ਜੇ ਬੱਚੇ ਛੋਟੇ ਹਨ ਤਾਂ ਉਨ੍ਹਾਂ ‘ਤੇ ਹਰ ਸਮੇਂ ਨਜ਼ਰ ਰੱਖੋ, ਨਹੀਂ ਤਾਂ ਉਨ੍ਹਾਂ ਨਾਲ ਕਦੇ ਵੀ ਅਜਿਹਾ ਹਾਦਸਾ ਵਾਪਰ ਸਕਦਾ ਹੈ। ਇੱਕ ਪਰਿਵਾਰ ਆਪਣੇ ਬੱਚਿਆਂ ਨਾਲ ਖੇਤਾਂ ਵਿੱਚ ਗਿਆ ਹੋਇਆ ਸੀ। ਇਸ ਦੌਰਾਨ ਇੱਕ 2 ਸਾਲ ਦੇ ਬੱਚੇ ਨੇ ਉੱਥੇ ਡਿੱਗੀਆਂ 8 ਸੂਈਆਂ ਨੂੰ ਨਿਗਲ ਲਿਆ। ਪਰਿਵਾਰ ਨੂੰ ਉਦੋਂ ਹੀ ਪਤਾ ਲੱਗਾ ਜਦੋਂ ਇਹ ਸੂਈਆਂ ਅੰਤੜੀਆਂ ਤੱਕ ਪਹੁੰਚ ਗਈਆਂ ਅਤੇ ਉਸ ਨੂੰ ਭਿਆਨਕ ਦਰਦ ਹੋਇਆ। ਉਸ ਵੇਲੇ ਪਰਿਵਾਰ ਵਾਲੇ ਉਸ ਨੂੰ ਲੈ ਕੇ ਹਸਪਤਾਲ ਭੱਜੇ।
ਜਦੋਂ ਡਾਕਟਰਾਂ ਨੇ ਦੇਖਿਆ ਤਾਂ ਉਹ ਵੀ ਹੈਰਾਨ ਰਹਿ ਗਏ। ਆਖਰਕਾਰ ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਬੱਚੇ ਨੂੰ ਬਚਾਇਆ ਗਿਆ। ਇਸ ਨੂੰ ਚਮਤਕਾਰ ਕਿਹਾ ਜਾ ਰਿਹਾ ਹੈ ਕਿਉਂਕਿ ਸੂਈਆਂ ਅੰਦਰੂਨੀ ਅੰਗਾਂ ਵਿਚ ਕਈ ਥਾਵਾਂ ‘ਤੇ ਜੜੀਆਂ ਹੋਈਆਂ ਸਨ। ਖੁਸ਼ਕਿਸਮਤੀ ਰਹੀ ਕਿ ਕੋਈ ਖੂਨ ਨਹੀਂ ਵਗਿਆ, ਨਹੀਂ ਤਾਂ ਜਾਨੀ ਨੁਕਸਾਨ ਹੋ ਸਕਦਾ ਸੀ।
ਰਿਪੋਰਟ ਮੁਤਾਬਕ ਮਾਮਲਾ ਪੇਰੂ ਦੇ ਤਾਰਾਪੋਟੋ ਦਾ ਹੈ। ਜਦੋਂ ਡਾਕਟਰਾਂ ਨੇ ਐਕਸਰੇ ਕੀਤਾ ਤਾਂ ਦੇਖਿਆ ਕਿ ਅੱਠ ਸੂਈਆਂ ਪਾਚਨ ਪ੍ਰਣਾਲੀ ਦੇ ਅੰਦਰ ਸਨ। 2 ਖ਼ਤਰਨਾਕ ਤਰੀਕੇ ਨਾਲ ਗੁਦਾ ਅਤੇ ਬਲੈਡਰ ਵਿੱਚ ਦਾਖ਼ਲ ਹੋ ਗਈਆਂ ਸਨ। ਇੱਕ ਨੇ ਛੋਟੀ ਅੰਤੜੀ ਨੂੰ ਨੁਕਸਾਨ ਪਹੁੰਚਾਇਆ ਸੀ। ਪਰ ਇਹ ਡੂੰਘਾ ਅੰਦਰ ਨਹੀਂ ਗਿਆ, ਇਸ ਲਈ ਕੋਈ ਖੂਨ ਨਹੀਂ ਨਿਕਲਿਆ। ਡਾਕਟਰਾਂ ਨੇ ਕਿਹਾ ਕਿ ਤਿੱਖੀ ਚੀਜ਼ ਨੂੰ ਨਿਗਲਣਾ ਖ਼ਤਰਨਾਕ ਹੈ ਕਿਉਂਕਿ ਇਹ ਅੰਦਰੂਨੀ ਅੰਗਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ, ਜਿਸ ਨਾਲ ਗੰਭੀਰ ਖੂਨ ਵਗ ਸਕਦਾ ਹੈ ਅਤੇ ਪਾਚਨ ਰਸਾਂ ਦਾ ਰਿਸਾਅ ਹੋ ਸਕਦਾ ਹੈ।
