malaika arora congratulates arjun kapoor : ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਅਰਜੁਨ ਕਪੂਰ ਨੇ ਫਿਲਮ ਜਗਤ ਦੀ ਦੁਨੀਆ ‘ਚ 10 ਸਾਲ ਪੂਰੇ ਕਰ ਲਏ ਹਨ। ਅਰਜੁਨ ਨੇ ਆਪਣੇ ਬਾਲੀਵੁੱਡ ਕਰੀਅਰ ਦੀ ਸ਼ੁਰੂਆਤ ਫਿਲਮ ‘ਇਸ਼ਕਜ਼ਾਦੇ’ ਨਾਲ ਕੀਤੀ ਸੀ। ਅਰਜੁਨ ਕਪੂਰ ਨੇ ਆਪਣੀ ਪਹਿਲੀ ਫਿਲਮ ‘ਚ ਹੀ ਦਰਸ਼ਕਾ ਦਾ ਦਿਲ ਜਿੱਤ ਲਿਆ ਸੀ। ਇਸ ਮੌਕੇ ਅਰਜੁਨ ਕਪੂਰ ਦੀ ਗਰਲਫ੍ਰੈਂਡ ਮਲਾਇਕਾ ਅਰੋੜਾ ਨੇ ਉਨ੍ਹਾਂ ਨੂੰ ਬਹੁਤ ਹੀ ਪਿਆਰ ਭਰੇ ਅੰਦਾਜ਼ ਵਿੱਚ ਵਧਾਈ ਦਿੱਤੀ ਹੈ। ਫਿਲਮ ‘ਇਸ਼ਕਜ਼ਾਦੇ’ ਵਿੱਚ ਅਰਜੁਨ ਕਪੂਰ ਦੇ ਨਾਲ ਪਰਿਣੀਤੀ ਚੋਪੜਾ ਨਜ਼ਰ ਆਈ ਸੀ ਤੇ ਦਰਸ਼ਕਾਂ ਨੂੰ ਦੋਹਾਂ ਦੀ ਕੈਮਿਸਟਰੀ ਬਹੁਤ ਪਸੰਦ ਆਈ। ਇਸ ਦੇ ਨਤੀਜੇ ਵਜੋਂ ਇਹ ਫਿਲਮ ਵੀ ਜ਼ਬਰਦਸਤ ਕਾਮਯਾਬ ਰਹੀ। ਇਸ ਮੌਕੇ ਅਰਜੁਨ ਕਪੂਰ ਨੇ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ।
ਦਸ ਦੇਈਏ ਕਿ ਇਸ ਵੀਡੀਓ ਰਾਹੀਂ ਅਰਜੁਨ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਅਜੇ ਵੀ ਅਜਿਹਾ ਮਹਿਸੂਸ ਹੋ ਰਿਹਾ ਹੈ ਜਿਵੇਂ ਸ਼ੂਟਿੰਗ ਦਾ ਪਹਿਲਾ ਦਿਨ ਹੋਵੇ। ਅਰਜੁਨ ਕਪੂਰ ਨੇ ਇੰਸਟਾਗ੍ਰਾਮ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜੋ ਉਨ੍ਹਾਂ ਦੀ ਕਾਰ ਦੀ ਹੈ। ਇਸ ਵੀਡੀਓ ਤੋਂ ਸਾਫ਼ ਹੈ ਕਿ ਉਹ ਸਵੇਰੇ ਆਪਣੇ ਕੰਮ ਲਈ ਬਾਹਰ ਜਾ ਰਹੇ ਹਨ। ਅਰਜੁਨ ਕਪੂਰ ਦਾ ਇਹ ਵੀਡੀਓ ਮਲਾਇਕਾ ਅਰੋੜਾ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਦੇ ਨਾਲ ਮਲਾਇਕਾ ਨੇ ਅਰਜੁਨ ਲਈ ਪਿਆਰ ਭਰਿਆ ਮੈਸੇਜ ਵੀ ਲਿਖਿਆ। ਮਲਾਇਕਾ ਨੇ ਲਿਖਿਆ, ‘ਵਧਾਈਆਂ!!! ਅਰਜੁਨ ਕਪੂਰ ਹੋਰ ਕਈ ਦਹਾਕਿਆਂ ਤੱਕ।’
ਇਸ ਦੇ ਨਾਲ ਹੀ ਅਰਜੁਨ ਕਪੂਰ ਨੇ ਮਲਾਇਕਾ ਅਰੋੜਾ ਦੀ ਇਸ ਇੰਸਟਾ ਸਟੋਰੀ ਨੂੰ ਵੀ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਉਮੀਦ ਹੈ ਕਿ ਇੰਨੇ ਛੋਟੇ ਆਊਟਡੋਰ ਨਾਲ ਮੈਨੂੰ ਇੰਨੇ ਲੰਬੇ ਸਮੇਂ ਤੱਕ ਦੂਰ ਨਹੀਂ ਰਹਿਣਾ ਪਏਗਾ।’ ਇਸ ਦੇ ਨਾਲ ਹੀ ਅਰਜੁਨ ਕਪੂਰ ਨੇ ਮਲਾਇਕਾ ਲਈ ਦਿਲ ਵਾਲਾ ਈਮੋਜੀ ਵੀ ਬਣਾਇਆ ਹੈ। ਇਸ ਤੋਂ ਇਲਾਵਾ ਅਰਜੁਨ ਕਪੂਰ ਨੇ ਆਪਣੀ ਡੈਬਿਊ ਫਿਲਮ ਦੇ ਸੈੱਟ ਦੀਆਂ ਕੁਝ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀਆਂ ਹਨ, ਜਿਸ ‘ਚ ਉਹ ਅਤੇ ਪਰਿਣੀਤੀ ਚੋਪੜਾ ਇਕੱਠੇ ਨਜ਼ਰ ਆ ਰਹੇ ਹਨ। ਅਰਜੁਨ ਕਪੂਰ ਨੇ ਇਨ੍ਹਾਂ ਤਸਵੀਰਾਂ ਦੇ ਨਾਲ ਇੱਕ ਪਿਆਰਾ ਨੋਟ ਲਿਖਿਆ, ‘ਫ਼ਿਲਮ ਇੰਡਸਟਰੀ ਵਿੱਚ ਦਸ ਸਾਲ।”
ਅਰਜੁਨ ਨੇ ਅੱਗੇ ਲਿਖਿਆ “ਮੈਂ ਆਦਿ ਸਰ ਅਤੇ ਨਿਰਦੇਸ਼ਕ ਹਬੀਬ ਫੈਸਲ ਦਾ ਕਰਜ਼ਦਾਰ ਹਾਂ, ਜਿਨ੍ਹਾਂ ਨੇ ਮੈਨੂੰ ਇਸ਼ਕਜ਼ਾਦੇ ਵਰਗੀ ਫਿਲਮ ਦਿੱਤੀ। ਇੱਕ ਅਜਿਹੀ ਫ਼ਿਲਮ ਜਿਸ ਨੇ ਮੇਰਾ ਹੀਰੋ ਬਣਨ ਦਾ ਸੁਪਨਾ ਪੂਰਾ ਕੀਤਾ। ਇਹ ਫਿਲਮ ਬਹੁਤ ਸਾਰੀਆਂ ਯਾਦਾਂ ਅਤੇ ਪਿਆਰ ਦਿੰਦੀ ਹੈ। ਧੰਨਵਾਦ। ਇੱਕ ਕਲਾਕਾਰ ਵਜੋਂ ਮੈਂ ਮਾਣ ਨਾਲ ਕਹਿ ਸਕਦਾ ਹਾਂ ਕਿ ਕੰਮ ਅਜੇ ਵੀ ਜਾਰੀ ਹੈ। ਹਰ ਇੱਕ ਫਿਲਮ ਸਿੱਖਣ ਅਤੇ ਬਿਹਤਰ ਕਰਨ ਦਾ ਮੌਕਾ ਦਿੰਦੀ ਹੈ। ਮੈਨੂੰ ਬਹੁਤ ਸਾਰੇ ਚੰਗੇ ਨਿਰਮਾਤਾ ਅਤੇ ਨਿਰਦੇਸ਼ਕ ਮਿਲੇ ਹਨ। ਇਹ ਯਾਤਰਾ ਉਤਰਾਅ-ਚੜ੍ਹਾਅ ਨਾਲ ਭਰੀ ਹੋਈ ਸੀ।”
