ਕੀ ਕਿਸੇ ਦਾ ਮੂੰਹ ਉਬਾਸੀ ਲੈਂਦੇ ਹੋਏ ਉਬਾਲੇ ਮਾਰ ਕੇ ਖੁੱਲ੍ਹਾ ਰਹਿ ਸਕਦਾ ਹੈ? ਤੁਸੀਂ ਮੰਨੋ ਜਾਂ ਨਾ ਮੰਨੋ ਪਰ ਇੱਕ ਕੁੜੀ ਨਾਲ ਅਜਿਹਾ ਹੋਇਆ ਹੈ। ਦਰਅਸਲ, ਅਮਰੀਕਾ ਵਿੱਚ ਰਹਿਣ ਵਾਲੀ 21 ਸਾਲ ਦੀ ਜੇਨਾ ਸਿਨਾਟਰਾ ਇੱਕ ਇਨਫਲੁਐਂਸਰ ਹੈ। ਹਾਲ ਹੀ ਵਿੱਚ ਉਹ ਉਬਾਸੀ ਲੈ ਰਹੀ ਸੀ। ਉਸ ਨੇ ਥੋੜੀ ਜ਼ੋਰ ਨਾਲ ਉਬਾਸੀ ਮਾਰੀ ਜੋ ਉਸ ਲਈ ਮੁਸੀਬਤ ਦਾ ਕਾਰਨ ਬਣ ਗਈ। ਇਸ ਤੋਂ ਬਾਅਦ ਜੋ ਵੀ ਹੋਇਆ, ਉਹ ਸਾਰੀ ਉਮਰ ਯਾਦ ਰਹੇਗਾ।
ਸਿਨਾਤਰਾ ਨੇ ਇਸ ਘਟਨਾ ਦੀ ਵੀਡੀਓ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ ਹੈ। ਇਸ ‘ਚ ਉਸ ਨੇ ਦੱਸਿਆ ਕਿ ਉਹ ਉਬਾਸੀ ਲੈ ਰਹੀ ਸੀ। ਉਸ ਨੇ ਜੋਰ ਨਾਲ ਉਬਾਸੀ ਮਾਰੀ। ਇਸ ਦੌਰਾਨ ਉਸ ਦਾ ਮੂੰਹ ਖੁੱਲ੍ਹਾ ਰਹਿ ਗਿਆ। ਬਹੁਤ ਕੋਸ਼ਿਸ਼ਾਂ ਦੇ ਬਾਵਜੂਦ ਮੂੰਹ ਬੰਦ ਨਾ ਹੋਇਆ। ਉਸ ਦੇ ਮੂੰਹ ਵਿੱਚ ਦਰਦ ਹੋਣ ਲੱਗਾ। ਹਾਰ ਕੇ ਉਸ ਨੂੰ ਹਸਪਤਾਲ ਜਾਣਾ ਪਿਆ। ਜਦੋਂ ਉੱਥੇ ਡਾਕਟਰਾਂ ਨੇ ਉਸ ਦੀ ਹਾਲਤ ਦੇਖੀ ਤਾਂ ਉਹ ਵੀ ਹੈਰਾਨ ਰਹਿ ਗਏ।
ਜਦੋਂ ਜੇਨਾ ਹਸਪਤਾਲ ਪਹੁੰਚੀ ਤਾਂ ਡਾਕਟਰ ਨੇ ਉਸ ਦੀ ਹਾਲਤ ਦੇਖ ਕੇ ਦੱਸਿਆ ਕਿ ਉੱਚੀ ਉਬਾਸੀ ਆਉਣ ਕਾਰਨ ਉਸ ਦਾ ਜਬਾੜਾ ਆਪਣੀ ਸਥਿਤੀ ਤੋਂ ਹਟ ਗਿਆ ਅਤੇ ਉੱਥੇ ਹੀ ਬੰਦ ਹੋ ਗਿਆ। ਇਕ ਡਾਕਟਰ ਨੇ ਦੱਸਿਆ ਕਿ ਉਸ ਨੇ ਪਹਿਲਾਂ ਕਦੇ ਕਿਸੇ ਵਿਅਕਤੀ ਨਾਲ ਅਜਿਹੀ ਸਥਿਤੀ ਨਹੀਂ ਦੇਖੀ। ਜੇਨਾ ਕਰੀਬ 4 ਘੰਟੇ ਹਸਪਤਾਲ ‘ਚ ਰਹੀ। ਇਸ ਦੌਰਾਨ ਉਸ ਦੇ ਜਬਾੜੇ ‘ਚ ਦਰਦ ਹੋਣ ਲੱਗਾ ਅਤੇ ਮੂੰਹ ‘ਚੋਂ ਲਾਰ ਵਗਣ ਲੱਗੀ। ਡਾਕਟਰਾਂ ਨੇ ਉਸ ਦੇ ਜਬਾੜੇ ਦਾ ਐਕਸ-ਰੇ ਕੀਤਾ। ਇਸ ਤੋਂ ਬਾਅਦ ਡਾਕਟਰਾਂ ਨੇ ਉਸ ਦੇ ਜਬਾੜੇ ਦੀਆਂ ਮਾਸਪੇਸ਼ੀਆਂ ਦੀ ਮਾਲਿਸ਼ ਕੀਤੀ ਅਤੇ ਆਪਣੇ ਹੱਥਾਂ ਨਾਲ ਉਸ ਦੇ ਜਬਾੜੇ ਨੂੰ ਬੰਦ ਕਰ ਦਿੱਤਾ।
ਇਹ ਵੀ ਪੜ੍ਹੋ : ਹਿਮਾਚਲ ਵੱਲ ਜਾਣਾ ਏ ਤਾਂ ਪੜ੍ਹ ਲਓ ਇਹ ਖਬਰ, 2 ਦਿਨ ਮੀਂਹ ਨੂੰ ਲੈ ਕੇ ਅਲਰਟ ਜਾਰੀ
ਡਾਕਟਰਾਂ ਦਾ ਕਹਿਣਾ ਹੈ ਕਿ ਜੇ ਤੁਸੀਂ ਉਬਾਸੀ ਮਾਰਦੇ ਹੋ, ਤਾਂ ਇਸਨੂੰ ਆਰਾਮ ਨਾਲ ਲਓ। ਕਦੇ ਵੀ ਜ਼ੋਰ ਨਾਲ ਉਬਾਸੀ ਨਾ ਲਓ, ਨਹੀਂ ਤਾਂ ਜਬਾੜੇ ਦੀਆਂ ਹੱਡੀਆਂ ਆਪਣੀ ਸਥਿਤੀ ਤੋਂ ਖਿਸਕ ਸਕਦੀਆਂ ਹਨ। ਇਸ ਨਾਲ ਨਾ ਸਿਰਫ ਜਬਾੜਾ ਖੁੱਲ੍ਹਾ ਰਹਿ ਸਕਦਾ ਹੈ ਸਗੋਂ ਨਸਾਂ ਨੂੰ ਵੀ ਨੁਕਸਾਨ ਪਹੁੰਚ ਸਕਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
