ਭਾਰਤ ‘ਚ ਜਲਦ ਹੀ ਦੋ ਹੋਰ ਨਵੇਂ ਟੀਕੇ ਕੋਵੋਵੈਕਸ ਤੇ ਕੋਰਬੇਵੈਕਸ ਨੂੰ ਮਿਲ ਸਕਦੀ ਹੈ ਮਨਜ਼ੂਰੀ

ਭਾਰਤ ‘ਚ ਕੋਰੋਨਾ ਦੇ ਓਮੀਕਰੋਨ ਵੇਰੀਐਂਟ ਦੇ ਵਧਦੇ ਮਾਮਲਿਆਂ ਅਤੇ ਖਤਰੇ ਦੇ ਵਿਚਕਾਰ ਵੱਡੇ ਫੈਸਲੇ ਲਏ ਗਏ ਹਨ। ਹੁਣ ਕੋਵੋਵੈਕਸ ਅਤੇ ਕੋਰਬੇਵੈਕਸ ਵੈਕਸੀਨ ਸਣੇ ਮੋਲਨੂਪੀਰਾਵੀਰ ਦਵਾਈ ਨੂੰ ਮਨਜ਼ੂਰੀ ਦੇਣ ਦੀ ਐੱਸਈਸੀ ਨੇ ਸਿਫ਼ਾਰਸ਼ ਕੀਤੀ ਹੈ, ਜਿਸ ਵਿੱਚ ਕੋਵੋਵੈਕਸ ਤੇ ਕੋਰਬੇਵੈਕਸ ਸ਼ਾਮਲ ਹਨ। ਸੀਡੀਐੱਸਓ ਦੇ ਵਿਗਿਆਨੀਆਂ ਦੇ ਐੱਸਈਸੀ ਪੈਨਲ ਨੇ DCGI ਨੂੰ 18 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਅਰਜ਼ੀ ਦੇਣ ਲਈ ਸੀਰਮ ਇੰਸਟੀਚਿਊਟ ਆਫ਼ ਇੰਡੀਆ ਦੇ ਕੋਵੋਵੈਕਸ ਅਤੇ ਬਿਓਲੋਜੀਕਲ ਦੀ ਕੋਰਬੇਵੈਕਸ ਵੈਕਸੀਨ ਦੀ ਸ਼ਰਤੀਆ ਪ੍ਰਵਾਨਗੀ ਦੀ ਸਿਫ਼ਾਰਸ਼ ਕੀਤੀ ਹੈ।

ਦੱਸ ਦੇਈਏ ਕਿ ਭਾਰਤ ਵਿੱਚ ਹੁਣ ਤੱਕ ਛੇ ਕੋਰੋਨਾ ਵੈਕਸੀਨ ਨੂੰ ਮਨਜ਼ੂਰੀ ਮਿਲ ਚੁੱਕੀ ਹੈ। ਇਸ ਵਿੱਚ ਕੋਵੈਕਸੀਨ ਕੋਵਿਡਸ਼ੀਲਡ ਜਾਨਸਨ ਐਂਡ ਜਾਨਸਨ ਮੋਡੇਰਨਾ ਸਪੁਟਨਿਕ ਵੀ ਅਤੇ ਜ਼ਾਈਡਸ ਵੈਕਸੀਨ ਸ਼ਾਮਲ ਹਨ। ਇੰਨਾ ਹੀ ਨਹੀਂ, ਐਸਈਸੀ ਨੇ ਭਾਰਤ ਵਿੱਚ ਐਂਟੀ-ਕੋਵਿਡ ਡਰੱਗ ਮੋਲਨੂਪੀਰਾਵੀਰ ਨੂੰ ਮਨਜ਼ੂਰੀ ਦੇਣ ਲਈ DCGI ਨੂੰ ਇੱਕ ਸਿਫਾਰਸ਼ ਵੀ ਭੇਜੀ ਹੈ। CDSCO ਦੇ ਵਿਗਿਆਨਕ ਪੈਨਲ ਐੱਸਈਸੀ ਦੀ ਇੱਕ ਵਰਚੁਅਲ ਮੀਟਿੰਗ 27 ਦਸੰਬਰ ਨੂੰ ਹੋਈ ਸੀ, ਜਿਸ ਵਿੱਚ ਭਾਰਤ ਵਿੱਚ ਟੀਕਿਆਂ ਅਤੇ ਐਂਟੀ-ਕੋਵਿਡ ਡਰੱਗ ਦੋਵਾਂ ਦੀ ਪ੍ਰਵਾਨਗੀ ਲਈ DCGI ਨੂੰ ਸਿਫਾਰਸ਼ ਭੇਜਣ ਦਾ ਫੈਸਲਾ ਕੀਤਾ ਗਿਆ ਸੀ। ਵਿਸ਼ਵ ਸਿਹਤ ਸੰਗਠਨ (WHO) ਨੇ ਵੀ ਸੀਰਮ ਇੰਸਟੀਚਿਊਟ ਦੇ COVOVAX ਟੀਕੇ ਨੂੰ ਪਹਿਲਾਂ 17 ਦਸੰਬਰ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”