ਆਯੁਰਵੇਦ ਵਿੱਚ ਚੌਲਾਂ ਦੇ ਪਾਣੀ ਨੂੰ ਅੰਮ੍ਰਿਤ ਮੰਨਿਆ ਜਾਂਦਾ ਹੈ। ਇਹ ਬਹੁਤ ਸਾਰੀਆਂ ਗੰਭੀਰ ਸਿਹਤ ਸਮੱਸਿਆਵਾਂ ਨੂੰ ਦੂਰ ਕਰਦਾ ਹੈ, ਖਾਸ ਕਰਕੇ ਪਾਚਨ ਕਿਰਿਆ ਨੂੰ ਬਿਹਤਰ ਬਣਾਉਂਦਾ ਹੈ, ਕਮਜ਼ੋਰੀ ਨੂੰ ਦੂਰ ਕਰਦਾ ਹੈ ਅਤੇ ਸਰੀਰ ਨੂੰ ਠੰਡਾ ਕਰਦਾ ਹੈ। ਜੇਕਰ ਸਹੀ ਸਮੇਂ ਅਤੇ ਸਹੀ ਤਰੀਕੇ ਨਾਲ ਪੀਤਾ ਜਾਵੇ, ਤਾਂ ਇਹ ਸਾਦਾ ਦਿਸਣ ਵਾਲਾ ਪਾਣੀ ਕਈ ਸਿਹਤ ਸਮੱਸਿਆਵਾਂ ਲਈ ਲਾਭਦਾਇਕ ਹੈ। ਆਓ ਜਾਣਦੇ ਹਾਂ ਕਿ ਉਬਲੇ ਹੋਏ ਚੌਲਾਂ ਦਾ ਪਾਣੀ ਕਦੋਂ ਅਤੇ ਕਿਵੇਂ ਪੀਣਾ ਹੈ ਅਤੇ ਇਹ ਕਿਸ ਲਈ ਲਾਭਦਾਇਕ ਹੈ।
ਕਾਲੇ ਨਮਕ ਦੇ ਨਾਲ ਚੌਲਾਂ ਦੇ ਪਾਣੀ ਦਾ ਸੇਵਨ ਕਰੋ:
ਪਕੇ ਹੋਏ ਚੌਲਾਂ ਦੇ ਪਾਣੀ ਵਿੱਚ ਪੋਟਾਸ਼ੀਅਮ ਅਤੇ ਮੈਗਨੀਸ਼ੀਅਮ ਵਰਗੇ ਇਲੈਕਟ੍ਰੋਲਾਈਟਸ ਹੁੰਦੇ ਹਨ, ਜੋ ਸਰੀਰ ਵਿੱਚ ਫਲੂਇਡ ਬੈਲੇਂਸ ਬਣਾਈ ਰੱਖਣ ਲਈ ਜ਼ਰੂਰੀ ਹਨ, ਖਾਸ ਕਰਕੇ ਜਦੋਂ ਇੱਕ ਚੁਟਕੀ ਕਾਲੇ ਨਮਕ ਨਾਲ ਤਿਆਰ ਕੀਤਾ ਜਾਵੇ। ਚੌਲਾਂ ਦਾ ਪਾਣੀ ਪੀਣ ਦਾ ਸਭ ਤੋਂ ਵਧੀਆ ਸਮਾਂ ਸਵੇਰੇ ਖਾਲੀ ਪੇਟ ਹੁੰਦਾ ਹੈ।
ਚੌਲਾਂ ਦਾ ਪਾਣੀ ਪੀਣ ਦੇ ਕੀ ਫਾਇਦੇ ਹਨ?
