Carol Maltesi murder news: ਪਿਛਲੇ ਕਈ ਮਹੀਨਿਆਂ ਤੋਂ ਲਾਪਤਾ ਫਿਲਮ ਅਦਾਕਾਰਾ Carol Maltesi ਦੇ ਕਤਲ ਦਾ ਸਨਸਨੀਖੇਜ਼ ਖੁਲਾਸਾ ਹੋਇਆ ਹੈ। ਖਬਰਾਂ ਮੁਤਾਬਕ ਅਦਾਕਾਰਾ ਦੀ ਹੱਤਿਆ ਕਰਨ ਤੋਂ ਬਾਅਦ ਉਸ ਦੀ ਲਾਸ਼ ਦੇ ਟੁਕੜੇ ਕਰ ਕੇ ਸੜਕ ਕਿਨਾਰੇ ਸੁੱਟ ਦਿੱਤੇ ਸੀ।
ਲਾਸ਼ ਦੇ ਟੁਕੜੇ ਇੰਨੇ ਬੇਰਹਿਮੀ ਨਾਲ ਕੀਤੇ ਗਏ ਸਨ ਕਿ ਉਨ੍ਹਾਂ ਦੀ ਪਛਾਣ ਕਰਨਾ ਮੁਸ਼ਕਲ ਸੀ। ਕਿਸੇ ਪ੍ਰਸ਼ੰਸਕ ਨੇ ਉਸ ਦੇ ਸਰੀਰ ‘ਤੇ ਬਣੇ ਟੈਟੂ ਤੋਂ ਉਸ ਦੀ ਪਛਾਣ ਕੀਤੀ। ਇਸ ਮਾਮਲੇ ‘ਚ ਪੁਲਸ ਨੇ ਦੋਸ਼ੀ ਪ੍ਰੇਮੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਸ ਦੇ ਨਾਲ ਹੀ ਪੁਲਿਸ ਦਾ ਦਾਅਵਾ ਹੈ ਕਿ ਦੋਸ਼ੀ ਨੇ ਆਪਣਾ ਜੁਰਮ ਵੀ ਕਬੂਲ ਕਰ ਲਿਆ ਹੈ। ਅਧਿਕਾਰੀਆਂ ਮੁਤਾਬਕ, ਕੈਰੋਲ ਮਾਲਟੇਸੀ ਜਿਸ ਨੂੰ ਸ਼ਾਰਲੋਟ ਐਂਜੀ ਵੀ ਕਿਹਾ ਜਾਂਦਾ ਹੈ, 26 ਸਾਲਾ ਅਦਾਕਾਰਾ ਨੂੰ ਹਥੌੜੇ ਨਾਲ ਕੁੱਟਿਆ ਗਿਆ ਸੀ। ਮੰਗਲਵਾਰ ਨੂੰ, ਪੁਲਿਸ ਨੇ 43 ਸਾਲਾ ਪੇਸ਼ੇਵਰ ਬੈਂਕਰ ਅਤੇ ਫੂਡ ਬਲੌਗਰ ਡੇਵਿਡ ਫੋਂਟਾਨਾ ਨੂੰ ਕਤਲ ਅਤੇ ਲਾਸ਼ ਨੂੰ ਨਸ਼ਟ ਕਰਨ ਅਤੇ ਛੁਪਾਉਣ ਦੇ ਦੋਸ਼ਾਂ ਵਿੱਚ ਹਿਰਾਸਤ ਵਿੱਚ ਲਿਆ। ਰਿਪੋਰਟਾਂ ਮੁਤਾਬਕ 19 ਮਾਰਚ ਨੂੰ ਕੈਰੋਲ ਮਾਲਟੇਸੀ ਦੀ ਲਾਸ਼ ਸੜਕ ਦੇ ਕਿਨਾਰੇ ਪਈ ਮਿਲੀ ਸੀ। ਮੁਲਜ਼ਮਾਂ ਨੇ ਲਾਸ਼ ਨੂੰ ਸੜਕ ਦੇ ਕਿਨਾਰੇ ਕੂੜੇ ਦੇ ਥੈਲੇ ਵਿੱਚ ਭਰ ਕੇ ਟੁਕੜਿਆਂ ਵਿੱਚ ਸੁੱਟ ਦਿੱਤਾ ਸੀ।
