Amitabh Book 6 Flights : ਕੋਰੋਨਾ ਦੀ ਵਜ੍ਹਾ ਨਾਲ ਦੇਸ਼ਭਰ ਵਿੱਚ ਫਸੇ ਪਰਵਾਸੀ ਮਜਦੂਰਾਂ ਦੀ ਮਦਦ ਲਈ ਸੈਲੇਬਸ ਅੱਗੇ ਆ ਰਹੇ ਹਨ। ਸੋਨੂ ਸੂਦ, ਪ੍ਰਕਾਸ਼ ਰਾਜ, ਸਵਰਾ ਭਾਸਕਰ ਅਤੇ ਅਮਿਤਾਭ ਬੱਚਨ ਅਜਿਹੇ ਸਿਤਾਰੇ ਹਨ, ਜਿਨ੍ਹਾਂ ਨੇ ਪ੍ਰਵਾਸੀਆਂ ਨੂੰ ਉਨ੍ਹਾਂ ਦੇ ਘਰ ਤੱਕ ਪਹੁੰਚਾਉਣ ਦਾ ਜਿੰਮਾ ਚੁੱਕਿਆ ਹੈ। ਅਮਿਤਾਭ ਬੱਚਨ ਪਹਿਲਾਂ ਵੀ ਯੂਪੀ ਦੇ ਪਰਵਾਸੀ ਮਜਦੂਰਾਂ ਨੂੰ ਉਨ੍ਹਾਂ ਦੇ ਘਰ ਪਹੁੰਚਾ ਚੁੱਕੇ ਹਨ।
ਹੁਣ ਬਿੱਗ ਬੀ ਨੇ ਪ੍ਰਵਾਸੀਆਂ ਲਈ 6 ਚਾਰਟਰਡ ਫਲਾਇਟਸ ਅਰੇਂਜ ਕਰਵਾਈਆਂ ਹਨ। ਅਮਿਤਾਭ ਬੱਚਨ ਦੇ ਨਿਰਦੇਸ਼ ਅਨੁਸਾਰ, ਉਨ੍ਹਾਂ ਦੀ ਕੰਪਨੀ ਏਬੀ ਕਾਰਪੋਰੇਸ਼ਨ ਲਿਮੀਟੇਡ ਦੇ ਮੈਨੇਜਿੰਗ ਡਾਇਰੈਕਟਰ ਰਾਜੇਸ਼ ਯਾਦਵ ਨੇ ਇਸ 6 ਚਾਰਟਰਡ ਫਲਾਇਟਸ ਦਾ ਇੰਤਜ਼ਾਮ ਕੀਤਾ ਹੈ। ਤਾਂਕਿ ਯੂਪੀ ਦੇ ਰਹਿਣ ਵਾਲੇ ਪਰਵਾਸੀ ਮਜਦੂਰਾਂ ਨੂੰ ਵੱਖ ਵੱਖ ਜਗ੍ਹਾਵਾਂ ਤੋਂ ਏਅਰਲਿਫਟ ਕੀਤਾ ਜਾ ਸਕੇ। ਬੁੱਧਵਾਰ ਸਵੇਰੇ ਦੋ ਫਲਾਇਟਸ ਨੂੰ ਰਵਾਨਾ ਕਰ ਦਿੱਤਾ ਗਿਆ ਹੈ। ਤੀਜੀ ਚਾਰਟਰਡ ਫਲਾਇਟ ਅੱਜ ਦੁਪਹਿਰ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਟੇਕ ਆਫ ਕਰੇਗੀ।
ਇਸ ਦੌਰਾਨ ਉੱਥੇ ਏਬੀ ਕਾਰਪੋਰੇਸ਼ਨ ਲਿਮੀਟੇਡ ਦੇ ਮੈਨੇਜਿੰਗ ਡਾਇਰੈਕਟਰ ਰਾਜੇਸ਼ ਯਾਦਵ ਉੱਥੇ ਮੌਜੂਦ ਰਹਿਣਗੇ। ਇਸ ਤੋਂ ਪਹਿਲਾਂ ਬਿੱਗ ਬੀ ਨੇ ਸੜਕ ਦੇ ਰਸਤੇ ਯੂਪੀ ਦੇ ਪ੍ਰਵਾਸੀਆਂ ਨੂੰ ਉਨ੍ਹਾਂ ਦੇ ਘਰ ਪਹੁੰਚਾਇਆ ਸੀ। ਕੁੱਝ ਦਿਨ ਪਹਿਲਾਂ ਪ੍ਰਵਾਸੀਆਂ ਲਈ ਅਮਿਤਾਭ ਬੱਚਨ ਅਤੇ ਉਨ੍ਹਾਂ ਦੇ ਆਫਿਸ ਏਬੀ ਕਾਰਪੋਰੇਸ਼ਨ ਲਿਮੀਟੇਡ ਦੇ ਵੱਲੋਂ ਮੁੰਬਈ ਤੋਂ 10 ਬੱਸਾਂ ਯੂਪੀ ਲਈ ਰਵਾਨਾ ਕੀਤੀਆਂ ਗਈਆਂ ਸਨ। ਇਸ ਕੰਮ ਨੂੰ ਮਾਹਿਮ ਦਰਗਾਹ ਟਰੱਸਟ ਅਤੇ ਹਾਜੀ ਅਲੀ ਦਰਗਾਹ ਟਰੱਸਟ ਦੇ ਨਾਲ ਮਿਲਕੇ ਕੀਤਾ ਗਿਆ ਸੀ।
ਇਸ ਦੌਰਾਨ ਪ੍ਰਵਾਸੀਆਂ ਦੇ ਬੱਸਾਂ ਵਿੱਚ ਬੈਠਕੇ ਰਵਾਨਾ ਹੁੰਦੇ ਹੋਏ ਕਈ ਸਾਰੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਸਨ। ਵਰਕਫਰੰਟ ਉੱਤੇ ਗੱਲ ਕਰੀਏ ਤਾਂ 12 ਜੂਨ ਨੂੰ ਅਮਿਤਾਭ ਬੱਚਨ ਦੀ ਮਚਅਵੇਟੇਡ ਫਿਲਮ ਗੁਲਾਬੋ ਸਿਤਾਬੋ ਰਿਲੀਜ਼ ਹੋ ਰਹੀ ਹੈ। ਇਸ ਵਿੱਚ ਉਨ੍ਹਾਂ ਦੇ ਨਾਲ ਆਯੁਸ਼ਮਾਨ ਖੁਰਾਣਾ ਨਜ਼ਰ ਆਉਣਗੇ। ਇਸ ਦਾ ਨਿਰਦੇਸ਼ਨ ਸ਼ੂਜਿਤ ਸਰਕਾਰ ਨੇ ਕੀਤਾ ਹੈ। ਦਸ ਦੇਈਏ ਕਿ ਅਮਿਤਾਭ ਬੱਚਨ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇੱਕ ਅਪਡੇਟ ਕਰਦੇ ਰਹਿੰਦੇ ਹਨ। ਅਮਿਤਾਭ ਬੱਚਨ ਦੀ ਸੋਸ਼ਲ ਮੀਡੀਆ ਉੱਤੇ ਕਾਫੀ ਜ਼ਿਆਦਾ ਫੈਨ ਫਾਲੋਇੰਗ ਹੈ।
