ਅੰਬਾਨੀਆਂ ਦੇ ਘਰ ਕੋਈ ਸੈਲੀਬ੍ਰੇਸ਼ਨ ਹੋਵੇ ਤੇ ਉਸ ਦੀ ਚਰਚਾ ਨਾ ਹੋਵੇ, ਇਹ ਭਲਾ ਹੋ ਸਕਦਾ ਏ। ਅੰਬਾਨੀਜ਼ ਦੇ ਗ੍ਰੈਂਡ ਈਵੈਂਟਸ ਅਤੇ ਮਹਿਮਾਨਨਵਾਜ਼ੀ ਜਗ ਜ਼ਾਹਰ ਹੈ। ਫਿਲਹਾਲ ਅੰਬਾਨੀ ਪਰਿਵਾਰ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੀ ਪ੍ਰੀ-ਵੈਡਿੰਗ ਪਾਰਟੀ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਇਹ ਪਾਰਟੀ 29 ਮਈ ਤੋਂ ਲਗਜ਼ਰੀ ਕਰੂਜ਼ ‘ਤੇ ਰੱਖੀ ਜਾ ਰਹੀ ਹੈ। ਇਸ ਪ੍ਰੀ-ਵੈਡਿੰਗ ‘ਚ ਬਾਲੀਵੁੱਡ, ਹਾਲੀਵੁੱਡ ਅਤੇ ਦੁਨੀਆ ਦੀਆਂ ਕਈ ਮਸ਼ਹੂਰ ਹਸਤੀਆਂ ਸ਼ਾਮਲ ਹਨ, ਜਿੱਥੇ ਮਹਿਮਾਨਾਂ ਨੂੰ ਯੂਰਪ ਦੇ ਦੌਰੇ ‘ਤੇ ਲਿਜਾਇਆ ਜਾ ਰਿਹਾ ਹੈ।
ਹੁਣ ਤੱਕ ਇਸ ਪਾਰਟੀ ਦੀਆਂ ਕਈ ਝਲਕੀਆਂ ਵੀ ਸਾਹਮਣੇ ਆ ਚੁੱਕੀਆਂ ਹਨ, ਜਿਨ੍ਹਾਂ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੀ ਪ੍ਰੀ-ਵੈਡਿੰਗ ਦੌਰਾਨ ਅੰਬਾਨੀ ਪਰਿਵਾਰ ਦੀ ਰਾਜਕੁਮਾਰੀ ਵੇਦਾ ਦਾ ਪਹਿਲਾ ਜਨਮਦਿਨ ਵੀ ਮਨਾਇਆ ਗਿਆ। ਹੁਣ ਵੇਦਾ ਦੀ ਥੀਮ ਪਾਰਟੀ ਦੀ ਪਹਿਲੀ ਝਲਕ ਸਾਹਮਣੇ ਆਈ ਹੈ।
ਅੰਬਾਨੀ ਪਰਿਵਾਰ ਨੇ ਆਪਣੀ ਰਾਜਕੁਮਾਰੀ ਵੇਦਾ ਦਾ ਪਹਿਲਾ ਜਨਮਦਿਨ ਸ਼ਾਨਦਾਰ ਤਰੀਕੇ ਨਾਲ ਮਨਾਇਆ ਹੈ। ਵੇਦਾ ਨੂੰ ਆਪਣੇ ਚਾਚਾ ਅਨੰਤ ਅੰਬਾਨੀ ਅਤੇ ਹੋਣ ਵਾਲੀ ਚਾਚੀ ਰਾਧਿਕਾ ਮਰਚੈਂਟ ਦੀ ਪ੍ਰੀ-ਵੈਡਿੰਗ ਪਾਰਟੀ ਨਾਲ ਕਰੂਜ਼ ‘ਤੇ ਆਪਣਾ ਪਹਿਲਾ ਜਨਮਦਿਨ ਮਨਾਉਣ ਦਾ ਮੌਕਾ ਮਿਲਿਆ। ਵੇਦਾ ਦੀ ਜਨਮਦਿਨ ਪਾਰਟੀ ਦੀ ਝਲਕ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਕਰੂਜ਼ ਨੂੰ ਸੂਰਜਮੁਖੀ ਨਾਲ ਸਜਾਇਆ ਗਿਆ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਆਕਾਸ਼ ਅੰਬਾਨੀ ਅਤੇ ਸ਼ਲੋਕਾ ਮਹਿਤਾ ਦੀ ਧੀ ਵੇਦਾ ਦੇ ਜਨਮਦਿਨ ਦੀ ਥੀਮ ‘ਵੀ ਟੋਨਰਜ਼ ਵਨ ਅੰਡਰ ਦਾ ਸਨ’ ਸੀ, ਜਿਸ ਦਾ ਡਰੈੱਸ ਕੋਡ ‘ਪਲੇਫੁੱਲ’ ਸੀ। ਹਾਲਾਂਕਿ ਪਾਰਟੀ ਦੇ ਥੀਮ ਤੋਂ ਇਲਾਵਾ ਵੇਦਾ ਦੇ ਜਨਮਦਿਨ ਦੀ ਕੋਈ ਹੋਰ ਤਸਵੀਰ ਅਜੇ ਸਾਹਮਣੇ ਨਹੀਂ ਆਈ ਹੈ, ਜਿਸ ਨੂੰ ਲੈ ਕੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ।
ਇਹ ਵੀ ਪੜ੍ਹੋ : ਵੋਟਾਂ ਤੋਂ ਪਹਿਲਾਂ ਮਾਂ ਦਾ ਹੋਇਆ ਦਿਹਾਂਤ, ਪੁੱਤਰ ਬੋਲੇ- ‘ਪਹਿਲਾਂ ਵੋਟ ਪਾਵਾਂਗੇ, ਫਿਰ ਕਰਾਂਗੇ ਸਸਕਾਰ’
ਤੁਹਾਨੂੰ ਦੱਸ ਦੇਈਏ ਕਿ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੀ ਦੂਜੀ ਪ੍ਰੀ-ਵੈਡਿੰਗ ਪਾਰਟੀ 29 ਮਈ ਤੋਂ ਸ਼ੁਰੂ ਹੋਈ ਸੀ, ਜੋ ਅੱਜ 1 ਜੂਨ ਨੂੰ ਫਰਾਂਸ ਵਿੱਚ ਖਤਮ ਹੋਵੇਗੀ। ਇਸ ਕਰੂਜ਼ ਦਾ ਨਾਂ ਸੈਲੀਬ੍ਰਿਟੀ ਅਸੇਂਟ ਹੈ, ਜੋ ਮਾਲਟਾ ‘ਚ ਬਣੀ ਹੈ। ਇਸ ਵਿਚ 5 ਸਟਾਰ ਹੋਟਲ ਦੀਆਂ ਸਾਰੀਆਂ ਸਹੂਲਤਾਂ ਹਨ ਅਤੇ ਇਸ ਲਈ ਇਹ ਪਾਣੀ ‘ਤੇ ਤੈਰਦਾ ਇਕ ਆਲੀਸ਼ਾਨ ਰਿਜ਼ੋਰਟ ਹੈ, ਜਿਸ ‘ਤੇ ਸਿਤਾਰਿਆਂ ਨੂੰ ਯੂਰਪ ਦੇ ਦੌਰੇ ‘ਤੇ ਲਿਜਾਇਆ ਜਾ ਰਿਹਾ ਹੈ। ਇਸ ਦੌਰਾਨ ਅਨੰਤ ਅਤੇ ਰਾਧਿਕਾ ਦੇ ਵਿਆਹ ਦੀਆਂ ਤਰੀਕਾਂ ਦਾ ਵੀ ਖੁਲਾਸਾ ਹੋਇਆ ਹੈ। ਦੋਵੇਂ 12 ਜੁਲਾਈ ਨੂੰ ਵਿਆਹ ਕਰਨ ਜਾ ਰਹੇ ਹਨ। ਉਨ੍ਹਾਂ ਦੇ ਵਿਆਹ ਦਾ ਪ੍ਰੋਗਰਾਮ ਜਿਓ ਵਰਲਡ ਕਨਵੈਨਸ਼ਨ ਸੈਂਟਰ ‘ਚ ਤਿੰਨ ਦਿਨ ਚੱਲੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
