ਤੁਹਾਡੇ ਵਿੱਚੋਂ ਬਹੁਤ ਸਾਰੇ ਡਿਜੀਟਲ ਪਾਸਵਰਡ ਮੈਨੇਜਰ ਦੀ ਵਰਤੋਂ ਕਰ ਰਹੇ ਹੋ ਸਕਦੇ ਹਨ। ਅੱਜ ਹਰ ਕਿਸੇ ਕੋਲ ਘੱਟੋ-ਘੱਟ 10 ਪਾਸਵਰਡ ਹਨ ਪਰ ਉਨ੍ਹਾਂ ਨੂੰ ਯਾਦ ਰੱਖਣਾ ਬਹੁਤ ਔਖਾ ਕੰਮ ਹੈ। ਅਜਿਹੇ ‘ਚ ਲੋਕ ਪਾਸਵਰਡ ਮੈਨੇਜਰ ਦੀ ਵਰਤੋਂ ਕਰਨ ਲੱਗੇ ਪਰ ਪਾਸਵਰਡ ਮੈਨੇਜਰ ਵੀ ਸੁਰੱਖਿਅਤ ਨਹੀਂ ਹਨ।
ਮਾਰਕੀਟ ਵਿੱਚ ਮੌਜੂਦ ਬਹੁਤ ਸਾਰੇ ਪਾਸਵਰਡ ਮੈਨੇਜਰ ਪਾਸਵਰਡ ਸੁਰੱਖਿਅਤ ਰੱਖਣ ਦਾ ਦਾਅਵਾ ਕਰਦੇ ਹਨ ਪਰ ਅਸਲੀਅਤ ਵੱਖਰੀ ਹੈ। ਇੱਕ ਮਸ਼ਹੂਰ ਪਾਸਵਰਡ ਮੈਨੇਜਰ ਦੇ ਡਾਟਾ ਲੀਕ ਨੇ ਪਾਸਵਰਡ ਮੈਨੇਜਰ ਦੀ ਸੁਰੱਖਿਆ ਦੀ ਪੋਲ ਖੋਲ੍ਹ ਦਿੱਤੀ ਹੈ।
1 ਪਾਸਵਰਡ ਇੱਕ ਬਹੁਤ ਹੀ ਪ੍ਰਸਿੱਧ ਪਾਸਵਰਡ ਮੈਨੇਜਰ ਹੈ। ਲਗਭਗ ਇਕ ਲੱਖ ਕਾਰੋਬਾਰੀ ਇਸ ਦੀ ਵਰਤੋਂ ਕਰਦੇ ਹਨ। ਰਿਪੋਰਟ ਮੁਤਾਬਕ 29 ਸਤੰਬਰ 2023 ਨੂੰ 1ਪਾਸਵਰਡ ਡਾਟਾ ਲੀਕ ਹੋਇਆ ਹੈ, ਜਿਸ ‘ਚ ਹਜ਼ਾਰਾਂ ਲੋਕਾਂ ਦੇ ਪਾਸਵਰਡ ਲੀਕ ਹੋ ਗਏ ਹਨ, ਹਾਲਾਂਕਿ ਕੰਪਨੀ ਨੇ ਕਿਸੇ ਵੀ ਤਰ੍ਹਾਂ ਦੇ ਪਾਸਵਰਡ ਅਤੇ ਡਾਟਾ ਲੀਕ ਹੋਣ ਤੋਂ ਸਾਫ ਇਨਕਾਰ ਕੀਤਾ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਇੱਕ ਸ਼ੱਕੀ ਗਤੀਵਿਧੀ ਦੀ ਸੂਚਨਾ ਮਿਲੀ ਸੀ, ਜਾਂਚ ਕਰਨ ‘ਤੇ ਅਸੀਂ ਪਾਇਆ ਕਿ ਯੂਜ਼ਰਸ ਦਾ ਡਾਟਾ ਲੀਕ ਨਹੀਂ ਹੋਇਆ ਹੈ।
ਇਹ ਵੀ ਪੜ੍ਹੋ : ਸਿਹਤਮੰਦ ਤਰੀਕੇ ਨਾਲ ਘਟਾਓ ਭਾਰ, ਪਾਣੀ ‘ਚ ਭਿਓਂ ਕੇ ਖਾਓ ਇਹ ਚੀਜ਼ਾਂ, ਮਿਲਣਗੇ ਹੋਰ ਵੀ ਫਾਇਦੇ
1ਪਾਸਵਰਡ ਨੇ ਕਿਹਾ ਹੈ ਕਿ ਹੈਕਰ ਹੈਕ ਕਰਨ ਤੋਂ ਬਾਅਦ ਕੁਕੀਜ਼ ਦਾ ਡਾਟਾ ਲੈਣ ‘ਚ ਸਫਲ ਹੋ ਗਿਆ ਹੈ, ਜੋ ਉਸ ਨੇ ਉਸੇ ਕੰਪਨੀ ਦੇ ਇਕ ਆਈਟੀ ਕਰਮਚਾਰੀ ਦੀ ਮਦਦ ਨਾਲ ਹਾਸਲ ਕੀਤਾ ਹੈ। ਕੰਪਨੀ ਮੁਤਾਬਕ ਉਸ ਹੈਕਿੰਗ ਤੋਂ ਬਾਅਦ ਉਸ ਦੀ ਸੁਰੱਖਿਆ ਪ੍ਰਣਾਲੀ ਓਕਟਾ ਨੇ ਅਲਰਟ ਕੀਤਾ, ਜਿਸ ਤੋਂ ਬਾਅਦ ਪ੍ਰਸ਼ਾਸਕ ਨੇ ਤੁਰੰਤ ਐਕਸੈਸ ਨੂੰ ਬਲਾਕ ਕਰ ਦਿੱਤਾ।
ਵੀਡੀਓ ਲਈ ਕਲਿੱਕ ਕਰੋ -:
