ਨਿਰਦੇਸ਼ਕ ਇਮਤਿਆਜ਼ ਅਲੀ ਦੀ ਫਿਲਮ ‘ਅਮਰ ਸਿੰਘ ਚਮਕੀਲਾ’ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਫਿਲਮ ਨੂੰ ਲੈ ਕੇ ਦਰਸ਼ਕਾਂ ‘ਚ ਕਾਫੀ ਉਤਸ਼ਾਹ ਹੈ। ਫਿਲਮ ‘ਚ ਪਰਿਣੀਤੀ ਚੋਪੜਾ ਅਤੇ ਦਿਲਜੀਤ ਦੋਸਾਂਝ ਅਹਿਮ ਭੂਮਿਕਾਵਾਂ ‘ਚ ਨਜ਼ਰ ਆ ਰਹੇ ਹਨ। ਫਿਲਮ ‘ਚ ‘ਅਮਰ ਸਿੰਘ ਚਮਕੀਲਾ’ ਅਤੇ ਉਸ ਦੀ ਪਤਨੀ ਅਮਰਜੋਤ ਕੌਰ ਦੀ ਕਹਾਣੀ ਦਿਖਾਈ ਗਈ ਹੈ। ਇਸ ਫਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਮਰਹੂਮ ਪੰਜਾਬੀ ਗਾਇਕ ਦੇ ਜੀਵਨ ਬਾਰੇ ਜਾਣਨ ਲਈ ਲੋਕਾਂ ਦੀ ਦਿਲਚਸਪੀ ਵਧ ਗਈ ਹੈ। ਹੁਣ ਹਾਲ ਹੀ ਵਿੱਚ ਚਮਕੀਲਾ ਦੇ ਸਾਬਕਾ ਸਕੱਤਰ ਮਣਕੂ ਨੇ ਉਸ ਦੁਖਦਾਈ ਸਮੇਂ ਬਾਰੇ ਦੱਸਿਆ ਹੈ ਜਦੋਂ ਗਾਇਕ ਦੀ ਮੌਤ ਹੋ ਗਈ ਸੀ।
ਮਣਕੂ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਚਮਕੀਲਾ ਨੂੰ ਉਸ ਦੇ ਆਖਰੀ ਪ੍ਰਦਰਸ਼ਨ ਲਈ 8000 ਰੁਪਏ ਮਿਲੇ ਸਨ, ਕਿਉਂਕਿ ਚਮਕੀਲਾ ਅਤੇ ਅਮਰਜੋਤ ਸ਼ੋਅ ਤੋਂ ਪਹਿਲਾਂ ਰੋਟੀ ਖਾਣਾ ਚਾਹੁੰਦੇ ਸਨ, ਇਸ ਲਈ ਮਣਕੂ ਨੇ ਉਨ੍ਹਾਂ ਨੂੰ ਖਾਣੇ ਲਈ ਛੱਡ ਦਿੱਤਾ ਅਤੇ ਇਹ ਵੇਖਣ ਲਈ ਨੇੜੇ ਦੇ ਸਟੇਜ ‘ਤੇ ਗਿਆ ਕਿ ਕੀ ਸਭ ਕੁਝ ਠੀਕ ਹੈ ਜਾਂ ਨਹੀਂ। ਭੀੜ ਨੂੰ ਨਮਸਕਾਰ ਕਰਨ ਅਤੇ ਮਾਈਕ੍ਰੋਫੋਨ ਚੈੱਕ ਕਰਨ ਤੋਂ ਬਾਅਦ ਮਣਕੂ ਨੇ ਚਮਕੀਲਾ ਅਤੇ ਅਮਰਜੋਤ ਨੂੰ ਬੁਲਾਇਆ ਅਤੇ ਕਿਹਾ, “ਸਭ ਤਿਆਰ ਹੈ, ਆ ਜਾਓ।”
