AR rahman daughter wedding: ਮਈ ਦੇ ਮਹੀਨੇ ਏਆਰ ਰਹਿਮਾਨ ਦੀ ਬੇਟੀ ਖਤੀਜਾ ਰਹਿਮਾਨ ਨੇ ਆਡੀਓ ਇੰਜੀਨੀਅਰ ਰਿਆਸਦੀਨ ਸ਼ੇਖ ਮੁਹੰਮਦ ਨਾਲ ਵਿਆਹ ਕਰ ਕੇ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕੀਤੀ। ਇਸ ਦੇ ਨਾਲ ਹੀ ਵਿਆਹ ਤੋਂ ਬਾਅਦ ਏਆਰ ਰਹਿਮਾਨ ਨੇ ਬੇਟੀ ਲਈ ਗ੍ਰੈਂਡ ਰਿਸੈਪਸ਼ਨ ਪਾਰਟੀ ਰੱਖੀ। ਖਤੀਜਾ ਅਤੇ ਰਿਆਸਦੀਨ ਸ਼ੇਖ ਮੁਹੰਮਦ ਦੇ ਵਿਆਹ ਦੀ ਰਿਸੈਪਸ਼ਨ 10 ਜੂਨ ਨੂੰ ਸੀ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਗਈਆਂ ਹਨ।
ਏ.ਆਰ ਰਹਿਮਾਨ ਨੇ ਖਤੀਜਾ ਅਤੇ ਰਿਆਸਦੀਨ ਦੀ ਰਿਸੈਪਸ਼ਨ ਚੇਨਈ ‘ਚ ਰੱਖੀ ਸੀ, ਜਿੱਥੇ ਉਨ੍ਹਾਂ ਦੇ ਕੁਝ ਕਰੀਬੀ ਅਤੇ ਦੋਸਤਾਂ ਨੇ ਸ਼ਿਰਕਤ ਕੀਤੀ। ਖਾਸ ਗੱਲ ਇਹ ਹੈ ਕਿ ਰਿਸੈਪਸ਼ਨ ਪਾਰਟੀ ਨੂੰ ਏ ਆਰ ਰਹਿਮਾਨ ਨੇ ਮਿਊਜ਼ੀਕਲ ਪਾਰਟੀ ‘ਚ ਬਦਲ ਦਿੱਤਾ ਸੀ। ਖਤੀਜਾ ਅਤੇ ਰਿਆਸਦੀਨ ਦੇ ਰਿਸੈਪਸ਼ਨ ‘ਚ ਮਿਊਜ਼ਿਕ ਇੰਡਸਟਰੀ ਦੇ ਕਈ ਮੰਨੇ-ਪ੍ਰਮੰਨੇ ਗਾਇਕਾਂ ਨੇ ਆਪਣੀ ਦਮਦਾਰ ਪਰਫਾਰਮੈਂਸ ਨਾਲ ਬੰਧਨ ਬੰਨ੍ਹਿਆ।
ਖਤੀਜਾ ਦੇ ਜੀਵਨ ਦੇ ਖਾਸ ਪਲਾਂ ‘ਤੇ ਬਾਲੀਵੁੱਡ ਗਾਇਕ ਉਦਿਤ ਨਾਰਾਇਣ, ਜਾਵੇਦ ਅਲੀ, ਸੋਨੂੰ ਨਿਗਮ, ਹਨੀ ਸਿੰਘ, ਸੰਗੀਤਕਾਰ ਸ਼ਿਵਮਣੀ ਅਤੇ ਜਤਿਨ ਪੰਡਿਤ ਨੇ ਸ਼ਾਮ ਨੂੰ ਵਧਾਇਆ। ਇਸ ਤੋਂ ਇਲਾਵਾ ਪਾਰਟੀ ‘ਚ ਮਨੀਸ਼ਾ ਕੋਇਰਾਲਾ, ਫਿਲਮਕਾਰ ਮਨੀ ਰਤਨਮ ਅਤੇ ਸ਼ੇਖਰ ਕਪੂਰ ਵੀ ਨਜ਼ਰ ਆਏ। ਇਸ ਦੇ ਨਾਲ ਹੀ ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਐਮਕੇ ਸਟਾਲਿਨ ਵੀ ਲਾੜਾ-ਲਾੜੀ ਨੂੰ ਆਸ਼ੀਰਵਾਦ ਦੇਣ ਲਈ ਪਹੁੰਚੇ। ਹਨੀ ਸਿੰਘ ਨੇ ਵੀ ਇੰਸਟਾਗ੍ਰਾਮ ‘ਤੇ ਰਿਸੈਪਸ਼ਨ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਜੋੜੇ ਨੂੰ ਆਸ਼ੀਰਵਾਦ ਦਿੱਤਾ ਹੈ।
