ਆਮ ਆਦਮੀ ਪਾਰਟੀ ਖਿਲਾਫ ਬੋਲਣ ‘ਤੇ ਪੰਜਾਬ ਆਪ ਦੇ ਪ੍ਰਧਾਨ ਮੰਤਰੀ ਅਮਨ ਅਰੋੜਾ ਨੇ ਰਾਘਵ ਚੱਢਾ ਨੂੰ ਝਾੜ ਪਾਈ। ਉਨ੍ਹਾਂ ਕਿਹਾ ਕਿ ਬੀਤੇ ਦਿਨੀਂ ਅਸੀਂ ਸਾਰਿਆਂ ਨੇ ਇਕ ਵੀਡੀਓ ਦੇਖੀ ਜਿਸ ਵਿਚ ਰਾਘਵ ਚੱਢਾ ਪਾਰਲੀਮੈਂਟ ਦੇ ਬਾਹਰ ਖੜ੍ਹੇ ਹੋ ਕੇ ਆਮ ਆਦਮੀ ਪਾਰਟੀ ‘ਤੇ ਦੋਸ਼ ਲਗਾ ਰਹੇ ਸੀ। ਪਰ ਮੈਂ ਕਹਿਣਾ ਚਾਹਾਂਗਾ ਕਿ ਤੁਹਾਨੂੰ ਫਰਸ਼ ਤੋਂ ਅਰਸ਼ ਲਿਜਾਣ ਵਿਚ ਅਰਵਿੰਦ ਕੇਜਰੀਵਾਲ ਨੇ ਜਿੰਨਾ ਵੱਡਾ ਰੋਲ ਅਦਾ ਕੀਤਾ ਤੇ ਆਮ ਆਦਮੀ ਪਾਰਟੀ ਨੇ ਜੋ ਵੀ ਮਾਣ-ਸਨਮਾਨ ਦਿੱਤਾ, ਤੁਸੀਂ ਪੰਜਾਬ ਦੇ ਲੋਕਾਂ ਦੀ ਨੁਮਾਇੰਦਗੀ ਰਾਜ ਸਭਾ ਵਿਚ ਕਰਦੇ ਰਹੇ ਪਰ ਪਿਛਲੇ ਸਮੇਂ ਵਿਚ ਰਾਜ ਸਭਾ ‘ਚ ਰਾਘਵ ਚੱਢਾ ਆਮ ਆਦਮੀ ਤੇ ਪੰਜਾਬ ਦੇ ਮੁੱਦੇ ਛੱਡ ਕੇ, ਜੋ ਮੁੱਦੇ ਚੁੱਕਦੇ ਰਹੇ ਸਨ, ਉਹ ਸਭ ਨੂੰ ਪਤਾ ਹੈ।
ਇਹ ਵੀ ਪੜ੍ਹੋ : ਬਰਜਿੰਦਰ ਸਿੰਘ ਬਰਾੜ ਨੇ ਸ਼੍ਰੋਮਣੀ ਅਕਾਲੀ ਦਲ ਪੁਨਰ ਸੁਰਜੀਤ ਤੋਂ ਦਿੱਤਾ ਅਸਤੀਫ਼ਾ, ਮਨਪ੍ਰੀਤ ਇਆਲੀ ‘ਤੇ ਸਾਧਿਆ ਨਿਸ਼ਾਨਾ
ਮੰਤਰੀ ਅਮਨ ਅਰੋੜਾ ਨੇ ਕਿਹਾ ਕਿ ਅਸੀਂ ਵਾਰ-ਵਾਰ ਕਹਿੰਦੇ ਰਹੇ ਕਿ ਚਾਹੇ ਉਹ 8300 ਕਰੋੜ ਰੁਪਏ ਜੋ ਕਿ RDF ਦੇ ਰੋਕੇ ਹੋਏ ਹਨ ਜਾਂ ਫਿਰ 1800 ਕਰੋੜ ਰੁਪਏ ਜੋ ਪ੍ਰਧਾਨ ਮੰਤਰੀ ਹੜ੍ਹਾਂ ਵਿਚ ਕਹਿ ਕੇ ਗਏ ਸੀ ਤੇ ਚਾਹੇ ਉਹ ਪਿਛਲੇ ਸਮੇਂ ਵਿਚ ਜੋ SIR ਜ਼ਰੀਏ ਲੋਕਤੰਤਰ ਨੂੰ ਖਤਮ ਕਰਨ ਦੀਆਂ ਨੀਤੀਆਂ ਹੋਣ ਬਾਰੇ ਕੋਈ ਗੱਲ ਰਾਜ ਸਭਾ ਵਿਚ ਰਾਘਵ ਚੱਢਾ ਵੱਲੋਂ ਨਹੀਂ ਕੀਤੀ ਗਈ। ਮੇਰੇ ਕਹਿਣ ਦਾ ਭਾਵ ਹੈ ਕਿ ਜਿਸ ਪਾਰਟੀ ਨੇ ਤੇ ਜਿਹੜੇ ਲੋਕਾਂ ਨੇ ਤੁਹਾਨੂੰ ਮਾਣ-ਸਨਮਾਨ ਬਖਸ਼ਿਆ ਹੋਵੇ, ਉਨ੍ਹਾਂ ਨੂੰ ਛੱਡ ਕੇ, ਡਰ ਕੇ ਰਜਨੀਤੀ ਕਰਨ ਲਈ ਆਮ ਆਦਮੀ ਪਾਰਟੀ ਨਹੀਂ ਬਣਾਈ ਗਈ ਸੀ। ਤੁਹਾਡਾ ਵਿਵਹਾਰ ਉਹ unexpected ਸੀ। ਜਿਨ੍ਹਾਂ ਤੋਂ ਹੱਕ ਲੈ ਕੇ ਲੋਕਾਂ ਨੂੰ ਦੇਣੇ ਸੀ ਅੱਜ ਉਨ੍ਹਾਂ ਦੀ ਹੀ ਪਿੱਠ ‘ਤੇ ਖੜ੍ਹੇ ਹਾਂ ਇਹ ਗੱਲ ਵਾਜ੍ਹਬ ਨਹੀਂ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
