Happy birthday Madhoo : ਬਾਲੀਵੁੱਡ ਦੀਆਂ ਕਈ ਅਜਿਹੀਆਂ ਅਭਿਨੇਤਰੀਆਂ ਹਨ, ਜਿਨ੍ਹਾਂ ਨੇ ਪਹਿਲੀ ਫਿਲਮ ਨਾਲ ਬਾਲੀਵੁੱਡ ‘ਚ ਦਮਦਾਰ ਐਂਟਰੀ ਕੀਤੀ ਅਤੇ ਰਾਤੋ-ਰਾਤ ਸਟਾਰ ਬਣ ਗਈ। ਹਾਲਾਂਕਿ ਇਸ ਤੋਂ ਬਾਅਦ ਉਹ ਆਪਣੇ ਕਰੀਅਰ ‘ਚ ਕੁਝ ਖਾਸ ਨਹੀਂ ਦਿਖਾ ਸਕੀ ਅਤੇ ਹੌਲੀ-ਹੌਲੀ ਐਕਟਿੰਗ ਤੋਂ ਦੂਰੀ ਬਣਾ ਲਈ। ਮਧੂ ਵੀ ਅਜਿਹੀਆਂ ਹੀ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਉਸਨੇ ਅਜੇ ਦੇਵਗਨ ਨਾਲ ਪਹਿਲੀ ਫਿਲਮ ਵਿੱਚ ਡੈਬਿਊ ਕੀਤਾ ਸੀ। ਉਸ ਸਮੇਂ ‘ਫੂਲ ਔਰ ਕਾਂਟੇ’ ਅਤੇ ‘ਰੋਜਾ’ ਵਰਗੀਆਂ ਫਿਲਮਾਂ ਕਰਕੇ ਮਧੂ ਸਾਰਿਆਂ ਦੀ ਪਸੰਦੀਦਾ ਅਦਾਕਾਰਾ ਬਣ ਚੁੱਕੀ ਸੀ। ਮਧੂ ਅੱਜ ਆਪਣਾ 52ਵਾਂ ਜਨਮਦਿਨਮਨਾ ਰਹੀ ਹੈ। ਮਧੂ ਦਾ ਅਸਲੀ ਨਾਂ ਮਧੂਬਾਲਾ ਰਘੂਨਾਥ ਹੈ। ਉਸਨੇ ਹਿੰਦੀ ਫਿਲਮਾਂ ਤੋਂ ਇਲਾਵਾ ਤਾਮਿਲ, ਮਲਿਆਲਮ, ਤੇਲਗੂ ਅਤੇ ਕੰਨੜ ਫਿਲਮਾਂ ਵੀ ਕੀਤੀਆਂ ਹਨ।
ਦਸ ਦੇਈਏ ਕਿ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਮਧੂ ਦਾ ਹੇਮਾ ਮਾਲਿਨੀ ਅਤੇ ਜੂਹੀ ਚਾਵਲਾ ਨਾਲ ਖਾਸ ਰਿਸ਼ਤਾ ਹੈ। ਮਧੂ ਹੇਮਾ ਮਾਲਿਨੀ ਦੀ ਭਤੀਜੀ ਅਤੇ ਜੂਹੀ ਚਾਵਲਾ ਦੀ ਭਾਬੀ ਹੈ। ਕੁਝ ਹਿੰਦੀ ਫਿਲਮਾਂ ਵਿੱਚ ਕੰਮ ਕਰਨ ਤੋਂ ਇਲਾਵਾ, ਮਧੂ ਨੇ 50 ਤੋਂ ਵੱਧ ਮਲਿਆਲਮ ਅਤੇ ਤਾਮਿਲ ਫਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ।