Aryan Khan Debut news: ਸ਼ਾਹਰੁਖ ਖਾਨ ਦਾ ਬੇਟਾ ਆਰੀਅਨ ਖਾਨ ਇਕ ਵਾਰ ਫਿਰ ਸੁਰਖੀਆਂ ‘ਚ ਹੈ। ਇਸ ਦੇ ਪਿੱਛੇ ਉਸ ਦਾ ਡੈਬਿਊ ਹੈ। ਜਿਵੇਂ ਕਿ ਉਨ੍ਹਾਂ ਦੇ ਪਿਤਾ ਯਾਨੀ ਸ਼ਾਹਰੁਖ ਖਾਨ ਪਹਿਲਾਂ ਵੀ ਕਈ ਵਾਰ ਕਹਿ ਚੁੱਕੇ ਹਨ ਕਿ ਆਰੀਆ ਖਾਨ ਨੂੰ ਐਕਟਿੰਗ ਵਿੱਚ ਕੋਈ ਦਿਲਚਸਪੀ ਨਹੀਂ ਹੈ।
ਸ਼ਾਹਰੁਖ ਨੇ ਕਿਹਾ ਕਿ ਉਨ੍ਹਾਂ ਦਾ ਬੇਟਾ ਫਿਲਮ ਨਿਰਮਾਣ ਵੱਲ ਜ਼ਿਆਦਾ ਝੁਕਾਅ ਰੱਖਦਾ ਹੈ। ਕਾਫੀ ਸਮੇਂ ਤੋਂ ਖਬਰਾਂ ਆ ਰਹੀਆਂ ਹਨ ਕਿ ਆਰੀਅਨ ਖਾਨ ਡਾਇਰੈਕਟ ਕਰਨਗੇ। ਹੁਣ ਤਾਜ਼ਾ ਰਿਪੋਰਟ ਮੁਤਾਬਕ ਆਰੀਅਨ ਨੇ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਵੱਲ ਪਹਿਲਾ ਕਦਮ ਪੁੱਟਿਆ ਹੈ। ਕਿਹਾ ਜਾ ਰਿਹਾ ਹੈ ਕਿ ਆਰੀਅਨ ਗੁਪਤ ਰੂਪ ਨਾਲ ਕਈ ਆਈਡੀਆਂ ‘ਤੇ ਕੰਮ ਕਰ ਰਹੇ ਹਨ। ਜਿਸ ‘ਤੇ ਫੀਚਰ ਫਿਲਮ ਜਾਂ ਵੈੱਬ ਸੀਰੀਜ਼ ਬਣਾਉਣ ਦੀ ਸਮਰੱਥਾ ਹੈ। ਇੰਨਾ ਹੀ ਨਹੀਂ, ਇਹ ਵੀ ਖਬਰ ਹੈ ਕਿ ਆਰੀਅਨ ਖਾਨ ਜਿਸ ਵਿਸ਼ੇ ‘ਤੇ ਕੰਮ ਕਰ ਰਹੇ ਹਨ, ਉਨ੍ਹਾਂ ‘ਚੋਂ ਇਕ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਦੇ ਬੈਨਰ ਹੇਠ ਅਮੇਜ਼ਨ ਪ੍ਰਾਈਮ ਲਈ ਇਕ ਵੈੱਬ ਸੀਰੀਜ਼ ਬਣਾਈ ਜਾਵੇਗੀ। ਫਿਰ ਦੂਜੇ ‘ਤੇ ਇਕ ਫੀਚਰ ਫਿਲਮ ਬਣਾਈ ਜਾਵੇਗੀ।
ਐਮਾਜ਼ਾਨ ਪ੍ਰਾਈਮ ਲਈ ਤਿਆਰ ਕੀਤੀ ਜਾ ਰਹੀ ਵੈੱਬ ਸੀਰੀਜ਼ ਇਕ ਹਾਰਡਕੋਰ ਫੈਨ ਦੀ ਕਹਾਣੀ ਦਿਖਾਏਗੀ, ਜਿਸ ਦੀ ਜ਼ਿੰਦਗੀ ਸਾਹਸ ਨਾਲ ਭਰੀ ਹੋਈ ਹੈ। ਹਾਲਾਂਕਿ ਫ਼ੀਚਰ ਫ਼ਿਲਮ ਦੇ ਬਾਰੇ ‘ਚ ਅਜੇ ਤੱਕ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਜੇਕਰ ਸਭ ਕੁਝ ਸਹੀ ਦਿਸ਼ਾ ‘ਚ ਚੱਲਦਾ ਰਿਹਾ ਤਾਂ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਇਸ ਸਾਲ ਹੀ ਸ਼ੂਟਿੰਗ ਸ਼ੁਰੂ ਹੋ ਜਾਵੇਗੀ। ਇਹ ਸਿਰਫ ਦੋ ਵਿਸ਼ੇ ਨਹੀਂ ਹਨ ਜਿਨ੍ਹਾਂ ‘ਤੇ ਆਰੀਅਨ ਖਾਨ ਕੰਮ ਕਰ ਰਿਹਾ ਹੈ। ਸਗੋਂ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਦੇ ਰਾਈਟਰਜ਼ ਰੂਮ ‘ਚ ਆਰੀਅਨ ਨਾਲ ਹੋਰ ਮੁੱਦਿਆਂ ‘ਤੇ ਗੱਲਬਾਤ ਚੱਲ ਰਹੀ ਹੈ। ਰਿਪੋਰਟਾਂ ਮੁਤਾਬਕ ਆਰੀਅਨ ਸਹਿ-ਲੇਖਕ ਬਿਲਾਲ ਸਿੱਦੀਕੀ ਨਾਲ ਇਨ੍ਹਾਂ ਵਿਸ਼ਿਆਂ ‘ਤੇ ਕੰਮ ਕਰ ਰਹੇ ਹਨ।
