comedian mushtaq merchant died: ਮਸ਼ਹੂਰ ਅਦਾਕਾਰ ਅਤੇ ਕਾਮੇਡੀਅਨ ਮੁਸ਼ਤਾਕ ਮਰਚੈਂਟ ਦਾ ਸੋਮਵਾਰ ਨੂੰ 67 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਮੁਸ਼ਤਾਕ ਨੇ ਮੁੰਬਈ ਦੇ ਹੋਲੀ ਫੈਮਿਲੀ ਹਸਪਤਾਲ ‘ਚ ਆਖਰੀ ਸਾਹ ਲਿਆ। ਉਹ ਲੰਬੇ ਸਮੇਂ ਤੋਂ ਸ਼ੂਗਰ ਤੋਂ ਪੀੜਤ ਸਨ। ਮੁਸ਼ਤਾਕ ਦੇ ਪਰਿਵਾਰ ਨੇ ਉਸ ਦੀ ਮੌਤ ਦੀ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ।
ਮੁਸ਼ਤਾਕ ਮਰਚੈਂਟ ਨੇ ‘ਹੱਥ ਕੀ ਸਫਾਈ’, ‘ਜਵਾਨੀ ਦੀਵਾਨੀ’, ‘ਸੀਤਾ ਔਰ ਗੀਤਾ’, ‘ਜਵਾਨੀ ਦੀਵਾਨੀ’, ‘ਫਿਫਟੀ ਫਿਫਟੀ’, ‘ਸਾਗਰ’, ‘ਨਸੀਬ ਵਾਲਾ’, ‘ਨਸੀਬ ਵਾਲਾ’ ‘ਚ ਵੀ ਕੰਮ ਕੀਤਾ ਸੀ। ‘ਪਿਆਰ ਹੂਆ ਚੋਰੀ ਚੋਰੀ’, ‘ਬਲਵਾਨ’, ‘ਹਮਸ਼ਕਲਸ’ ਵਰਗੀਆਂ ਕਈ ਫਿਲਮਾਂ ‘ਚ ਕੰਮ ਕੀਤਾ। ਉਸਨੇ 1975 ਵਿੱਚ ਰਿਲੀਜ਼ ਹੋਈ ਅਮਿਤਾਭ ਬੱਚਨ ਅਤੇ ਧਰਮਿੰਦਰ ਦੀ ਬਲਾਕਬਸਟਰ ਫਿਲਮ ‘ਸ਼ੋਲੇ’ ਵਿੱਚ ਵੀ ਕੰਮ ਕੀਤਾ। ਪਰ, ਫਿਲਮ ਦੀ ਲੰਬਾਈ ਕਾਰਨ ਉਸ ਦੇ ਸੀਨ ਕੱਟ ਦਿੱਤੇ ਗਏ ਸਨ। ਮਰਚੈਂਟ ਨੇ ‘ਸ਼ੋਲੇ’ ਵਿੱਚ ਇੱਕ ਟਰੇਨ ਡਰਾਈਵਰ ਦੀ ਭੂਮਿਕਾ ਨਿਭਾਈ ਸੀ ਜਿਸਦੀ ਬਾਈਕ ਫਿਲਮ ਦੇ ਗੀਤ ‘ਯੇ ਦੋਸਤੀ’ ਦੌਰਾਨ ਜੈ (ਅਮਿਤਾਭ) ਅਤੇ ਵੀਰੂ (ਧਰਮਿੰਦਰ) ਨੇ ਚੋਰੀ ਕਰ ਲਈ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਅਦਾਕਾਰ ਅਤੇ ਕਾਮੇਡੀਅਨ ਹੋਣ ਤੋਂ ਇਲਾਵਾ ਮੁਸ਼ਤਾਕ ਲੇਖਕ ਵੀ ਸਨ। ਉਸ ਨੇ ‘ਪਿਆਰ ਕਾ ਸਾਇਆ’ ਦਾ ਸਕ੍ਰੀਨਪਲੇਅ ਅਤੇ ‘ਸਪਨੇ ਸਾਜਨ ਕੇ’ ਦੇ ਡਾਇਲਾਗ ਲਿਖੇ ਹਨ। ਮੁਸ਼ਤਾਕ ਨੇ ਕਰੀਬ 16 ਸਾਲ ਪਹਿਲਾਂ ਐਕਟਿੰਗ ਛੱਡ ਦਿੱਤੀ ਸੀ। ਅਦਾਕਾਰੀ ਛੱਡਣ ਤੋਂ ਬਾਅਦ ਉਹ ਸੂਫ਼ੀ ਬਣ ਗਿਆ ਅਤੇ ਧਾਰਮਿਕ ਕੰਮਾਂ ਵਿੱਚ ਰੁੱਝਿਆ ਰਿਹਾ।