1999 ਵਿੱਚ ਮਧੂ ਨੇ ਆਨੰਦ ਸ਼ਾਹ ਨਾਲ ਵਿਆਹ ਕੀਤਾ। ਆਨੰਦ ਸ਼ਾਹ ਪੇਸ਼ੇ ਤੋਂ ਕਾਰੋਬਾਰੀ ਹਨ। ਵਿਆਹ ਤੋਂ ਬਾਅਦ ਮਧੂ ਦੀਆਂ ਦੋ ਬੇਟੀਆਂ ਹੋਈਆਂ ਅਤੇ ਉਹ ਹੌਲੀ-ਹੌਲੀ ਬਾਲੀਵੁੱਡ ਤੋਂ ਦੂਰ ਹੋ ਗਈ। ਇਸ ਤੋਂ ਬਾਅਦ ਵੀ ਉਨ੍ਹਾਂ ਨੇ ਕੁਝ ਫਿਲਮਾਂ ਕੀਤੀਆਂ। ਜਿਸ ‘ਚ ‘ਕਭੀ ਸੋਚਾ ਨਾ ਥਾ’, ‘ਟੇਲ ਮੀ ਓ ਖੁਦਾ’, ‘ਲਵ ਯੂ ਮਿਸਟਰ’ ਵਰਗੀਆਂ ਫਿਲਮਾਂ ਹਨ। ਮਧੂ ਨੇ ਇਕ ਇੰਟਰਵਿਊ ‘ਚ ਕਿਹਾ ਸੀ, ‘ਮੈਂ ਫਿਲਮਾਂ ਤੋਂ ਬ੍ਰੇਕ ਲਿਆ ਕਿਉਂਕਿ ਉਦੋਂ ਮੇਰੇ ਬੱਚੇ ਛੋਟੇ ਸਨ।
ਇਸ ਦੇ ਨਾਲ ਹੀ ਉਸਨੇ ਕਿਹਾ ਮੈਂ ਸੋਚਿਆ ਸੀ ਕਿ ਕੁਝ ਸਾਲਾਂ ਬਾਅਦ ਵਾਪਸ ਆਵਾਂਗੀ ਪਰ ਅਜਿਹਾ ਨਾ ਹੋ ਸਕਿਆ। ਮਧੂ ਨੇ ਲੰਬੇ ਬ੍ਰੇਕ ਤੋਂ ਬਾਅਦ ਟੀਵੀ ਰਾਹੀਂ ਵਾਪਸੀ ਕੀਤੀ। 2017 ਵਿੱਚ, ਉਸਨੇ ਸਟਾਰ ਪਲੱਸ ‘ਤੇ ਸੀਰੀਅਲ ‘ਆਰੰਭ’ ਨਾਲ ਕੰਮ ਸ਼ੁਰੂ ਕੀਤਾ, ਹਾਲਾਂਕਿ ਇਹ ਸੀਰੀਅਲ ਜਲਦੀ ਹੀ ਬੰਦ ਹੋ ਗਿਆ। ਮਧੂ ਜੈਲਲਿਤਾ ਦੀ ਬਾਇਓਪਿਕ ‘ਥਲਾਈਵੀ’ ‘ਚ ਵੀ ਨਜ਼ਰ ਆ ਚੁੱਕੀ ਹੈ। ਅਜਿਹਾ ਨਹੀਂ ਹੈ ਕਿ ਮਧੂ ਨੇ ਆਪਣੀ ਜ਼ਿੰਦਗੀ ‘ਚ ਬੁਰਾ ਸਮਾਂ ਨਹੀਂ ਦੇਖਿਆ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਕ ਸਮਾਂ ਅਜਿਹਾ ਵੀ ਸੀ ਜਦੋਂ ਮਧੂ ਦੇ ਪਤੀ ਦਾ ਕਾਰੋਬਾਰ ਬੁਰੀ ਤਰ੍ਹਾਂ ਡੁੱਬ ਗਿਆ ਸੀ। ਇਸ ਤੋਂ ਬਾਅਦ ਉਸਨੇ ਕੁਝ ਪ੍ਰੋਜੈਕਟਾਂ ਵਿੱਚ ਕੰਮ ਕਰਨਾ ਸ਼ੁਰੂ ਕੀਤਾ। ਹਾਲਾਂਕਿ, ਹੌਲੀ-ਹੌਲੀ ਉਸ ਦੇ ਪਤੀ ਦਾ ਕਾਰੋਬਾਰ ਵੀ ਪਟੜੀ ‘ਤੇ ਆ ਗਿਆ ਅਤੇ ਸਭ ਕੁਝ ਠੀਕ ਹੋ ਗਿਆ।
