Happy Birthday Emraan Hashmi : ਬਾਲੀਵੁੱਡ ਅਭਿਨੇਤਾ ਇਮਰਾਨ ਹਾਸ਼ਮੀ ਦਾ ਜਨਮ 24 ਮਾਰਚ 1979 ਨੂੰ ਮੁੰਬਈ ਦੇ ਇੱਕ ਮੁਸਲਿਮ ਪਰਿਵਾਰ ਵਿੱਚ ਹੋਇਆ ਸੀ। ਅੱਜ ਉਹ ਆਪਣਾ 43ਵਾਂ ਜਨਮਦਿਨ ਮਨਾ ਰਹੇ ਹਨ। ਇਮਰਾਨ ਹਾਸ਼ਮੀ ਨੇ ਆਪਣੇ ਫਿਲਮੀ ਕਰੀਅਰ ‘ਚ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਇਸ ‘ਚ ‘ਰਾਜ਼ 3’, ‘ਮਰਡਰ’, ‘ਕਲਯੁਗ’, ‘ਵਨਸ ਅਪੋਨ ਏ ਟਾਈਮ ਇਨ ਮੁੰਬਈ’ ਵਰਗੀਆਂ ਫਿਲਮਾਂ ਸ਼ਾਮਲ ਹਨ। ਆਪਣੇ ਦੋ ਦਹਾਕਿਆਂ ਦੇ ਕਰੀਅਰ ‘ਚ ਹੁਣ ਤੱਕ ਇਮਰਾਨ ਨੇ 40 ਦੇ ਕਰੀਬ ਫਿਲਮਾਂ ਕੀਤੀਆਂ ਹਨ ਪਰ ਉਨ੍ਹਾਂ ਨੂੰ ‘ਸੀਰੀਅਲ ਕਿਸਰ’ ਬਣ ਕੇ ਹੀ ਪ੍ਰਸਿੱਧੀ ਮਿਲੀ ਹੈ। ਇਮਰਾਨ ਜਲਦ ਹੀ ਅਕਸ਼ੈ ਕੁਮਾਰ ਨਾਲ ਸਕ੍ਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਦੋਵੇਂ ਇਕੱਠੇ ‘ਸੈਲਫੀ’ ਨਾਂ ਦੀ ਫਿਲਮ ਕਰ ਰਹੇ ਹਨ, ਜਿਸ ‘ਚ ਡਾਇਨਾ ਪੇਂਟੀ ਅਤੇ ਨੁਸਰਤ ਭਰੂਚਾ ਵੀ ਨਜ਼ਰ ਆਉਣਗੇ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਮਰਾਨ ਕਦੇ ਵੀ ਐਕਟਰ ਨਹੀਂ ਬਣਨਾ ਚਾਹੁੰਦੇ ਸਨ।
ਦਸ ਦੇਈਏ ਕੀ ਇੱਕ ਇੰਟਰਵਿਊ ਦੌਰਾਨ ਇਮਰਾਨ ਨੇ ਇੱਕ ਵਾਰ ਦੱਸਿਆ ਸੀ ਕਿ ਉਹ ਕੈਮਰੇ ਦਾ ਸਾਹਮਣਾ ਕਰਨ ਤੋਂ ਡਰਦੇ ਸਨ। ਹਾਲਾਂਕਿ ਇਮਰਾਨ ਨੇ ਬਾਲ ਕਲਾਕਾਰ ਦੇ ਤੌਰ ‘ਤੇ ਕਈ ਵਿਗਿਆਪਨ ਕੀਤੇ ਸਨ ਪਰ ਉਨ੍ਹਾਂ ਨੂੰ ਲੋਕਾਂ ਦੁਆਰਾ ਜੱਜ ਕੀਤੇ ਜਾਣ ਦਾ ਡਰ ਸੀ। ਉਹ ਸੋਚਦਾ ਸੀ ਕਿ ਉਹ ਅਦਾਕਾਰੀ ਲਈ ਤਿਆਰ ਨਹੀਂ ਹੈ। ਇਸੇ ਡਰ ਕਾਰਨ ਇਮਰਾਨ ਹਾਸ਼ਮੀ ਨੇ ਆਪਣਾ ਨਾਂ ਬਦਲ ਕੇ ਫਰਹਾਨ ਹਾਸ਼ਮੀ ਰੱਖ ਲਿਆ, ਕਿਉਂਕਿ ਇਕ ਪੰਡਿਤ ਜੀ ਨੇ ਉਨ੍ਹਾਂ ਨੂੰ ਅਜਿਹਾ ਕਰਨ ਲਈ ਕਿਹਾ ਸੀ। ਦਰਅਸਲ ਪੰਡਿਤ ਜੀ ਨੇ ਦੋ ਵਿਕਲਪ ਦਿੱਤੇ ਸਨ। ਜਾਂ ਤਾਂ ਨਾਮ ਫਰਹਾਨ ਰੱਖੋ ਜਾਂ ਇਮਰਾਨ ਦੇ ਨਾਮ ਵਿੱਚ ‘ਏ’ ਲਗਾਓ। ਫਿਰ ਸਾਲ 2001 ‘ਚ ਉਹ ‘ਯੇ ਜ਼ਿੰਦਗੀ ਕਾ ਸਫਰ’ ਨਾਂ ਦੀ ਫਿਲਮ ਨਾਲ ਡੈਬਿਊ ਕਰਨ ਵਾਲੇ ਸਨ ਪਰ ਬਾਅਦ ‘ਚ ਫਿਲਮ ਨਿਰਮਾਤਾ ਨੇ ਉਨ੍ਹਾਂ ਨੂੰ ਫਿਲਮ ਤੋਂ ਕੱਢ ਦਿੱਤਾ।
ਇਸ ਤੋਂ ਬਾਅਦ ਇਮਰਾਨ ਹਾਸ਼ਮੀ ਨੇ 2003 ‘ਚ ਆਈ ਫਿਲਮ ‘ਫੁਟਪਾਥ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ, ਜੋ ਬਾਕਸ ਆਫਿਸ ‘ਤੇ ਫਲਾਪ ਰਹੀ ਸੀ। ਇਮਰਾਨ ਨੇ ਆਪਣਾ ਨਾਂ ਫਰਹਾਨ ਤੋਂ ਬਦਲ ਕੇ ਫਿਰ ਤੋਂ ਇਮਰਾਨ ਰੱਖਿਆ, ਪਰ ਇਸ ਵਾਰ ‘ਏ’ ਨਾਲ। ਇਸ ਤੋਂ ਬਾਅਦ ਇਮਰਾਨ ਨੇ ਸਾਲ 2007 ‘ਚ ‘ਮਰਡਰ’, ‘ਜ਼ਹਿਰ’, ‘ਆਸ਼ਿਕ ਬਨਾਇਆ ਆਪਨੇ’, ‘ਗੈਂਗਸਟਰ’ ਅਤੇ ਫਿਰ ‘ਅਵਾਰਪਨ’ ਵਰਗੀਆਂ ਫਿਲਮਾਂ ਕੀਤੀਆਂ। ਸਾਰੀਆਂ ਫ਼ਿਲਮਾਂ ਹਿੱਟ ਹੋ ਗਈਆਂ। ਇਮਰਾਨ ਹਾਸ਼ਮੀ ਦੀ ਫੈਨ ਫਾਲੋਇੰਗ ‘ਚ ਵੀ ਜ਼ਬਰਦਸਤ ਵਾਧਾ ਦੇਖਣ ਨੂੰ ਮਿਲਿਆ। 2012 ‘ਚ ਆਈ ਫਿਲਮ ‘ਰਾਜ਼ 3’ ‘ਚ ਇਮਰਾਨ ਹਾਸ਼ਮੀ ਨੇ ਅਭਿਨੇਤਰੀ ਈਸ਼ਾ ਗੁਪਤਾ ਨਾਲ ਸਭ ਤੋਂ ਲੰਬਾ ਕਿਸਿੰਗ ਸੀਨ ਦਿੱਤਾ ਸੀ। ਉਦੋਂ ਤੋਂ ਉਨ੍ਹਾਂ ਨੂੰ ‘ਸੀਰੀਅਲ ਕਿਸਰ’ ਮੰਨਿਆ ਜਾਣ ਲੱਗਾ।
