ਨਗਰ ਸਮੇਤ ਇੰਸਪੈਕਟਰ/ਮੁੱਖ ਅਫਸਰ 05, ਐਨ.ਜੀ.ਓ/ ਈ.ਪੀ.ਓ./ਲੇਡੀ/ਈ.ਪੀ.ਓ. 150 ਦੀ ਡਿਊਟੀ ਲਗਾਈ ਗਈ ਸੀ।
ਇਸ ਆਪ੍ਰੇਸ਼ਨ ਵਿੱਚ 06 ਥਾਵਾਂ ‘ਤੇ ਸਰਚ ਆਪਰੇਸ਼ਨ ਅਤੇ 07 ਥਾਵਾਂ ਤੇ ਸ਼ਪੈਸ਼ਲ ਨਾਕਾਬੰਦੀਆ ਕਰਕੇ ਸਬ-ਡਵੀਜਨ ਬੰਗਾ ਵਿੱਚ ਪੈਦੇ ਬੱਸ ਸਟੈਂਡ 08, ਰੇਲਵੇ ਸਟੇਸ਼ਨ 06, ਹੋਟਲ ਤੇ ਸਰਾਵਾ 13, ਵ੍ਹੀਕਲ 391, ਸ਼ੱਕੀ ਵਿਅਕਤੀ 315 ਚੈੱਕ ਕੀਤੇ ਗਏ ਅਤੇ 54 ਟ੍ਰੈਫਿਕ ਚਲਾਣ ਕੀਤੇ ਗਏ ਹਨ।
ਇਸ ਦੌਰਾਨ ਨਵਜੋਤ ਸਿੰਘ ਉਰਫ ਲੱਬੀ ਪੁੱਤਰ ਗੁਰਦੀਪ ਸਿੰਘ ਵਾਸੀ ਮਜਾਰੀ ਨੂੰ ਕਾਬੂ ਕਰਕੇ ਇਸ ਪਾਸੋਂ 10 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ ਗਈ ਹੈ ਅਤੇ ਇਸ ਦੇ ਖਿਲਾਫ ਮੁਕੱਦਮਾ ਨੰਬਰ 05 ਮਿਤੀ 21-01-2023 ਅ/ਧ 21-61-85 ਐਨ.ਡੀ.ਪੀ.ਐਸ. ਐਕਟ, ਥਾਣਾ ਸਦਰ ਬੰਗਾ ਰਜਿਸਟਰ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰ : 15 ਲੱਖ ਰੁ. ਸੋਨੇ ਦੀ ਲੁੱਟ ਦਾ ਮਾਮਲਾ ਸੁਲਝਿਆ, ਗੁਆਂਢੀ ਨੇ ਹੀ ਨਿਕਲਿਆ ਦੋਸ਼ੀ
ਚੈਕਿੰਗ ਦੌਰਾਨ ਬਿਨ੍ਹਾ ਨੰਬਰੀ ਐਕਟਿਵਾ ਸਕੂਟਰ ਨੂੰ ਥਾਣਾ ਸਦਰ ਬੰਗਾ ਵਿਖੇ ਬੰਦ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਚੈਕਿੰਗ ਸ਼ੱਕੀ ਮੋਟਰ ਸਾਈਕਲ ਹੀਰੋ ਹਾਂਡਾ ਸਪਲੈਂਡਰ ਨੰਬਰੀ ਪੀਬੀ-32-2987 ਨੂੰ ਸਣੇ ਚਾਲਕ ਇੰਦਰਜੀਤ ਸਿੰਘ ਪੁੱਤਰ ਬਸੰਤ ਸਿੰਘ ਵਾਸੀ ਦੋਦਰ ਥਾਣਾ ਅਜੀਤਵਾਲ ਜਿਲ੍ਹਾ ਮੋਗਾ ਹੁਣ ਪਿੰਡ ਮਾਣਕ ਥਾਣਾ ਸਦਰ ਫਗਵਾੜਾ ਨੂੰ ਕਾਬੂ ਕਰਕੇ ਇਸ ਮੋਟਰ ਸਾਈਕਲ ਦਾ ਨੰਬਰ ਖੋਜ ਐਪ ਰਾਹੀਂ ਚੈੱਕ ਕਰਨ ਤੇ ਇਹ ਨੰਬਰ ਮਹਿੰਦਰਾ ਟਰੈਕਟਰ ਦਾ ਹੋਣਾ ਪਾਇਆ ਗਿਆ, ਜੋ ਇਸ ਦੇ ਖਿਲਾਫ ਮੁਕੱਦਮਾ ਨੰਬਰ 08 ਮਿਤੀ 21-01-23 ਅ/ਧ 483,420 ਭ.ਦ.ਸ. ਥਾਣਾ ਬਹਿਰਾਮ ਵਿਖੇ ਦਰਜ ਕੀਤਾ ਗਿਆ।
ਗਸ਼ਤ ਦੌਰਾਨ ਵਿੱਕੀ ਪੁੱਤਰ ਜੋਗਿੰਦਰ ਰਾਮ ਵਾਸੀ ਮੁਕੰਦਪੁਰ ਪਾਸੋਂ 12 ਬੋਤਲਾਂ ਪੰਜਾਬ ਸਪੈਸ਼ਲ ਵਿਸਕੀ ਦੀ ਬਰਾਮਦਗੀ ਹੋਈ। ਉਸ ਖ਼ਿਲਾਫ਼ ਮੁਕਦਮਾ ਨੰਬਰ 4, ਮਿਤੀ 21.01.23 ਅਧੀਨ ਧਾਰਾ 61 ਆਬਕਾਰੀ ਐਕਟ, ਥਾਣਾ ਮੁਕੰਦਪੁਰ ਵਿਖੇ ਰਜਿਸਟਰਡ ਕੀਤਾ ਗਿਆ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