ਉਸ ਸਮੇਂ ਪੁਲਿਸ ਲਾਸ਼ ਦੀ ਪਹਿਚਾਣ ਨਹੀਂ ਕਰ ਸਕੀ ਸੀ। ਬਾਅਦ ਵਿੱਚ, ਜਦੋਂ ਪੁਲਿਸ ਨੇ ਲਾਸ਼ ਦੀ ਪਛਾਣ ਲਈ ਤਸਵੀਰਾਂ ਪ੍ਰਕਾਸ਼ਤ ਕੀਤੀਆਂ, ਤਾਂ ਅਦਾਕਾਰਾ ਦੇ ਇੱਕ ਪ੍ਰਸ਼ੰਸਕ ਨੇ ਉਸਦੀ ਲੱਤ ‘ਤੇ ਬਣੇ ਟੈਟੂ ਕਾਰਨ ਕੈਰਲ ਨੂੰ ਪਛਾਣ ਲਿਆ। ਪੁਲਿਸ ਪੁੱਛਗਿੱਛ ਦੌਰਾਨ, ਫੋਂਟਾਨਾ ਨੇ ਜਨਵਰੀ ਵਿੱਚ ਐਂਜੀ ਦੀ ਹੱਤਿਆ ਕਰਨ, ਉਸਦੀ ਲਾਸ਼ ਨੂੰ ਫਰੀਜ਼ਰ ਵਿੱਚ ਰੱਖਣ, ਅਤੇ ਇੱਕ ਮਹੀਨੇ ਤੋਂ ਵੱਧ ਸਮੇਂ ਬਾਅਦ ਇਸਨੂੰ ਕੱਟਣ, ਲਾਸ਼ ਦੇ ਟੁਕੜਿਆਂ ਨੂੰ ਅੱਗ ਲਗਾਉਣ ਅਤੇ ਕੂੜੇ ਦੇ ਥੈਲਿਆਂ ਵਿੱਚ ਸੀਲ ਕਰਨ ਦਾ ਇਕਬਾਲ ਕੀਤਾ। ਉਸ ‘ਤੇ ਹਥੌੜੇ ਨਾਲ ਕੁੱਟ-ਕੁੱਟ ਕੇ ਹੱਤਿਆ ਕਰਨ ਦਾ ਦੋਸ਼ ਹੈ। ਦੱਸਿਆ ਜਾਂਦਾ ਹੈ ਕਿ ਐਂਜੀ ਮਿਲਾਨ ਦੇ ਮੈਟਰੋਪੋਲੀਟਨ ਸ਼ਹਿਰ ਲੋਂਬਾਰਡੀ ਦੀ ਇੱਕ ਨਗਰਪਾਲਿਕਾ ਰੇਸਕਾਲਡੀਨਾ ਵਿੱਚ ਰਹਿੰਦੀ ਸੀ। ਉਹ ਪਹਿਲਾਂ ਪਰਫਿਊਮ ਦੀ ਦੁਕਾਨ ‘ਤੇ ਕੰਮ ਕਰਦੀ ਸੀ ਪਰ ਕੋਵਿਡ-19 ਮਹਾਮਾਰੀ ਤੋਂ ਬਾਅਦ ਉਸ ਦੀ ਨੌਕਰੀ ਚਲੀ ਗਈ ਅਤੇਐਂਜੀ ਅਸ਼ਲੀਲ ਸਮੱਗਰੀ ਦੇਣੀ ਸ਼ੁਰੂ ਕਰ ਦਿੱਤੀ।