ਡੀਹਾਈਡਰੇਸ਼ਨ ਤੋ ਬਚਾਉਂਦਾ ਹੈ: ਚੌਲਾਂ ਦੇ ਪਾਣੀ ਵਿੱਚ ਇੱਕ ਚੁਟਕੀ ਕਾਲੇ ਨਮਕ ਨੂੰ ਮਿਲਾ ਕੇ ਪੀਣ ਨਾਲ ਸਾਦਾ ਪਾਣੀ ਪੀਣ ਨਾਲੋਂ ਸਰੀਰ ਵਿੱਚ ਲੰਬੇ ਸਮੇਂ ਲਈ ਹਾਈਡਰੇਸ਼ਨ ਬਣਾਈ ਰੱਖਣ ਵਿੱਚ ਮਦਦ ਮਿਲਦੀ ਹੈ। ਚੌਲਾਂ ਦੇ ਪਾਣੀ ਵਿੱਚ ਪੋਟਾਸ਼ੀਅਮ, ਮੈਗਨੀਸ਼ੀਅਮ ਅਤੇ ਸੋਡੀਅਮ ਦੀ ਮੌਜੂਦਗੀ ਰੀਹਾਈਡਰੇਸ਼ਨ ਨੂੰ ਬਿਹਤਰ ਬਣਾਉਂਦੀ ਹੈ। ਕਾਲਾ ਨਮਕ ਮਿਲਾਉਣ ਨਾਲ ਇਸਦੀ ਇਲੈਕਟ੍ਰੋਲਾਈਟਸ ਸਮਰੱਥਾ ਹੋਰ ਵਧਦੀ ਹੈ ਅਤੇ ਇਸ ਦੇ ਖਾਰੀ ਪ੍ਰਭਾਵ ਕਾਰਨ ਐਸਿਡਿਟੀ ਘੱਟ ਜਾਂਦੀ ਹੈ।
ਡੀਟੌਕਸੀਫਿਕੇਸ਼ਨ ਵਿੱਚ ਮਦਦ ਕਰਦਾ ਹੈ: ਕਾਲੇ ਨਮਕ ਵਿੱਚ ਸਲਫਰ ਅਤੇ ਪੋਟਾਸ਼ੀਅਮ ਵਰਗੇ ਟਰੇਸ ਖਣਿਜ ਹੁੰਦੇ ਹਨ, ਜੋ ਜਿਗਰ ਦੇ ਕੰਮ ਕਰਨ ਅਤੇ ਹਲਕੇ ਡੀਟੌਕਸੀਫਿਕੇਸ਼ਨ ਵਿੱਚ ਸਹਾਇਤਾ ਕਰਦੇ ਹਨ, ਜਦੋਂ ਕਿ ਚੌਲਾਂ ਦਾ ਪਾਣੀ ਹੌਲੀ-ਹੌਲੀ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਦਾ ਹੈ। ਇਕੱਠੇ, ਇਹ ਦੋਵੇਂ ਇੱਕ ਪ੍ਰਭਾਵਸ਼ਾਲੀ ਡੀਟੌਕਸੀਫਿਕੇਸ਼ਨ ਭੋਜਨ ਵਜੋਂ ਕੰਮ ਕਰਦੇ ਹਨ।
ਐਨਰਜੀ ਬੂਸਟਰ: ਪਕੇ ਹੋਏ ਚੌਲਾਂ ਦੇ ਪਾਣੀ ਵਿੱਚ ਆਸਾਨੀ ਨਾਲ ਪਚਣ ਵਾਲੇ ਸਟਾਰਚ ਹੁੰਦੇ ਹਨ ਜੋ ਪਾਚਨ ਪ੍ਰਣਾਲੀ ‘ਤੇ ਬੋਝ ਪਾਏ ਬਿਨਾਂ ਤੁਰੰਤ ਐਨਰਜੀ ਦਿੰਦੇ ਹਨ। ਇਸ ਵਿੱਚ ਪਾਣੀ ਦੀ ਉੱਚ ਮਾਤਰਾ ਡੀਹਾਈਡਰੇਸ਼ਨ ਕਾਰਨ ਹੋਣ ਵਾਲੀ ਥਕਾਵਟ ਨੂੰ ਰੋਕਣ ਵਿੱਚ ਮਦਦ ਕਰਦੀ ਹੈ। ਥੋੜ੍ਹਾ ਜਿਹਾ ਕਾਲਾ ਨਮਕ ਪਾਉਣ ਨਾਲ ਸੋਡੀਅਮ, ਪੋਟਾਸ਼ੀਅਮ ਅਤੇ ਮੈਗਨੀਸ਼ੀਅਮ ਵਰਗੇ ਟਰੇਸ ਖਣਿਜ ਮਿਲਦੇ ਹਨ।
