ਤਰਨਤਾਰਨ : ਗਨ ਪੁਆਇੰਟ ‘ਤੇ ਲੁੱਟਣ ਦੀ ਕੋਸ਼ਿਸ਼ ਕਰਦਾ ਲੁਟੇਰਾ ਚੜਿਆ ਲੋਕਾਂ ਦੇ ਹੱਥੇ, ਕੀਤੀ ਛਿੱਤਰ ਪਰੇਡ

ਤਰਨਤਾਰਨ ‘ਚ ਲੋਕਾਂ ਨੇ ਲੁਟੇਰੇ ਨੂੰ ਫੜ ਕੇ ਉਸ ਦੀ ਖੂਬ ਛਿੱਤਰ ਪਰੇਡ ਕੀਤੀ। ਇਹ ਲੁਟੇਰਾ ਆਪਣੇ ਗੈਂਗ ਦੇ 2 ਸਾਥੀਆਂ ਨਾਲ ਮਿਲ ਕੇ ਹਨੇਰੇ ‘ਚ ਲੋਕਾਂ ਨੂੰ ਲੁੱਟਦਾ ਸੀ। ਵੀਰਵਾਰ ਰਾਤ ਨੂੰ ਵੀ ਜਦੋਂ ਉਸ ਨੇ ਇਕ ਫੋਟੋਗ੍ਰਾਫਰ ਨੂੰ ਲੁੱਟਣ ਦੀਕੋਸ਼ਿਸ਼ ਕੀਤੀ ਤਾਂ ਲੋਕਾਂ ਨੇ ਇੱਕ ਲੁਟੇਰੇ ਨੂੰ ਫੜ ਲਿਆ, ਜਦਕਿ 2 ਭਜਣ ਵਿੱਚ ਸਫਲ ਹੋ ਗੇ।

ਘਟਨਾ ਤਰਨਤਾਰਨ ਦੇ ਪਿੰਡ ਬੁਰਜ ਦੀ ਹੈ। ਫੋਟੋਗ੍ਰਾਫਰ ਰਾਤ ਨੂੰ ਕਿਸੇ ਪ੍ਰੋਗਰਾਮ ਤੋਂ ਘਰ ਪਰਤ ਰਿਹਾ ਸੀ। ਇਸ ਦੌਰਾਨ 3 ਲੁਟੇਰਿਆਂ ਨੇ ਉਸਦਾ ਮੋਟਰਸਾਈਕਲ ਰੋਕ ਲਿਆ। ਇੱਕ ਨੇ ਫੋਟੋਗ੍ਰਾਫਰ ਵੱਲ ਪਿਸਤੌਲ ਤਾਣ ਲਈ, ਪਰ ਉਸ ਨੇ ਹਿੰਮਤ ਨਹੀਂ ਹਾਰੀ ਅਤੇ ਇੱਕ ਲੁਟੇਰੇ ਨੂੰ ਫੜ ਕੇ ਰੌਲਾ ਪਾਇਆ। ਉਸੇ ਵੇਲੇ ਲੋਕ ਇਕੱਠੇ ਹੋ ਗਏ ਅਤੇ 2 ਲੁਟੇਰੇ ਭੱਜ ਗਏ, ਜਦਕਿ ਇਕ ਲੁਟੇਰੇ ਨੂੰ ਲੋਕਾਂ ਨੇ ਦਬੋਚ ਲਿਆ।

ਇਹ ਵੀ ਪੜ੍ਹੋ : CM ਮਾਨ ਦਾ ਵੱਡਾ ਬਿਆਨ, ‘ਅਸੀਂ ਨਹੀਂ ਵੇਖਦੇ ਬ੍ਰੈਕਟ ‘ਚ ਕਿਹੜੀ ਪਾਰਟੀ, ਭ੍ਰਿਸ਼ਟਾਚਾਰੀ ਬਖਸ਼ਿਆ ਨਹੀਂ ਜਾਊ’

ਫੜੇ ਗਏ ਲੁਟੇਰੇ ਦੀ ਪਛਾਣ ਨਿਰਵੈਲ ਸਿੰਘ ਵਾਸੀ ਪੱਖੋਕੇ ਵਜੋਂ ਹੋਈ ਹੈ। ਆਪਣੀ ਗਲਤੀ ਲੁਕਾਉਣ ਲਈ ਉਸ ਨੇ ਆਪਣੇ ਦੋਸਤਾਂ ‘ਤੇ ਦੋਸ਼ ਲਾਇਆ ਕਿ ਉਹ ਉਸ ਨੂੰ ਲੈ ਕੇ ਆਏ ਹਨ। ਨਿਰਵੈਲ ਸਿੰਘ ਨੇ ਫਰਾਰ ਹੋਏ ਸਾਥੀਆਂ ਦੀ ਪਛਾਣ ਪ੍ਰਭ ਅਤੇ ਲਵ ਵਾਸੀ ਚੋਹਲਾ ਸਾਹਿਬ ਵਜੋਂ ਕੀਤੀ ਹੈ। ਫਿਲਹਾਲ ਲੋਕਾਂ ਨੇ ਲੁਟੇਰੇ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “