ਬੇਹੋਸ਼ੀ ‘ਚ ਟੈਸਟ-ਆਪ੍ਰੇਸ਼ਨ, ਬਿਨਾਂ ਪਤਾ ਲੱਗੇ ਇੱਕ ਦਿਨ ‘ਚ ਕੈਂਸਰ ਤੋਂ ਠੀਕ ਹੋ ਗਈ ਔਰਤ

ਅਮਰੀਕਾ ਦੇ ਟੈਕਸਾਸ ਤੋਂ ਕੈਂਸਰ ਦੇ ਇਲਾਜ ਦਾ ਇੱਕ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ 61 ਸਾਲਾ ਐਪ੍ਰਿਲ ਬਾਡਰਯੂ ਨੇ ਸਿਰਫ ਇੱਕ ਦਿਨ ਵਿੱਚ ਫੇਫੜਿਆਂ ਦੇ ਕੈਂਸਰ ਤੋਂ ਛੁਟਕਾਰਾ ਪਾ ਲਿਆ। ਡਾਕਟਰਾਂ ਨੇ ਉਸ ਦੇ ਫੇਫੜਿਆਂ ਵਿੱਚ ਟਿਊਮਰ ਦੀ ਪਛਾਣ ਕੀਤੀ ਅਤੇ ਕੁਝ ਘੰਟਿਆਂ ਵਿੱਚ ਇਸ ਨੂੰ ਹਟਾ ਦਿੱਤਾ।

ਖਾਸ ਗੱਲ ਇਹ ਹੈ ਕਿ ਮਰੀਜ਼ ਨੂੰ ਇਹ ਵੀ ਨਹੀਂ ਪਤਾ ਸੀ ਕਿ ਉਸ ਨੂੰ ਕੈਂਸਰ ਹੈ। ਬੇਹੋਸ਼ ਹੋਣ ‘ਤੇ ਉਸ ਦਾ ਟੈਸਟ ਕੀਤਾ ਗਿਆ। ਜਦੋਂ ਡਾਕਟਰਾਂ ਨੂੰ ਪਤਾ ਲੱਗਾ ਕਿ ਉਸ ਨੂੰ ਕੈਂਸਰ ਹੈ ਤਾਂ ਉਨ੍ਹਾਂ ਨੇ ਉਸ ਦਾ ਆਪਰੇਸ਼ਨ ਕੀਤਾ।

ਰਿਪੋਰਟ ਮੁਤਾਬਕ ਐਪ੍ਰਿਲ ਰੁਟੀਨ ਚੈਕਅੱਪ ਲਈ ਹਸਪਤਾਲ ਗਈ ਸੀ। ਇੱਕ ਸੀਟੀ ਸਕੈਨ ਵਿੱਚ ਉਸ ਦੇ ਸੱਜੇ ਫੇਫੜੇ ਵਿੱਚ ਇੱਕ ਗੱਠ ਦਿਖਾਈ ਦਿੱਤੀ। ਇਸ ਤੋਂ ਬਾਅਦ ਡਾਕਟਰਾਂ ਨੇ ਕੈਂਸਰ ਨਾਲ ਸਬੰਧਤ ਕਈ ਟੈਸਟ ਕੀਤੇ। ਇਹ ਖੁਲਾਸਾ ਹੋਇਆ ਕਿ ਐਪ੍ਰਿਲ ਨੂੰ ਸ਼ੁਰੂਆਤੀ ਪੜਾਅ ‘ਤੇ ਫੇਫੜਿਆਂ ਦਾ ਕੈਂਸਰ ਹੈ।

ਕਿਉਂਕਿ ਐਪ੍ਰਿਲ ਨੂੰ ਪਹਿਲਾਂ ਹੀ ਟੈਸਟ ਲਈ ਅਨੱਸਥੀਸੀਆ ਦਿੱਤਾ ਗਿਆ ਸੀ, ਡਾਕਟਰਾਂ ਨੇ ਸੋਚਿਆ ਕਿ ਇਹ ਟਿਊਮਰ ਨੂੰ ਹਟਾਉਣ ਦਾ ਵਧੀਆ ਸਮਾਂ ਹੈ। ਉਨ੍ਹਾਂ ਨੇ ਤੁਰੰਤ ਐਪਿਲ ਦਾ ਰੋਬੋਟਿਕ ਯੰਤਰ ਦੀ ਮਦਦ ਨਾਲ ਅਪਰੇਸ਼ਨ ਕੀਤਾ। ਉਹ ਸਰਜਰੀ ‘ਚ ਛੋਟੇ ਟਿਊਮਰ ਨੂੰ ਕੱਢਣ ‘ਚ ਕਾਮਯਾਬ ਰਹੇ। ਤਿੰਨ ਦਿਨਾਂ ਬਾਅਦ ਐਪ੍ਰਿਲ ਠੀਕ ਹੋ ਕੇ ਘਰ ਚਲੀ ਗਈ।

