Happy birthday Poonam Dhillon : ਪੂਨਮ ਢਿੱਲੋਂ ਉਹ ਬਾਲੀਵੁੱਡ ਅਭਿਨੇਤਰੀ ਹੈ, ਜਿਸ ਨੇ ਛੋਟੀ ਉਮਰ ‘ਚ ਬਾਲੀਵੁੱਡ ‘ਚ ਕਦਮ ਰੱਖਿਆ ਅਤੇ ਸਾਰਿਆਂ ਨੂੰ ਆਪਣਾ ਦੀਵਾਨਾ ਬਣਾ ਦਿੱਤਾ। ਪੂਨਮ ਢਿੱਲੋਂ ਨੂੰ ਬਾਲੀਵੁੱਡ ਦੀਆਂ ਸਭ ਤੋਂ ਖੂਬਸੂਰਤ ਅਭਿਨੇਤਰੀਆਂ ‘ਚ ਗਿਣਿਆ ਜਾਂਦਾ ਹੈ। ਪੂਨਮ ਢਿੱਲੋਂ ਨੇ ਮਹਿਜ਼ 16 ਸਾਲ ਦੀ ਉਮਰ ਵਿੱਚ ਮਿਸ ਇੰਡੀਆ ਦਾ ਖਿਤਾਬ ਜਿੱਤਿਆ ਸੀ ਅਤੇ ਇੱਥੋਂ ਹੀ ਉਨ੍ਹਾਂ ਦਾ ਫਿਲਮੀ ਕਰੀਅਰ ਸ਼ੁਰੂ ਹੋਇਆ ਸੀ। 18 ਅਪ੍ਰੈਲ 1962 ਨੂੰ ਕਾਨਪੁਰ ਵਿੱਚ ਜਨਮੀ ਪੂਨਮ ਢਿੱਲੋਂ ਅੱਜ ਆਪਣਾ 60ਵਾਂ ਜਨਮਦਿਨ ਮਨਾ ਰਹੀ ਹੈ। ਉਨ੍ਹਾਂ ਦੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਵਧਾਈ ਦੇ ਰਹੇ ਹਨ।
ਪੂਨਮ ਢਿੱਲੋਂ ਨੂੰ ਯਸ਼ ਚੋਪੜਾ ਨੇ ਫ਼ਿਲਮਾਂ ਵਿੱਚ ਬ੍ਰੇਕ ਦਿੱਤਾ ਸੀ। ਪੂਨਮ ਢਿੱਲੋਂ ਨੇ ਫਿਲਮ ‘ਤ੍ਰਿਸ਼ੂਲ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਪੂਨਮ ਢਿੱਲੋਂ ਨੂੰ ਪੜ੍ਹਾਈ ਕਰਨਾ ਬਹੁਤ ਪਸੰਦ ਸੀ, ਇਸ ਲਈ ਪਹਿਲਾਂ ਤਾਂ ਉਸਨੇ ਯਸ਼ ਚੋਪੜਾ ਦੀ ਫਿਲਮ ਨੂੰ ਠੁਕਰਾ ਦਿੱਤਾ, ਪਰ ਬਾਅਦ ਵਿੱਚ ਉਸਨੇ ਇਹ ਫਿਲਮ ਸਿਰਫ ਇਸ ਸ਼ਰਤ ‘ਤੇ ਕੀਤੀ ਕਿ ਉਹ ਸਕੂਲ ਦੀਆਂ ਛੁੱਟੀਆਂ ਦੌਰਾਨ ਸ਼ੂਟਿੰਗ ਕਰੇਗੀ। ਪੂਨਮ ਢਿੱਲੋਂ ਅਸਲ ਵਿੱਚ ਪੜ੍ਹ ਕੇ ਡਾਕਟਰ ਬਣਨਾ ਚਾਹੁੰਦੀ ਸੀ। ਉਸਦੇ ਪਿਤਾ ਵੀ ਹਵਾਈ ਸੈਨਾ ਵਿੱਚ ਇੱਕ ਏਅਰਕ੍ਰਾਫਟ ਇੰਜੀਨੀਅਰ ਸਨ। ਪਰ ਕਿਸਮਤ ਦੇ ਮਨ ਵਿੱਚ ਕੁਝ ਹੋਰ ਸੀ।
