ਚੰਡੀਗੜ੍ਹ ਵਿਚ ਫੈਸਟੀਵਲ ਸੀਜ਼ਨ ਵਿਚ ਕਈ ਸੜਕਾਂ ‘ਤੇ ਜਾਮ ਦੀ ਸਥਿਤੀ ਬਣੀ ਹੋਈ ਹੈ। ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਹਰ ਥਾਂ ਪਹੁੰਚ ਜਾਮ ਨਹੀਂ ਖੁੱਲ੍ਹਵਾ ਸਕਦੀ। ਕਈ ਪੁਆਇੰਟਾਂ ‘ਤੇ ਲਾਈਟਸ ਵੀ ਬੰਦ ਰਹਿੰਦੀਆਂ ਹਨ। ਚੰਡੀਗੜ੍ਹ ਵਿਚ ਆਟੋ ਚਾਲਕ ਨੇ ਮੋਰਚਾ ਸੰਭਾਲ ਰੱਖਿਆ ਹੈ। ਅਨਿਲ ਕੁਮਾਰ ਨਾਂ ਦੇ ਆਟੋ ਡਰਾਈਵਰ ਕਈ ਸੜਕਾਂ ‘ਤੇ ਉਥੋਂ ਲੰਘਦੇ ਹੋਏ ਜਾਮ ਖੁੱਲ੍ਹਵਾ ਰਿਹਾ ਹੈ। ਹੁਣ ਉਸ ਨੇ ਬਾਕਾਇਦਾ ਪੁਲਿਸ ਟ੍ਰੈਫਿਕ ਪੁਲਿਸ ਦੀ ਤਰ੍ਹਾਂ ਵ੍ਹੀਸਲ, ਟ੍ਰੈਫਿਕ ਸੇਫਟੀ ਵੈਸਟ ਤੇ ਟ੍ਰੈਫਿਕ ਸੇਫਟੀ ਬੈਟਨ ਵੀ ਖਰੀਦ ਲਈ ਹੈ।
ਅਨਿਲ ਨੇ ਕਿਹਾ ਕਿ ਉਸ ਦਾ ਮਕਸਦ ਲੋਕਾਂ ਨੂੰ ਸਮੇਂ ‘ਤੇ ਆਪਣੀ ਮੰਜ਼ਿਲ ਤੱਕ ਪਹੁੰਚਾਉਣਾ ਹੈ। ਬੀਤੇ ਦਿਨੀਂ ਰਾਸ਼ਟਰਪਤੀ ਮੁਰਮੂ ਦੇ ਚੰਡੀਗੜ੍ਹ ਵਿਜਡਟ ਦੌਰਾਨ ਵੀ ਸ਼ਹਿਰ ਵਿਚ ਸ਼ਾਮ ਸਮੇਂ ਅਨਿਲ ਨੇ ਜਾਮ ਖੁੱਲ੍ਹਵਾਇਆ ਸੀ। ਅਨਿਲ ਚੰਡੀਗੜ੍ਹ ਵਿਚ ਕਈ ਸਾਲਾਂ ਤੋਂ ਸਮਾਜ ਭਲਾਈ ਦਾ ਕੰਮ ਕਰਦਾ ਆ ਰਿਹਾ ਹੈ।
ਅਨਿਲ ਨੇ ਦੱਸਿਆ ਕਿ ਉਸਨੇ ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਨੂੰ ਕਈ ਵਾਰ ਬੇਨਤੀ ਕੀਤੀ ਸੀ ਕਿ ਉਹਨਾਂ ਨੂੰ ਇੱਕ ਸੇਫਟੀ ਵੈਸਟ ਅਤੇ ਇੱਕ ਸੇਫਟੀ ਬੈਟਨ ਜਾਂ ਹੱਥਾਂ ਨਾਲ ਇਸ਼ਾਰਾ ਕਰਨ ਵਾਲਾ ਪੰਜਾ ਦਿੱਤਾ ਜਾਵੇ ਤਾਂ ਜੋ ਟ੍ਰੈਫਿਕ ਨੂੰ ਹੱਥੀਂ ਕੰਟਰੋਲ ਕੀਤਾ ਜਾ ਸਕੇ ਜਿਸ ‘ਤੇ ਰੁਕਣਾ ਹੈ। ਇਸ ਨਾਲ ਉਹ ਟ੍ਰੈਫਿਕ ਜਾਮ ਨੂੰ ਚੰਗੀ ਤਰ੍ਹਾਂ ਕੰਟਰੋਲ ਕਰ ਸਕੇਗਾ ਪਰ ਉਸ ਨੂੰ ਇਹ ਚੀਜ਼ਾਂ ਮੁਹੱਈਆ ਨਹੀਂ ਕਰਵਾਈਆਂ ਗਈਆਂ।