ਇਹ ਵੀ ਪੜ੍ਹੋ : ਯੂਕਰੇਨ ‘ਚ ਖ਼ਤਮ ਹੋਵੇਗੀ ਮਹਾਜੰਗ! ਬਾਈਡੇਨ ਮਗਰੋਂ ਪੁਤਿਨ ਵੀ ਗੱਲਬਾਤ ਨੂੰ ਹੋਏ ਰਾਜ਼ੀ

ਐਪ੍ਰਿਲ ਨੇ ਇੱਕ ਗੱਲਬਾਤ ‘ਚ ਕਿਹਾ- ਮੈਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਸੀ ਕਿ ਇਹ ਸੱਚ ਹੈ। ਕੀਮੋਥੈਰੇਪੀ ਜਾਂ ਰੇਡੀਏਸ਼ਨ ਥੈਰੇਪੀ ਤੋਂ ਬਿਨਾਂ ਇਲਾਜ ਸੁਚਾਰੂ ਢੰਗ ਨਾਲ ਚੱਲਿਆ। ਦਰਅਸਲ ਐਪ੍ਰਿਲ ਜਾਂਚ ਤੋਂ ਲੈ ਕੇ ਇਲਾਜ ਤੱਕ ਪੂਰੀ ਤਰ੍ਹਾਂ ਬੇਹੋਸ਼ ਸੀ। ਇਹ ਸਰਜਰੀ ਕੁਝ ਹੀ ਘੰਟਿਆਂ ਵਿੱਚ ਕੀਤੀ ਗਈ ਸੀ, ਇਸ ਲਈ ਉਸ ਨੂੰ ਪਤਾ ਨਹੀਂ ਸੀ ਕਿ ਉਹ ਫੇਫੜਿਆਂ ਦੇ ਕੈਂਸਰ ਤੋਂ ਪੀੜਤ ਹੈ। ਇਸ ਤੋਂ ਪਹਿਲਾਂ, ਉਹ 1984 ਅਤੇ 1985 ਵਿੱਚ ਲਿੰਫੋਮਾ ਕੈਂਸਰ ਅਤੇ 2002 ਵਿੱਚ ਛਾਤੀ ਦੇ ਕੈਂਸਰ ਨਾਲ ਲੜ ਚੁੱਕੀ ਸੀ।

ਟੈਕਸਾਸ ਹੈਲਥ ਹੈਰਿਸ ਮੈਥੋਡਿਸਟ ਹਸਪਤਾਲ ਦੇ ਸਰਜਨ ਡਾਕਟਰ ਰਿਚਰਡ ਵਿਗਨੇਸ ਨੇ ਦੱਸਿਆ ਕਿ ਰੋਬੋਟਿਕ ਯੰਤਰ ਦੀ ਮਦਦ ਨਾਲ ਐਪ੍ਰਿਲ ਦੀ ਸਰਜਰੀ ਵਿਚ ਸਿਰਫ਼ ਪੰਜ ਚੀਰੇ ਦਿੱਤੇ ਗਏ ਸਨ। ਇਸ ‘ਚ ਸਰੀਰ ‘ਚੋਂ ਕੈਂਸਰ ਵਾਲੇ ਟਿਸ਼ੂ ਨੂੰ ਕੱਢ ਦਿੱਤਾ ਗਿਆ। ਇਹ ਆਮ ਕਾਰਵਾਈ ਨਾਲੋਂ ਬਹੁਤ ਸੌਖਾ ਹੈ, ਜਿਸ ਵਿੱਚ ਵੱਡੇ ਚੀਰੇ ਬਣਾਏ ਜਾਂਦੇ ਹਨ। ਅਜਿਹੀ ਸਥਿਤੀ ਵਿੱਚ ਮਰੀਜ਼ ਲੰਬੇ ਸਮੇਂ ਤੱਕ ਅਪਰੇਸ਼ਨ ਦੇ ਟ੍ਰਾਮਾ ਵਿੱਚੋਂ ਵੀ ਲੰਘਦਾ ਹੈ। ਅਸੀਂ ਨਵੀਂ ਤਕਨੀਕ ਨੂੰ ਅਪਣਾਉਣ ਵਾਲਾ ਟੈਕਸਾਸ ਦਾ ਪਹਿਲਾ ਹਸਪਤਾਲ ਹਾਂ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “