Aly goni jasmin wedding: ਟੀਵੀ ਦੇ ਮਸ਼ਹੂਰ ਅਦਾਕਾਰ ਅਲੀ ਗੋਨੀ ਅਤੇ ਜੈਸਮੀਨ ਭਸੀਨ ਦੇ ਪ੍ਰਸ਼ੰਸਕਾਂ ਲਈ ਇੱਕ ਖੁਸ਼ਖਬਰੀ ਹੈ। ਅਲੀ ਅਤੇ ਜੈਸਮੀਨ ਜਲਦੀ ਹੀ ਅਧਿਕਾਰਤ ਤੌਰ ‘ਤੇ ਇਕ-ਦੂਜੇ ਦੇ ਹੋਣ ਜਾ ਰਹੇ ਹਨ। ਇਹ ਖੁਸ਼ਖਬਰੀ ਬਾਰੇ ਅਲੀ ਗੋਨੀ ਨੇ ਖੁਦ ਦੱਸਿਆ ਹੈ।
ਅਲੀ ਗੋਨੀ ਅਤੇ ਜੈਸਮੀਨ ਭਸੀਨ ਹੁਣ ਤੱਕ ਕਈ ਰਿਐਲਿਟੀ ਸ਼ੋਅਜ਼ ਵਿੱਚ ਇਕੱਠੇ ਨਜ਼ਰ ਆ ਚੁੱਕੇ ਹਨ। ਜਦੋਂ ਅਲੀ ‘ਬਿੱਗ ਬੌਸ 15’ ਵਿੱਚ ਵਾਈਲਡ ਕਾਰਡ ਪ੍ਰਤੀਯੋਗੀ ਦੇ ਰੂਪ ਵਿੱਚ ਆਏ ਸਨ ਤਾਂ ਕਿਹਾ ਜਾ ਰਿਹਾ ਸੀ ਕਿ ਉਹ ਅਤੇ ਜੈਸਮੀਨ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਪਰ ਸ਼ੋਅ ਵਿੱਚ ਰਹਿੰਦੇ ਹੋਏ ਜੈਸਮੀਨ ਅਤੇ ਅਲੀ ਇੱਕ ਦੂਜੇ ਨੂੰ ਹਮੇਸ਼ਾ ਚੰਗੇ ਦੋਸਤ ਕਹਿੰਦੇ ਹਨ। ਪਰ ਜਿਵੇਂ-ਜਿਵੇਂ ਸ਼ੋਅ ਅੱਗੇ ਵਧਦਾ ਗਿਆ, ਦੋਵਾਂ ਦੀ ਨੇੜਤਾ ਵਧਦੀ ਗਈ। ‘ਬਿੱਗ ਬੌਸ 15’ ਦੇ ਅੰਤ ਤੋਂ ਬਾਅਦ, ਅਲੀ ਅਤੇ ਜੈਸਮੀਨ ਨੂੰ ਕਈ ਮਿਊਜ਼ਿਕ ਵੀਡੀਓਜ਼, ਸ਼ੋਅਜ਼, ਇਵੈਂਟਸ ਅਤੇ ਇਸ਼ਤਿਹਾਰਾਂ ਵਿੱਚ ਇਕੱਠੇ ਦੇਖਿਆ ਗਿਆ ਸੀ। ਅਕਸਰ ਦੋਹਾਂ ਨੂੰ ਇਕੱਠੇ ਘੁੰਮਦੇ ਵੀ ਦੇਖਿਆ ਜਾਂਦਾ ਸੀ। ਜਿਸ ਕਾਰਨ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਇਹ ਜੋੜਾ ਪੂਰੀ ਤਰ੍ਹਾਂ ਨਾਲ ਇੱਕ ਦੂਜੇ ਦੇ ਪਿਆਰ ਵਿੱਚ ਹੈ। ਪ੍ਰਸ਼ੰਸਕ ਵੀ ਉਨ੍ਹਾਂ ਦੀ ਜੋੜੀ ਨੂੰ ਕਾਫੀ ਪਸੰਦ ਕਰਨ ਲੱਗੇ ਹਨ।
ਆਖਿਰਕਾਰ, ਪ੍ਰਸ਼ੰਸਕਾਂ ਦੀਆਂ ਇੱਛਾਵਾਂ ਪੂਰੀਆਂ ਹੋਈਆਂ, ਜਦੋਂ ਅਲੀ ਨੇ ਅਧਿਕਾਰਤ ਤੌਰ ‘ਤੇ ਆਪਣੇ ਅਤੇ ਜੈਸਮੀਨ ਦੇ ਵਿਆਹ ‘ਤੇ ਮੋਹਰ ਲਗਾ ਦਿੱਤੀ ਹੈ। ਅਲੀ ਗੋਨੀ ਨੇ ਇੰਸਟਾਗ੍ਰਾਮ ਸਟੋਰੀ ਸ਼ੇਅਰ ਕਰਦੇ ਹੋਏ ਕਿਹਾ ਕਿ ਆਖਿਰਕਾਰ ਗਾਈਜ਼ ਗੱਲ ਪੱਕੀ ਹੋ ਗਈ। ਮੈਂ ਅਤੇ ਜੈਸਮੀਨ ਨੇ ਮਾਪਿਆਂ ਨੂੰ ਦੱਸਿਆ ਹੈ। ਅਸੀਂ ਬਹੁਤ ਖੁਸ਼ ਹਾਂ। ਅਸੀਂ ਅਜੇ ਸੱਦਾ ਪੱਤਰ ਵੰਡਣੇ ਹਨ, ਪਰ ਅਸੀਂ ਸੋਚਿਆ ਹੈ ਕਿ ਸਾਨੂੰ ਦੋਵਾਂ ਨੂੰ ਡਿਜੀਟਲ ਤੌਰ ‘ਤੇ ਸਭ ਨੂੰ ਸੂਚਿਤ ਕਰਨਾ ਚਾਹੀਦਾ ਹੈ। ਇੰਨੀ ਜ਼ਿਆਦਾ ਚਰਚਾ ਦੇ ਵਿਚਕਾਰ ਅਲੀ ਗੋਨੀ ਨੇ ਇਹ ਨਹੀਂ ਦੱਸਿਆ ਕਿ ਉਹ ਅਤੇ ਜੈਸਮੀਨ ਦਾ ਵਿਆਹ ਕਦੋਂ ਹੋ ਰਿਹਾ ਹੈ। ਪਰ ਇਹ ਤੈਅ ਹੈ ਕਿ ਅਲੀ ਅਤੇ ਜੈਸਮੀਨ ਟੀਵੀ ਕਪਲ ਤੋਂ ਰੀਅਲ ਲਾਈਫ ਕਪਲ ਬਣਨ ਲਈ ਪੂਰੀ ਤਰ੍ਹਾਂ ਤਿਆਰ ਹਨ। ਪ੍ਰਸ਼ੰਸਕ ਉਨ੍ਹਾਂ ਦੇ ਵਿਆਹ ਨੂੰ ਲੈ ਕੇ ਉਤਸ਼ਾਹਿਤ ਹਨ।
