ਬਾਲੀਵੁੱਡ ਐਕਟ੍ਰੈਸ ਯਾਮੀ ਗੌਤਮ ਮਾਂ ਬਣ ਗਈ ਹੈ। ਅਭਿਨੇਤਰੀ ਨੇ ਪੁੱਤਰ ਨੂੰ ਜਨਮ ਦਿੱਤਾ ਹੈ। ਯਾਮੀ ਗੌਤਮ ਨੇ ਪਤੀ ਆਦਿਤਯ ਧਰ ਦੇ ਨਾਲ ਇਸ ਸਾਲ ਦੀ ਸ਼ੁਰੂਆਤ ਵਿਚ ਆਪਣੀ ਪ੍ਰੈਗਨੈਂਸੀ ਦਾ ਐਲਾਨ ਕੀਤਾ ਸੀ ਤੇ ਹੁਣ ਇਸ ਕੱਪਲ ਨੇ ਪੁੱਤ ਦੇ ਜਨਮ ਦੀ ਖਬਰ ਨਾਲ ਫੈਨਸ ਨੂੰ ਖੁਸ਼ ਕਰ ਦਿੱਤਾ ਹੈ। ਯਾਮੀ ਗੌਤਮ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਜ਼ਰੀਏ ਫੈਂਸ ਨਾਲ ਇਹ ਖੁਸ਼ਖਬਰੀ ਸ਼ੇਅਰ ਕੀਤੀ ਹੈ।
ਆਦਿਤਯ ਧਰ ਨੇ ਇਸ ਸਬੰਧ ਵਿਚ ਪੋਸਟ ਕੀਤਾਹੈ ਜਿਸ ਵਿਚ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੇ ਪੁੱਤਰ ਦਾ ਜਨਮ ਅਕਸ਼ੈ ਤ੍ਰਿਤਯਾ ਦੇ ਦਿਨ ਹੋਇਆ ਸੀ। ਕੱਪਲ ਨੇ 10 ਮਈ ਨੂੰ ਆਪਣੇ ਬੇਟੇ ਦਾ ਇਸ ਦੁੀਆ ਵਿਚ ਸਵਾਗਤ ਕੀਤਾ। ਆਦਿਤਯ ਤੇ ਯਾਮੀ ਨੇ ਆਪਣੀ ਪੋਸਟ ਵਿਚ ਬੇਟੇ ਦਾ ਨਾਂ ਵੀ ਦੱਸਿਆ ਹੈ। ਕੱਪਲ ਨੇ ਇਕ ਬਹੁਤ ਹੀ ਪਿਆਰੀ ਤਸਵੀਰ ਦੇ ਨਾਲ ਬੇਟੇ ਦੇ ਨਾਂ ਤੋਂ ਪਰਦਾ ਚੁਕਿਆ ਹੈ। ਕੱਪਲ ਨੇ ਨਵੇਂ ਮਹਿਮਾਨ ਦਾ ਨਾਂ ਵੇਦਵਿਦ ਰੱਖਿਆ ਹੈ। ਇਹ ਇਕ ਸੰਸਕ੍ਰਿਤ ਨਾਂ ਹੈ ਜੋ ਵੇਦਾ ਤੇ ਵਿਦ ਨੂੰ ਮਿਲਾ ਕੇ ਬਣਿਆ ਹੈ।
ਇਹ ਵੀ ਪੜ੍ਹੋ : ਸ਼ੰਭੂ ਟਰੈਕ ‘ਤੇ ਕਿਸਾਨਾਂ ਨੇ ਧਰਨਾ ਕੀਤਾ ਮੁਲਤਵੀ, ਪੰਜਾਬ-ਹਰਿਆਣਾ ‘ਚ BJP ਨੇਤਾਵਾਂ ਦੇ ਘਰਾਂ ਦਾ ਕਰਨਗੇ ਘਿਰਾਓ
ਪੋਸਟ ਸ਼ੇਅਰ ਕਰਦੇ ਹੋਏ ਯਾਮੀ ਨੇ ਕੈਪਸ਼ਨ ‘ਚ ਲਿਖਿਆ- ‘ਅਸੀਂ ਸੂਰਿਆ ਹਸਪਤਾਲ ਦੇ ਬੇਮਿਸਾਲ ਸਮਰਪਿਤ ਅਤੇ ਸ਼ਾਨਦਾਰ ਮੈਡੀਕਲ ਪੇਸ਼ੇਵਰਾਂ, ਖਾਸ ਤੌਰ ‘ਤੇ ਡਾ: ਭੂਪੇਂਦਰ ਅਵਸਥੀ ਅਤੇ ਡਾ: ਰੰਜਨਾ ਧਨੂ ਦਾ ਧੰਨਵਾਦ ਕਰਨਾ ਚਾਹੁੰਦੇ ਹਾਂ, ਜਿਨ੍ਹਾਂ ਦੀ ਮੁਹਾਰਤ ਅਤੇ ਅਣਥੱਕ ਕੋਸ਼ਿਸ਼ਾਂ ਨੇ ਸਾਨੂੰ ਇਹ ਖੁਸ਼ੀ ਦਿੱਤੀ।ਜਦੋਂ ਅਸੀਂ ਮਾਤਾ-ਪਿਤਾ ਦੀ ਇਸ ਸੁੰਦਰ ਯਾਤਰਾ ਦੀ ਸ਼ੁਰੂਆਤ ਕਰਦੇ ਹਾਂ, ਅਸੀਂ ਆਪਣੇ ਬੇਟੇ ਦੇ ਉੱਜਵਲ ਭਵਿੱਖ ਦੀ ਬੇਸਬਰੀ ਨਾਲ ਉਡੀਕ ਕਰਦੇ ਹਾਂ। ਉਸਦੀ ਹਰ ਪ੍ਰਾਪਤੀ ਨਾਲ, ਅਸੀਂ ਉਮੀਦ ਅਤੇ ਵਿਸ਼ਵਾਸ ਨਾਲ ਭਰੇ ਹੋਏ ਹਾਂ ਕਿ ਉਹ ਸਾਡੇ ਪੂਰੇ ਪਰਿਵਾਰ ਦੇ ਨਾਲ-ਨਾਲ ਸਾਡੇ ਪਿਆਰੇ ਦੇਸ਼ ਲਈ ਮਾਣ ਦਾ ਪ੍ਰਤੀਕ ਬਣ ਜਾਵੇਗਾ।