ਡਾਕਟਰਾਂ ਦਾ ਕਹਿਣਾ ਹੈ ਕਿ ਬੱਚਾ ਖੁਸ਼ਕਿਸਮਤ ਸੀ ਕਿ ਉਸ ਨੂੰ ਸੂਈਆਂ ਨਾਲ ਕੋਈ ਗੰਭੀਰ ਸੱਟ ਨਹੀਂ ਲੱਗੀ ਪਰ ਲੰਬੇ ਆਪ੍ਰੇਸ਼ਨ ਤੋਂ ਬਾਅਦ ਸਾਰੀਆਂ ਸੂਈਆਂ ਕੱਢ ਦਿੱਤੀਆਂ ਗਈਆਂ। ਅੰਤੜੀ ‘ਤੇ ਸੱਟ ਲੱਗੀ ਸੀ, ਜਿਸ ਦਾ ਲੰਮਾ ਇਲਾਜ ਚੱਲਿਆ। ਇਹ ਖੇਤ ਮਾਲਕ ਦਾ ਕਸੂਰ ਸੀ ਕਿ ਪਸ਼ੂਆਂ ਨੂੰ ਦਿੱਤਾ ਗਿਆ ਟੀਕਾ ਉਂਝ ਹੀ ਖੇਤਾਂ ਵਿੱਚ ਸੁੱਟ ਦਿੱਤਾ ਗਿਆ। ਜੇ ਸਮੇਂ ਸਿਰ ਸਰਜਰੀ ਨਾ ਕੀਤੀ ਗਈ ਹੁੰਦੀ ਤਾਂ ਬੱਚੇ ਦਾ ਬਚਣਾ ਨਾਮੁਮਕਿਨ ਸੀ।
ਇਹ ਵੀ ਪੜ੍ਹੋ : ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਪੁਰਬ ‘ਤੇ ਛੁੱਟੀ ਦਾ ਐਲਾਨ, 100 ਕੁਇੰਟਲ ਫੁੱਲਾਂ ਨਾਲ ਸਜਿਆ ਸ੍ਰੀ ਦਰਬਾਰ ਸਾਹਿਬ
ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ। ਕੁਝ ਦਿਨ ਪਹਿਲਾਂ ਚੀਨ ਦੇ ਸ਼ਾਨਕਸੀ ਸੂਬੇ ‘ਚ 5 ਮਹੀਨੇ ਦੀ ਬੱਚੀ ਨੇ ਸਿਲਾਈ ਮਸ਼ੀਨ ਦੀ ਸੂਈ ਨਿਗਲ ਲਈ ਸੀ। ਸੂਈ ਬੱਚੀ ਦੇ ਪੇਟ ਦੀ ਦੀਵਾਰ ਵਿਚ ਵੜ ਗਈ ਸੀ ਅਤੇ ਉਸ ਦੇ ਦਿਲ ਦੇ ਖੱਬੇ ਵੈਂਟ੍ਰਿਕਲ ਵਿਚ ਵਿੰਨ੍ਹ ਗਈ ਸੀ। ਡਾਕਟਰਾਂ ਨੇ ਆਪਰੇਸ਼ਨ ਤੋਂ ਬਾਅਦ ਉਸ ਨੂੰ ਬਚਾ ਲਿਆ। ਇਸੇ ਤਰ੍ਹਾਂ ਪਿਛਲੇ ਇੱਕ ਮਾਮਲੇ ਵਿੱਚ ਇੱਕ 54 ਸਾਲਾਂ ਔਰਤ ਨੇ ਸਿਲਾਈ ਦੀ ਸੂਈ ਨਿਗਲ ਲਈ ਸੀ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਉਸ ਵਿਚ ਕੋਈ ਲੱਛਣ ਦਿਖਾਈ ਨਹੀਂ ਦੇ ਰਹੇ ਸਨ। ਹਾਲਾਂਕਿ, ਡਾਕਟਰਾਂ ਮੁਤਾਬਕ ਜੇ ਕੋਈ ਇਸਨੂੰ ਨਿਗਲ ਲੈਂਦਾ ਹੈ, ਤਾਂ ਉਸਨੂੰ ਬਹੁਤ ਦਰਦ ਹੋਵੇਗਾ। ਤੁਸੀਂ ਵੀ ਮਹਿਸੂਸ ਕਰੋਗੇ ਜਿਵੇਂ ਤੁਹਾਡਾ ਦਮ ਘੁੱਟਣ ਵਾਲਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਿੱਕੇ ਅਤੇ ਹੱਡੀਆਂ ਨੂੰ ਨਿਗਲਣ ਦੇ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਹਿੱਟ ਗਾਣਿਆਂ ਦੀ ਝੜੀ ਲਾਉਣ ਵਾਲਾ ਪੰਜਾਬੀ ਗਾਇਕ ਦੇਖੋ ਕਿਉਂ ਬੈਠ ਗਿਆ ਚੁੱਪ ਹੋ ਕੇ ! ਮਿਊਜ਼ਿਕ ਇੰਡਸਟਰੀ ਦੀਆਂ ਖੋਲ੍ਹ…
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ
