pregnant Sonam Kapoor : ਬਾਲੀਵੁੱਡ ਅਦਾਕਾਰਾ ਸੋਨਮ ਕਪੂਰ ਮਾਂ ਬਣਨ ਵਾਲੀ ਹੈ। ਇਸ ਖੁਸ਼ਖਬਰੀ ਨੂੰ ਸੁਣ ਕੇ ਪ੍ਰਸ਼ੰਸਕ ਬਹੁਤ ਖੁਸ਼ ਅਤੇ ਉਤਸ਼ਾਹਿਤ ਹਨ। ਹਾਲ ਹੀ ਵਿੱਚ ਸੋਨਮ ਕਪੂਰ ਨੇ ਆਨੰਦ ਆਹੂਜਾ ਨਾਲ ਫੋਟੋਆਂ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਗਰਭਵਤੀ ਹੋਣ ਦੀ ਖਬਰ ਦਿੱਤੀ ਸੀ। ਉਦੋਂ ਤੋਂ ਉਹ ਸੋਸ਼ਲ ਮੀਡੀਆ ‘ਤੇ ਵੀ ਥੋੜੀ ਜ਼ਿਆਦਾ ਐਕਟਿਵ ਨਜ਼ਰ ਆ ਰਹੀ ਹੈ। ਹੁਣ ਹਾਲ ਹੀ ਵਿੱਚ ਸੋਨਮ ਨੂੰ ਪਹਿਲੀ ਵਾਰ ਮੁੰਬਈ ਵਿੱਚ ਬੇਬੀ ਬੰਪ ਫਲਾਂਟ ਕਰਦੇ ਦੇਖਿਆ ਗਿਆ ਸੀ।
ਦਰਅਸਲ ਪਤੀ ਆਨੰਦ ਆਹੂਜਾ ਨੇ ਮੁੰਬਈ ‘ਚ ਨਵਾਂ ਸਟੋਰ ਖੋਲ੍ਹਿਆ ਹੈ, ਜਿਸ ਦੇ ਲਾਂਚ ਈਵੈਂਟ ‘ਚ ਸੋਨਮ ਕਪੂਰ ਉਨ੍ਹਾਂ ਨਾਲ ਨਜ਼ਰ ਆਈ। ਈਵੈਂਟ ਦੌਰਾਨ ਜਦੋਂ ਸੋਨਮ ਕਪੂਰ ਪਾਪਰਾਜ਼ੀ ਦੇ ਕੈਮਰੇ ‘ਚ ਆਪਣੇ ਪਤੀ ਨਾਲ ਪੋਜ਼ ਦੇ ਰਹੀ ਸੀ ਤਾਂ ਆਨੰਦ ਉਸ ਨੂੰ ਕਿੱਸ ਕਰਦੇ ਹੋਏ ਨਜ਼ਰ ਆਏ। ਇਸ ਈਵੈਂਟ ‘ਚ ਸੋਨਮ ਕਪੂਰ ਦੇ ਦੋਸਤ ਵੀ ਸ਼ਾਮਲ ਹੋਏ। ਸੋਨਮ ਦੀ ਪਹਿਲੀ ਆਊਟਿੰਗ ਨੂੰ ਦੇਖ ਕੇ ਫੈਨਜ਼ ਕਾਫੀ ਉਤਸ਼ਾਹਿਤ ਹੋ ਰਹੇ ਹਨ। ਸੋਨਮ ਬੇਬੀ ਬੰਪ ਨੂੰ ਫਲਾਂਟ ਕਰਦੀ ਹੋਈ ਕਾਫੀ ਖੁਸ਼ ਨਜ਼ਰ ਆ ਰਹੀ ਸੀ।
ਇਸ ਦੇ ਨਾਲ ਹੀ ਨੀਨਾ ਗੁਪਤਾ ਦੀ ਬੇਟੀ ਮਸਾਬਾ ਗੁਪਤਾ ਵੀ ਇਸ ਈਵੈਂਟ ਦਾ ਹਿੱਸਾ ਸੀ। ਉਹ ਪੇਸ਼ੇ ਤੋਂ ਇੱਕ ਫੈਸ਼ਨ ਡਿਜ਼ਾਈਨਰ ਹੈ। ਵਾਣੀ ਕਪੂਰ, ਕਰੀਨਾ ਕਪੂਰ, ਅੰਸ਼ੁਲਾ, ਖੁਸ਼ੀ, ਅਬੂ ਜਾਨੀ, ਜਾਹਨਵੀ ਕਪੂਰ ਸਮੇਤ ਕਈ ਮਸ਼ਹੂਰ ਹਸਤੀਆਂ ਨੇ ਸੋਨਮ ਨੂੰ ਵਧਾਈ ਦਿੱਤੀ। ਮਾਂ ਸੁਨੀਤਾ ਅਤੇ ਪਿਤਾ ਅਨਿਲ ਕਪੂਰ ਵੀ ਸੋਨਮ ਦੀ ਇਸ ਖੁਸ਼ਖਬਰੀ ਤੋਂ ਬਹੁਤ ਖੁਸ਼ ਹਨ ਅਤੇ ਬੱਚੇ ਦੇ ਆਉਣ ਦੀ ਤਿਆਰੀ ਕਰ ਰਹੇ ਹਨ।