ਅਜਿਹੇ ‘ਚ ਇਕ ਟ੍ਰੈਫਿਕ ਕਰਮਚਾਰੀ ਨੇ ਉਸ ਨੂੰ ਦੱਸਿਆ ਕਿ ਉਹ ਖੁਦ ਸੈਕਟਰ 29 ਦੀ ਇਕ ਦੁਕਾਨ ਤੋਂ ਇਹ ਸਾਮਾਨ ਖਰੀਦ ਸਕਦਾ ਹੈ। ਜਿਸ ਤੋਂ ਬਾਅਦ ਅਨਿਲ ਨੇ ਉਥੋਂ ਟ੍ਰੈਫਿਕ ਸੇਫਟੀ ਵੈਸਟ, ਸੀਟੀ ਅਤੇ ਸੇਫਟੀ ਬੈਟਨ ਖਰੀਦਿਆ। ਅਨਿਲ ਨੇ ਕਿਹਾ ਕਿ ਉਹ ਸ਼ਹਿਰ ਵਿੱਚ ਜਿੱਥੇ ਵੀ ਟ੍ਰੈਫਿਕ ਜਾਮ ਦੇਖਦੇ ਹਨ, ਉਹ ਇਨ੍ਹਾਂ ਚੀਜ਼ਾਂ ਦੀ ਮਦਦ ਨਾਲ ਇਸ ਨੂੰ ਖੋਲ੍ਹਣ ਦੀ ਕੋਸ਼ਿਸ਼ ਕਰਨਗੇ।
ਦੱਸ ਦਈਏ ਕਿ ਆਟੋ ਚਾਲਕ ਅਨਿਲ ਕੁਮਾਰ ਨੇ ਇਸ ਤੋਂ ਪਹਿਲਾਂ ਨੀਰਜ ਚੋਪੜਾ ਦੇ ਓਲੰਪਿਕ ‘ਚ ਸੋਨ ਤਮਗਾ ਜਿੱਤਣ ਦੀ ਖੁਸ਼ੀ ‘ਚ ਪੂਰਾ ਦਿਨ ਫ੍ਰੀ ਰਾਈਡਰਾਂ ਨੂੰ ਘੁੰਮਾਇਆ ਸੀ। ਇਸ ਦੇ ਨਾਲ ਹੀ ਉਹ ਫੌਜ ਦੇ ਜਵਾਨਾਂ ਅਤੇ ਗਰਭਵਤੀ ਔਰਤਾਂ ਲਈ ਵੀ ਮੁਫਤ ਸੇਵਾ ਪ੍ਰਦਾਨ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਪੁਲਵਾਮਾ ਹਮਲੇ ਦਾ ਪਾਕਿਸਤਾਨ ਤੋਂ ਬਦਲਾ ਲੈਣ ਦੀ ਖੁਸ਼ੀ ‘ਚ ਉਸ ਨੇ ਇਕ ਮਹੀਨੇ ਤੱਕ ਸ਼ਹਿਰ ‘ਚ ਮੁਫਤ ਆਟੋ ਚਲਾਇਆ ਸੀ।
ਅਨਿਲ ਆਪਣੇ ਆਟੋ ‘ਤੇ ਮੁਫਤ ਆਟੋ ਸੇਵਾ ਦੇ ਬੈਨਰ ਵੀ ਲਗਾਉਂਦੇ ਹਨ ਤਾਂ ਜੋ ਲੋਕਾਂ ਨੂੰ ਇਸ ਬਾਰੇ ਜਾਣਕਾਰੀ ਮਿਲ ਸਕੇ। ਹੁਣ ਅਨਿਲ ਨੇ ਆਟੋ ‘ਤੇ ਬੈਨਰ ਲਗਾਇਆ ਹੈ ਕਿ ਜੇਕਰ ਭਾਰਤ ਟੀ-20 ਵਿਸ਼ਵ ਕੱਪ ਕ੍ਰਿਕਟ ਟੂਰਨਾਮੈਂਟ ‘ਚ ਪਾਕਿਸਤਾਨ ਨੂੰ ਹਰਾਉਂਦਾ ਹੈ ਤਾਂ ਅਗਲੇ ਦਿਨ ਉਹ ਮੁਫਤ ਰਾਈਡ ਦੇਣਗੇ। ਤਿੰਨ ਵਿਵਾਦਤ ਖੇਤੀ ਕਾਨੂੰਨਾਂ ਨੂੰ ਵਾਪਸ ਲੈਣ ਤੋਂ ਬਾਅਦ ਅਨਿਲ ਨੇ 10 ਦਿਨਾਂ ਲਈ ਮੁਫ਼ਤ ਰਾਈਡ ਦਿੱਤੀ। ਉਸਦਾ ਆਟੋ ਇੱਕ ਦਿਨ ਵਿੱਚ ਕਰੀਬ 150 ਕਿਲੋਮੀਟਰ ਚੱਲਦਾ ਹੈ।