ਕਬਜ਼ ਲਈ ਫਾਇਦੇਮੰਦ: ਚੌਲਾਂ ਦਾ ਪਾਣੀ ਕਬਜ਼ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰਦਾ ਹੈ। ਚੌਲਾਂ ਦੇ ਪਾਣੀ ਵਿੱਚ ਘੁਲਣਸ਼ੀਲ ਫਾਈਬਰ ਪਾਚਨ ਕਿਰਿਆ ਵਿੱਚ ਇੱਕ ਜੈੱਲ ਬਣਾਉਂਦਾ ਹੈ ਜੋਕਿ ਕਬਜ਼ ਨੂੰ ਘਟਾਉਂਦਾ ਹੈ।
ਬਲੱਡ ਪ੍ਰੈਸ਼ਰ ਹੁੰਦਾ ਹੈ ਕੰਟਰੋਲ : ਉਬਲੇ ਹੋਏ ਚੌਲਾਂ ਦਾ ਪਾਣੀ ਸਰੀਰ ਵਿੱਚ ਸੋਡੀਅਮ ਅਤੇ ਤਰਲ ਦੇ ਜਮਾਅ ਨੂੰ ਘੱਟ ਕਰਕੇ ਹਾਈ ਬਲੱਡ ਪ੍ਰੈਸ਼ਰ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਇਹ ਡੀਹਾਈਡਰੇਸ਼ਨ ਨੂੰ ਰੋਕਦਾ ਹੈ, ਇਲੈਕਟ੍ਰੋਲਾਈਟ ਸੰਤੁਲਨ ਬਣਾਈ ਰੱਖਦਾ ਹੈ ਅਤੇ ਸਰੀਰ ਨੂੰ ਹਾਈਡਰੇਟ ਰੱਖਦਾ ਹੈ। ਇਸ ਦਾ ਸੇਵਨ ਪਾਚਨ ਅਤੇ ਮੈਟਾਬੋਲਿਜ਼ਮ ਨੂੰ ਵੀ ਬਿਹਤਰ ਬਣਾਉਂਦਾ ਹੈ।
ਇਹ ਵੀ ਪੜ੍ਹੋ : ਦਿੱਲੀ ਆ ਰਹੀ ਇੰਡੀਗੋ ਫਲਾਈਟ ਨੂੰ ਹਾਈਜੈਕ ਕਰ ਉਡਾਉਣ ਦੀ ਧਮਕੀ, ਐਮਰਜੈਂਸੀ ਲੈਂਡਿੰਗ
ਚਮੜੀ ਲਈ ਫਾਇਦੇ: ਉਬਲੇ ਹੋਏ ਚੌਲਾਂ ਦਾ ਪਾਣੀ ਚਮੜੀ ਦੀ ਨਮੀ ਬਣਾਈ ਰੱਖਣ ਵਿੱਚ ਮਦਦ ਕਰਦਾ ਹੈ, ਖੁਸ਼ਕੀ ਅਤੇ ਫਲੇਕਿੰਗ ਨੂੰ ਰੋਕਦਾ ਹੈ। ਇਹ ਸਟਾਰਚ ਅਤੇ ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਹੁੰਦਾ ਹੈ, ਜੋ ਚਮੜੀ ਨੂੰ ਅੰਦਰੋਂ ਹਾਈਡ੍ਰੇਟ ਰੱਖਦਾ ਹੈ। ਚੌਲਾਂ ਦੇ ਪਾਣੀ ਵਿੱਚ ਪੌਸ਼ਟਿਕ ਤੱਤ ਹੁੰਦੇ ਹਨ ਜੋ ਕੋਲੇਜਨ ਦੇ ਉਤਪਾਦਨ ਨੂੰ ਸਪੋਰਟ ਕਰਦੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
