Bedhadak film first look: ਆਲੀਆ ਭੱਟ, ਵਰੁਣ ਧਵਨ, ਸਿਧਾਰਥ ਮਲਹੋਤਰਾ, ਜਾਹਨਵੀ ਕਪੂਰ ਅਤੇ ਅਨੰਨਿਆ ਪਾਂਡੇ ਸਮੇਤ ਕਈ ਸਿਤਾਰਿਆਂ ਨੂੰ ਬਾਲੀਵੁੱਡ ਵਿੱਚ ਲਾਂਚ ਕਰਨ ਵਾਲੇ ਨਿਰਮਾਤਾ-ਨਿਰਦੇਸ਼ਕ ਕਰਨ ਜੌਹਰ ਨੇ ਆਪਣੀ ਆਉਣ ਵਾਲੀ ਫਿਲਮ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ਦਾ ਟਾਈਟਲ ‘ਬੇਧੜਕ’ ਹੈ।
ਸੰਜੇ ਕਪੂਰ ਦੀ ਬੇਟੀ ਸ਼ਨਾਇਆ ਕਪੂਰ ਇਸ ਫਿਲਮ ਨਾਲ ਬਾਲੀਵੁੱਡ ‘ਚ ਆਪਣਾ ਨਵਾਂ ਸਫਰ ਸ਼ੁਰੂ ਕਰਨ ਜਾ ਰਹੀ ਹੈ। ਸ਼ਨਾਇਆ ਕਪੂਰ ਦੇ ਡੈਬਿਊ ਦੀ ਕਾਫੀ ਸਮੇਂ ਤੋਂ ਬਾਲੀਵੁੱਡ ‘ਚ ਚਰਚਾ ਹੋ ਰਹੀ ਹੈ। ਖਬਰ ਸੀ ਕਿ ਕਰਨ ਜੌਹਰ ਉਸ ਨੂੰ ਆਪਣੀ ਫਿਲਮ ਤੋਂ ਲਾਂਚ ਕਰਨਗੇ, ਹੁਣ ਕਰਨ ਨੇ ਸ਼ਨਾਇਆ ਕਪੂਰ ਨੂੰ ਸੋਸ਼ਲ ਮੀਡੀਆ ‘ਤੇ ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ। ਕਰਨ ਜੌਹਰ ਨੇ ਬੀਤੇ ਦਿਨੀਂ ਆਪਣੇ ਇੰਸਟਾਗ੍ਰਾਮ ਜ਼ਰੀਏ ਲੋਕਾਂ ਨੂੰ ਦੱਸਿਆ ਸੀ ਕਿ ਉਹ ਜਲਦ ਹੀ ਆਪਣੀ ਨਵੀਂ ਫਿਲਮ ਦਾ ਐਲਾਨ ਕਰਨ ਜਾ ਰਹੇ ਹਨ। ਹੁਣ ਉਨ੍ਹਾਂ ਨੇ ਆਪਣੀ ਆਉਣ ਵਾਲੀ ਫਿਲਮ ਦਾ ਐਲਾਨ ਕੀਤਾ ਹੈ। ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ਨਾਇਆ ਦਾ ਪੋਸਟਰ ਸ਼ੇਅਰ ਕਰਦੇ ਹੋਏ ਕਰਨ ਜੌਹਰ ਨੇ ਲਿਖਿਆ, ‘ਬਹੁਤ ਹੀ ਖੂਬਸੂਰਤ ਸ਼ਨਾਇਆ ਕਪੂਰ ਨਿਮਰਿਤ ਦੇ ਰੂਪ ‘ਚ ਤੁਹਾਡੇ ਸਾਰਿਆਂ ਦੇ ਸਾਹਮਣੇ ਨਿਡਰ ਹੋ ਕੇ ਆ ਰਹੀ ਹੈ। ਇਸ ਤੋਂ ਇਲਾਵਾ ਕਰਨ ਜੌਹਰ ਨੇ ਫਿਲਮ ਦੇ ਤਿੰਨਾਂ ਕਲਾਕਾਰਾਂ ਦਾ ਇੱਕ ਪੋਸਟਰ ਵੀ ਸਾਂਝਾ ਕੀਤਾ ਹੈ।
ਕਰਨ ਜੌਹਰ ਨੇ ਆਪਣੀ ਫਿਲਮ ‘ਬੇਧੜਕ’ ਦਾ ਇਕ ਹੋਰ ਪੋਸਟਰ ਸ਼ੇਅਰ ਕੀਤਾ ਹੈ, ਜਿਸ ‘ਚ ਫਿਲਮ ਦੀ ਪੂਰੀ ਸਟਾਰ ਕਾਸਟ ਮੌਜੂਦ ਹੈ। ਇਸ ਫਿਲਮ ‘ਚ ਸ਼ਨਾਇਆ ਕਪੂਰ ਤੋਂ ਇਲਾਵਾ ਲਕਸ਼ੈ ਅਤੇ ਗੁਰਫਤੇਹ ਪੀਰਜ਼ਾਦਾ ਨਜ਼ਰ ਆਉਣ ਵਾਲੇ ਹਨ। ਕਰਨ ਜੌਹਰ ਦੀ ਫਿਲਮ ‘ਬੇਧੜਕ’ ਦਾ ਇਹ ਨਵਾਂ ਪੋਸਟਰ ਇਕ ਵਾਰ ਫਿਰ ‘ਸਟੂਡੈਂਟ ਆਫ ਦਿ ਈਅਰ’ ਦਾ ਅਹਿਸਾਸ ਲੋਕਾਂ ਦੇ ਦਿਲਾਂ ‘ਚ ਦੇ ਰਿਹਾ ਹੈ। ਤਿੰਨਾਂ ਦੇ ਇਸ ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਕਰਨ ਜੌਹਰ ਨੇ ਲਿਖਿਆ, ‘ਅਸੀਂ ਤੁਹਾਡੇ ਲਈ ਨਵੇਂ ਯੁੱਗ ਦਾ ਪੋਸਟਰ ਲੈ ਕੇ ਆ ਰਹੇ ਹਾਂ, ਜੋ ਜੋਸ਼, ਤੀਬਰਤਾ ਨਾਲ ਭਰਪੂਰ ਹੈ। ਇਸ ਪੋਸਟਰ ‘ਚ ਸ਼ਨਾਇਆ ਕਪੂਰ ਦਾ ਗਲੈਮਰਸ ਲੁੱਕ ਦੇਖਣ ਨੂੰ ਮਿਲ ਰਿਹਾ ਹੈ। ਸ਼ਨਾਇਆ ਕਪੂਰ ਨੇ ਵੀ ਇਸ ਫਿਲਮ ਦਾ ਪੋਸਟਰ ਆਪਣੇ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ। ਇਸ ਫਿਲਮ ਨੂੰ ਡਾਇਰੈਕਟ ਕਰਨ ਦੇ ਨਾਲ-ਨਾਲ ਸ਼ਸ਼ਾਂਕ ਖੇਤਾਨ ਨੇ ਇਸ ਫਿਲਮ ਦੀ ਕਹਾਣੀ ਵੀ ਲਿਖੀ ਹੈ।
