ਅਕਸ਼ੈ ਕੁਮਾਰ ਨਾ ਸਿਰਫ ਸਕ੍ਰੀਨ ‘ਤੇ ਆਪਣੀ ਵਖਰੀ ਇਮੇਜ ਲਈ ਜਾਣੇ ਜਾਂਦੇ ਹਨ, ਸਗੋਂ ਅਸਲ ਜ਼ਿੰਦਗੀ ‘ਚ ਆਪਣੇ ਚੰਗੇ ਕੰਮਾਂ ਲਈ ਵੀ ਜਾਣੇ ਜਾਂਦੇ ਹਨ। ਉਨ੍ਹਾਂ ਦੀ ਖਾਸ ਗੱਲ ਇਹ ਹੈ ਕਿ ਅਕਸਰ ਉਹ ਖੁਦ ਦੁਨੀਆ ਨੂੰ ਆਪਣੀ ਮਦਦ ਬਾਰੇ ਨਹੀਂ ਦੱਸਦੇ। ਹੁਣ ਅਕਸ਼ੇ ਨੇ ਇਕ ਵਾਰ ਫਿਰ ਅਜਿਹਾ ਕੀਤਾ ਹੈ ਕਿ ਤੁਸੀਂ ਉਨ੍ਹਾਂ ਦੇ ਫੈਨ ਹੋ ਜਾਓਗੇ। ਅਕਸ਼ੈ ਨੇ ਦਿੱਲੀ ਦੀ ਰਹਿਣ ਵਾਲੀ ਇੱਕ ਲੜਕੀ ਦੇ ਦਿਲ ਦੇ ਟਰਾਂਸਪਲਾਂਟ ਲਈ ਵੱਡੀ ਵਿੱਤੀ ਮਦਦ ਦਿੱਤੀ ਹੈ।
ਦਿੱਲੀ ਦੀ ਰਹਿਣ ਵਾਲੀ ਆਯੂਸ਼ੀ ਸ਼ਰਮਾ ਦੀ ਉਮਰ 25 ਸਾਲ ਹੈ ਅਤੇ ਉਸ ਨੂੰ ਜਨਮ ਤੋਂ ਹੀ ਦਿਲ ਦੀ ਬਿਮਾਰੀ ਹੈ ਜਿਸ ਲਈ ਟਰਾਂਸਪਲਾਂਟ ਹੀ ਇੱਕੋ ਇੱਕ ਵਿਕਲਪ ਹੈ। ਹਾਰਟ ਟ੍ਰਾਂਸਪਲਾਂਟ ਬਹੁਤ ਮਹਿੰਗੀ ਡਾਕਟਰੀ ਪ੍ਰਕਿਰਿਆ ਹੈ ਅਤੇ ਅਕਸ਼ੈ ਆਯੂਸ਼ੀ ਲਈ ਅੱਗੇ ਆਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
ਅਕਸ਼ੇ ਨੇ ਆਯੂਸ਼ੀ ਦੇ ਹਾਰਟ ਟ੍ਰਾਂਸਪਲਾਂਟ ਲਈ 15 ਲੱਖ ਰੁਪਏ ਦੀ ਵਿੱਤੀ ਮਦਦ ਦਿੱਤੀ ਹੈ। ਆਯੂਸ਼ੀ ਦੇ ਦਾਦਾ ਯੋਗੇਂਦਰ ਅਰੁਣ ਨੇ ਇਸ ਲਈ ਅਕਸ਼ੇ ਦਾ ਧੰਨਵਾਦ ਕੀਤਾ ਹੈ। ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਅਕਸ਼ੈ ਨੂੰ ਆਯੁਸ਼ੀ ਦੇ ਮਾਮਲੇ ਦੀ ਜਾਣਕਾਰੀ ਫਿਲਮ ‘ਸਮਰਾਟ ਪ੍ਰਿਥਵੀਰਾਜ’ ਦੇ ਨਿਰਦੇਸ਼ਕ ਡਾਕਟਰ ਚੰਦਰਪ੍ਰਕਾਸ਼ ਦਿਵੇਦੀ ਨੇ ਦਿੱਤੀ ਸੀ। ਯੋਗੇਂਦਰ ਅਰੁਣ ਨੇ ਕਿਹਾ, ‘ਮੈਂ ਡਾਕਟਰ ਚੰਦਰਪ੍ਰਕਾਸ਼ ਦਿਵੇਦੀ ਨੂੰ ਕਿਹਾ ਸੀ ਕਿ ਮੈਂ ਅਕਸ਼ੈ ਜੀ ਤੋਂ ਮਦਦ ਲਵਾਂਗਾ, ਪਰ ਮੈਨੂੰ ਆਪਣਾ ਧੰਨਵਾਦ ਪ੍ਰਗਟ ਕਰਨ ਦਾ ਮੌਕਾ ਮਿਲਣਾ ਚਾਹੀਦਾ ਹੈ, ਇਸ ਲਈ ਮੈਂ ਵੱਡੇ ਦਿਲ ਨਾਲ ਅਦਾਕਾਰ ਬਾਰੇ ਗੱਲ ਕਰ ਰਿਹਾ ਹਾਂ।’