ਪੂਨਮ ਢਿੱਲੋਂ ਨੇ ਇਕ ਇੰਟਰਵਿਊ ‘ਚ ਦੱਸਿਆ ਸੀ ਕਿ ਕਿਸ ਤਰ੍ਹਾਂ ਸ਼ਸ਼ੀ ਕਪੂਰ ਨੇ ਫਿਲਮ ਦੇ ਸੈੱਟ ‘ਤੇ ਉਨ੍ਹਾਂ ਨੂੰ ਥੱਪੜ ਮਾਰਿਆ ਸੀ। ਦਰਅਸਲ, ਇੱਕ ਫਿਲਮ ਦੀ ਸ਼ੂਟਿੰਗ ਦੌਰਾਨ ਸ਼ਸ਼ੀ ਕਪੂਰ ਨੇ ਪੂਨਮ ਢਿੱਲੋਂ ਨੂੰ ਥੱਪੜ ਮਾਰਨਾ ਸੀ ਪਰ ਸ਼ਸ਼ੀ ਕਪੂਰ ਨੇ ਉਸ ਨੂੰ ਕੁਝ ਨਹੀਂ ਦੱਸਿਆ ਅਤੇ ਜਿਵੇਂ ਹੀ ਯਸ਼ ਚੋਪੜਾ ਨੇ ਐਕਸ਼ਨ ਬੋਲਿਆ ਤਾਂ ਉਨ੍ਹਾਂ ਨੇ ਉਸ ਨੂੰ ਥੱਪੜ ਮਾਰ ਦਿੱਤਾ। ਸ਼ਸ਼ੀ ਕਪੂਰ ਨੇ ਉਸ ਨੂੰ ਇਸ ਤਰ੍ਹਾਂ ਥੱਪੜ ਮਾਰਿਆ ਸੀ ਤਾਂ ਕਿ ਇਹ ਸੀਨ ਅਸਲੀ ਦਿਖੇ। ਸ਼ਸ਼ੀ ਕਪੂਰ ਨੇ ਬਾਅਦ ‘ਚ ਪੂਨਮ ਢਿੱਲੋਂ ਤੋਂ ਮੁਆਫੀ ਮੰਗ ਲਈ। ਉਸ ਨੇ ਅਜਿਹਾ ਯਸ਼ ਚੋਪੜਾ ਦੇ ਕਹਿਣ ‘ਤੇ ਕੀਤਾ ਸੀ।
ਪੂਨਮ ਢਿੱਲੋਂ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਰਮੇਸ਼ ਸਿੱਪੀ ਨਾਲ ਉਨ੍ਹਾਂ ਦੇ ਰਿਸ਼ਤੇ ਸੁਰਖੀਆਂ ‘ਚ ਸਨ ਪਰ ਪਿਤਾ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਨੇ ਅਸ਼ੋਕ ਠਾਕਰੀਆ ਨਾਲ ਵਿਆਹ ਕਰਵਾ ਲਿਆ। ਵਿਆਹ ਤੋਂ ਬਾਅਦ ਪੂਨਮ ਢਿੱਲੋਂ ਨੇ ਫਿਲਮਾਂ ਤੋਂ ਬ੍ਰੇਕ ਲੈ ਲਿਆ। ਜਦੋਂ ਪੂਨਮ ਢਿੱਲੋਂ ਕਈ ਸਾਲਾਂ ਬਾਅਦ ਫਿਲਮਾਂ ‘ਚ ਵਾਪਸੀ ਕੀਤੀ ਤਾਂ ਉਸ ਦੇ ਪਤੀ ਨੂੰ ਇਹ ਪਸੰਦ ਨਹੀਂ ਸੀ। ਇਸ ਦੇ ਨਾਲ ਹੀ ਮੀਡੀਆ ਰਿਪੋਰਟਾਂ ਮੁਤਾਬਕ ਉਸ ਨੂੰ ਬਾਅਦ ‘ਚ ਆਪਣੇ ਪਤੀ ਦੇ ਐਕਸਟਰਾ ਮੈਰਿਟਲ ਅਫੇਅਰ ਬਾਰੇ ਪਤਾ ਲੱਗਾ। ਇਸ ਕਾਰਨ ਦੋਵਾਂ ਵਿਚਾਲੇ ਦੂਰੀ ਵਧ ਗਈ। ਪਰ ਪੂਨਮ ਢਿੱਲੋਂ ਆਪਣੇ ਪਤੀ ਨੂੰ ਸਬਕ ਸਿਖਾਉਣਾ ਚਾਹੁੰਦੀ ਸੀ, ਇਸ ਲਈ ਉਹ ਹਾਂਗਕਾਂਗ ਸਥਿਤ ਕਾਰੋਬਾਰੀ ਨਾਲ ਵੀ ਜੁੜ ਗਈ। ਆਖ਼ਰਕਾਰ ਉਨ੍ਹਾਂ ਦਾ 9 ਸਾਲਾਂ ਦਾ ਵਿਆਹ ਟੁੱਟ ਗਿਆ। ਪੂਨਮ ਢਿੱਲੋਂ ਆਪਣੇ ਬੱਚਿਆਂ ਅਨਮੋਲ ਅਤੇ ਪਲੋਮਾ ਨਾਲ ਵੱਖ ਰਹਿਣ ਲੱਗੀ।