ਉਸਨੇ ਅੱਗੇ ਕਿਹਾ, “ਕਾਤਲ ਭੀੜ ਵਿੱਚੋਂ ਇੱਕ ਸੀ। ਸਟੇਜ ‘ਤੇ ਕਦਮ ਰੱਖਣ ਮਗਰੋਂ ਉਹ ਚਮਕੀਲਾ ਨੂੰ ਗੋਲੀ ਮਾਰ ਸਕਦੇ ਸਨ। ਕੀਹਨੂੰ ਪਤਾ ਸੀ, ਜੇ ਉਹ ਸਟੇਜ ‘ਤੇ ਗੋਲੀ ਚਲਾ ਦਿੰਦੇ ਤਾਂ ਮੈਨੂੰ ਵੀ ਗੋਲੀ ਲੱਗ ਜਾਂਦੀ, ਪਰ ਉਹ ਉਡੀਕਦੇ ਰਹੇ। ਚਮਕੀਲਾ ਆਪਣੀ ਕਾਰ ਵਿੱਚ ਪਹੁੰਚਿਆ। ਇਹ ਬਿਲਕੁਲ ਇੱਕ ਫਿਲਮ ਦੇ ਸੀਨ ਵਾਂਗ ਸੀ। ਮੈਂ ਕਿਹਾ ਹੱਥ ਜੋੜੋ, ਚਮਕੀਲਾ।’ ਜਿਵੇਂ ਹੀ ਮੈਂ ਇਹ ਕਿਹਾ, ਮੈਂ ਇੱਕ ਜ਼ੋਰਦਾਰ ਧਮਾਕਾ ਸੁਣਿਆ।”
ਮਣਕੂ ਨੇ ਫਿਰ ਦੇਖਿਆ ਕਿ ਕੋਈ ਕਾਰ ਕੋਲ ਡਿੱਗਿਆ ਹੋਇਆ ਸੀ। ਫਿਰ ਉਸ ਨੇ ਸਟੇਜ ਤੋਂ ਛਾਲ ਮਾਰ ਦਿੱਤੀ, ਪਰ ਡਿੱਗੀਆਂ ਕੁਰਸੀਆਂ ਵਿੱਚ ਫਸ ਗਿਆ। ਤਿੰਨ ਬੰਦੇ ਸਨ ਜੋ ਚਮਕੀਲਾ ਨੂੰ ਮਾਰ ਕੇ ਭੰਗੜਾ ਪਾ ਰਹੇ ਸਨ। ਉਨ੍ਹਾਂ ਨੇ ਚਮਕੀਲਾ ਦੇ ਸੀਨੇ ‘ਤੇ ਇੱਕ ਚਿੱਠੀ ਰੱਖੀ ਸੀ। ਮਣਕੂ ਨੇ ਕਿਹਾ, ‘ਮੈਂ ਉਹ ਚਿੱਠੀ ਬਾਅਦ ਵਿਚ ਦੇਖੀ। ਮੈਂ ਇਸਨੂੰ ਪੜ੍ਹਿਆ। ਉਹ ਖੂਨ ਨਾਲ ਲੱਥਪੱਥ ਸੀ। ਉਹ ਸਕੂਟਰ ‘ਤੇ ਚਲੇ ਗਏ। ਮੈਂ ਖੁਦ ਲਾਸ਼ਾਂ ਨੂੰ ਚੁੱਕਿਆ।
ਇਹ ਵੀ ਪੜ੍ਹੋ : ਵੇਖਦੇ ਹੀ ਵੇਖਦੇ ਢਹਿ-ਢੇਰੀ ਹੋ ਗਈ 3 ਮੰਜ਼ਿਲਾ ਇਮਾਰਤ, ਜਾਨ ਬਚਾਉਣ ਲਈ ਭੱਜੇ ਲੋਕ (ਵੀਡੀਓ)
ਦੱਸ ਦੇਈਏ ਕਿ ਫਿਲਮ ‘ਚਮਕੀਲਾ’ ਪੰਜਾਬ ਦੇ ਮਸ਼ਹੂਰ ਗਾਇਕ ਅਮਰ ਸਿੰਘ ਚਮਕੀਲਾ ‘ਤੇ ਆਧਾਰਿਤ ਹੈ। ਇਸ ਫਿਲਮ ਨੂੰ ਸੋਸ਼ਲ ਮੀਡੀਆ ‘ਤੇ ਲਗਾਤਾਰ ਕਾਫੀ ਪਿਆਰ ਮਿਲ ਰਿਹਾ ਹੈ। ਨਾਲ ਹੀ, ਦਰਸ਼ਕ ਅਤੇ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਸਟਾਰਕਾਸਟ ਦੇ ਸੋਸ਼ਲ ਮੀਡੀਆ ਅਕਾਉਂਟਸ ‘ਤੇ ਫਿਲਮ ਬਾਰੇ ਲਗਾਤਾਰ ਆਪਣੀਆਂ ਸਮੀਖਿਆਵਾਂ ਸਾਂਝੀਆਂ ਕਰ ਰਹੀਆਂ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