ਹਾਲ ਹੀ ਵਿੱਚ ਆਟੋ ਵਿੱਚ ਇੱਕ ਯਾਤਰੀ ਦਾ ਬੈਗ ਰਹਿ ਗਿਆ ਸੀ। ਸਵਾਰੀ ਤਿੰਨ ਦਿਨ ਤਕ ਪ੍ਰੇਸ਼ਾਨ ਰਹੀ। ਜਦੋਂ ਅਨਿਲ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਸ ਨੇ ਇਸ ਨੂੰ ਵਟਸਐਪ ਗਰੁੱਪ ‘ਚ ਪਾ ਦਿੱਤਾ। ਇਸ ‘ਤੇ ਸਬੰਧਤ ਆਟੋ ਚਾਲਕ ਨੂੰ ਫੋਨ ਆਇਆ ਕਿ ਉਸ ਦੇ ਆਟੋ ਦੇ ਟਰੰਕ ‘ਚ ਬੈਗ ਪਿਆ ਹੋਇਆ ਹੈ। ਇਸ ਤੋਂ ਬਾਅਦ ਬੈਗ ਯਾਤਰੀ ਨੂੰ ਸੌਂਪ ਦਿੱਤਾ ਗਿਆ। ਅਨਿਲ ਨੇ ਦੱਸਿਆ ਕਿ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਪਹਿਲਾਂ ਵੀ ਵਾਪਰ ਚੁੱਕੀਆਂ ਹਨ ਅਤੇ ਸਾਮਾਨ ਵਾਪਸ ਕਰਵਾਉਣ ਲਈ ਉਨ੍ਹਾਂ ਦੀ ਪੂਰੀ ਕੋਸ਼ਿਸ਼ ਹੈ। ਇਸ ਲਈ ਚੰਡੀਗੜ੍ਹ ਪੁਲੀਸ ਨੇ ਉਸ ਨੂੰ ਸਨਮਾਨਿਤ ਵੀ ਕੀਤਾ ਹੈ।
ਸ਼ਹਿਰ ‘ਚ ਕਈ ਵਾਰ ਵਾਪਰਨ ਵਾਲੇ ਸੜਕ ਹਾਦਸਿਆਂ ‘ਤੇ ਆਮ ਲੋਕਾਂ ਵਾਂਗ ਦਰਸ਼ਕ ਬਣਨ ਦੀ ਬਜਾਏ ਅਨਿਲ ਜ਼ਖਮੀਆਂ ਨੂੰ ਤੁਰੰਤ ਆਪਣੇ ਆਟੋ ‘ਚ ਬਿਠਾ ਕੇ ਹਸਪਤਾਲ ਲੈ ਜਾਂਦਾ ਹੈ। ਹਾਲ ਹੀ ਵਿੱਚ ਉਹ ਸੈਕਟਰ 26 ਦੇ ਹਾਦਸੇ ਵਿੱਚ ਜ਼ਖ਼ਮੀ ਹੋਏ ਦੋ ਛੋਟੇ ਬੱਚਿਆਂ ਨੂੰ ਸੈਕਟਰ 16 ਦੇ ਹਸਪਤਾਲ ਲੈ ਕੇ ਗਿਆ ਸੀ। ਉਹ ਚੰਡੀਗੜ੍ਹ ਆਟੋ ਯੂਨੀਅਨ ਦੇ ਪ੍ਰਧਾਨ ਵਜੋਂ ਸੇਵਾਵਾਂ ਨਿਭਾਅ ਰਹੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
