bad man gulshan grover : ਪੰਜਾਬ ਦੇ ਮਸ਼ਹੂਰ ਗਾਇਕ ਕੁਲਵਿੰਦਰ ਬਿੱਲਾ ਅੱਜ ਕੱਲ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਅਸੀਂ ਗੱਲ ਕਰ ਰਹੇ ਹਾਂ ਉਹਨਾਂ ਦੇ ਨਵੇਂ ਆਏ ਗੀਤ “ਡੁਲਦੀ ਸ਼ਰਾਬ” ਬਾਰੇ। ਇਹ ਗੀਤ ਉਹਨਾਂ ਦੇ ਪ੍ਰਸ਼ੰਸਕਾਂ ਵਲੋਂ ਖੂਬ ਸਰਾਹਿਆ ਜਾ ਰਿਹਾ ਹੈ। ਇਸ ਗਾਣੇ ਦੇ ਕਲਾਕਾਰ: ਕੁਲਵਿੰਦਰ ਬਿੱਲਾ ਅਤੇ ਮੇਹਰਵਾਨੀ ਹਨ। ਗੀਤ ਦੇ ਬੋਲ ਜੰਗ ਸੰਧੂ ਦੇ ਹਨ। ਗਾਣੇ ਦੇ ਸੰਗੀਤ ਨਿਰਦੇਸ਼ਕ ਮਿਕਸ ਸਿੰਘ ਹਨ।
ਸੰਗੀਤ ਰਚਨਾ/ਪ੍ਰਬੰਧ/ਪ੍ਰੋਗਰਾਮ ਅਤੇ ਮਿਸ਼ਰਤ ਵੀ ਮਿਕਸ ਸਿੰਘ ਦੁਆਰਾ ਹੀ ਕੀਤਾ ਗਿਆ ਹੈ। ਗਾਣਾ ਇਸ ਵੇਲੇ ਯੂਟਿਊਬ ਤੇ ਟਰੈਂਡ ਕਰ ਰਿਹਾ ਹੈ। ਗਾਣੇ ਨੇ ਟਰੈਂਡਿੰਗ ਵਿੱਚ 13ਵਾਂ ਸਥਾਨ ਹਾਸਿਲ ਕੀਤਾ ਹੋਇਆ ਹੈ। ਹਾਲ ਹੀ ਦੇ ਵਿੱਚ ਉਹਨਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੇ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਗੁਲਸ਼ਨ ਗਰੋਵਰ ਦੇ ਨਾਲ ਇਕ ਵੀਡੀਓ ਸਾਂਝੀ ਕੀਤੀ ਹੈ ਜਿਸ ਵਿੱਚ ਬਾਲੀਵੁੱਡ ਦੇ ਬੈਡਮੈਨ ਗਾਣੇ ਤੇ ਥਿਰਕਦੇ ਨਜ਼ਰ ਆ ਰਹੇ ਹਨ।
ਵੀਡੀਓ ਵਿੱਚ ਅਸੀਂ ਗੁਲਸ਼ਨ ਗਰੋਵਰ ਦੇ ਨਾਲ-ਨਾਲ ਜਸਬੀਰ ਜੱਸੀ,ਸਚਿਨ ਅਹੂਜਾ ਅਤੇ ਖੁਦ ਕੁਲਵਿੰਦਰ ਨੂੰ ਉਹਨਾਂ ਦੇ ਨਾਲ ਵੇਖ ਸਕਦੇ ਹਾਂ। ਪਰ ਪ੍ਰਸ਼ੰਸਕਾਂ ਨੂੰ ਗੁਲਸ਼ਨ ਗਰੋਵਰ ਦਾ ਇਹ ਅੰਦਾਜ਼ ਕਾਫੀ ਪਸੰਦ ਆ ਰਿਹਾ ਹੈ। ਜਿਥੇ ਉਹਨਾਂ ਨੇ ਆਪਣੇ ਕੰਮ ਨਾਲ ਬਾਲੀਵੁੱਡ ਇੰਡਸਟਰੀ ‘ਚ ਨਾਮ ਕਮਾਇਆ ਹੈ ਉਸੇ ਤਰਾਂ ਪੰਜਾਬੀ ਇੰਡਸਟਰੀ ਵਿੱਚ ਵੀ ਬਹੁਤ ਨਾਮ ਕਮਾਇਆ ਹੈ। ਜਿਕਰਯੋਗ ਹੈ ਕਿ ਸਾਰੇ ਕਲਾਕਾਰ ਗਾਣੇ ਉੱਤੇ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਪ੍ਰਸ਼ੰਸਕਾਂ ਵਲੋਂ ਵੀ ਉਹਨਾਂ ਦੀ ਇਸ ਵੀਡੀਓ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਲੋਕ ਵੱਖ ਵੱਖ ਤਰਾਂ ਦੀਆਂ ਟਿੱਪਣੀਆਂ ਕਰਕੇ ਆਪਣੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ।
ਇਹ ਵੀ ਦੇਖੋ : ਮਸ਼ਹੂਰ ਦੁਕਾਨ ਦੇ ਪਕੌੜਿਆਂ ਚੋਂ ਨਿਕਲੇ ਲਾਲ ਟਿੱਡੇ, ਦੇਖ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼
