ਲੁਧਿਆਣਾ ਤੋਂ ਭਾਜਪਾ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਦੀ ਧਰਮ ਪਤਨੀ ਅਨੁਪਮਾ ਕੌਰ ਬਿੱਟੂ ਨੇ ਹਲਕਾ ਆਤਮ ਨਗਰ ਦੇ ਇਲਾਕਾ ਸ਼ਿਮਲਾਪੁਰੀ ਤੇ ਜਨਤਾ ਨਗਰ ਵਿਖੇ ਰੋਡ ਸ਼ੋਅ ਕੱਢਿਆ ਜਿੱਥੇ ਉਹਨਾਂ ਦੇ ਨਾਲ ਮਹਿਲਾ ਕਮਿਸ਼ਨ ਦੀ ਸਾਬਕਾ ਚੇਅਰਮੈਨ ਮਨੀਸ਼ਾ ਗੁਲਾਟੀ, ਅਦਾਕਾਰਾ ਪ੍ਰੀਤੀ ਸਪਰੂ, ਮਹਿਲਾ ਮੋਰਚਾ ਲੁਧਿਆਣਾ ਦੀ ਪ੍ਰਧਾਨ ਸ਼ੀਨੂੰ ਚੁੱਘ ਤੋਂ ਇਲਾਵਾ ਵੱਡੀ ਗਿਣਤੀ ‘ਚ ਭਾਜਪਾ ਆਗੂ ਤੇ ਵਰਕਰ ਹਾਜ਼ਰ ਸਨ।
ਅਨੁਪਮਾ ਰਵਨੀਤ ਬਿੱਟੂ ਨੇ ਕਿਹਾ ਕਿ ਅੱਜ ਦੇ ਰੋਡ ਸ਼ੋਅ ‘ਚ ਵੱਡਾ ਇਕੱਠ ਇਸ ਗੱਲ ਦੀ ਗਵਾਹੀ ਹੈ ਕਿ ਰਵਨੀਤ ਬਿੱਟੂ ਲੁਧਿਆਣਾ ਤੋਂ ਤੀਜੀ ਵਾਰ ਜਿੱਤ ਕੇ ਸੀਟ ਭਾਜਪਾ ਦੀ ਝੋਲੀ ਪਾਉਣਗੇ। ਉਹਨਾਂ ਕਿਹਾ ਕੀ ਅਸੀਂ ਰਵਨੀਤ ਬਿੱਟੂ ਵੱਲੋਂ ਕੀਤੇ ਕੰਮਾਂ ਦੇ ਆਧਾਰ ‘ਤੇ ਲੋਕਾਂ ਦੀ ਕਚਿਹਰੀ ‘ਚ ਆਏ ਹਾਂ। ਐਲੀਵੇਟਿਡ ਰੋਡ, ਹਲਵਾਰਾ ਏਅਰਪੋਰਟ, ਬੁੱਢੇ ਨਾਲੇ ਦੀ ਸਫ਼ਾਈ ਲਈ ਪੈਕੇਜ, ਗੁਰੂ ਨਾਨਕ ਸਟੇਡੀਅਮ ਦਾ ਨਵੀਨੀਕਰਨ ਤੇ ਲੁਧਿਆਣਾ ਰੇਲਵੇ ਸਟੇਸ਼ਨ ਦੀ ਏਅਰਪੋਰਟ ਦੀ ਤਰਜ਼ ‘ਤੇ ਅਪਗ੍ਰੇਡੇਸ਼ਨ ਸਭ ਰਵਨੀਤ ਬਿੱਟੂ ਦੀ ਮਿਹਨਤ ਦਾ ਨਤੀਜਾ ਹੈ ਕਿ ਕਿਵੇਂ ਉਹਨਾਂ ਨੇ ਆਪਣੀ ਇੱਛਾ ਸ਼ਕਤੀ ਨਾਲ ਵਿਰੋਧੀ ਧਿਰ ‘ਚ ਹੁੰਦੇ ਹੋਏ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਇਹ ਪ੍ਰਾਜੈਕਟ ਲੈ ਕੇ ਆਏ ਸਨ।
ਉਹਨਾਂ ਕਿਹਾ ਕਿ ਜੇ ਵਿਰੋਧੀ ਧਿਰ ‘ਚ ਬਿੱਟੂ ਲੁਧਿਆਣਾ ਵਾਸਤੇ ਏਨਾ ਕੁਝ ਕਰ ਸਕਦੇ ਹਨ ਤੇ ਜਦੋਂ ਤੀਜੀ ਵਾਰ ਬਣਨ ਵਾਲੀ ਮੋਦੀ ਸਰਕਾਰ ਦਾ ਹਿੱਸਾ ਹੋਣਗੇ ਤਾਂ ਲੁਧਿਆਣਾ ਪਹਿਲੇ ਸਾਲਾਂ ‘ਚ ਹੀ ਵਿਕਸਿਤ ਸ਼ਹਿਰ ਬਣ ਜਾਵੇਗਾ, ਇਸ ਲਈ ਆਓ ਲੁਧਿਆਣਾ ‘ਚ ਵਿਕਾਸ ਦੀ ਰਫ਼ਤਾਰ ਨੂੰ ਅੱਗੇ ਤੋਰਦੇ ਹੋਏ 1 ਜੂਨ ਨੂੰ ਭਾਜਪਾ ਦੇ ਹੱਥ ਮਜਬੂਤ ਕਰੀਏ।
ਇਹ ਵੀ ਪੜ੍ਹੋ : ਰਵਨੀਤ ਬਿੱਟੂ ਨੇ ਵਿਰੋਧੀਆਂ ਨੂੰ ਚੋਣ ਪ੍ਰਚਾਰ ‘ਚ ਪਛਾੜਿਆ, ਬੋਲੇ- ‘BJP ਅੰਦਰ ਰਾਸ਼ਟਰਵਾਦ ਦੀ ਭਾਵਨਾ…’
ਵੀਡੀਓ ਲਈ ਕਲਿੱਕ ਕਰੋ -:
